03-12-2016, 06:05 PM
|
 |
عضو نشيط
|
|
تاريخ التسجيل: Jul 2016
الدولة: الرياض
المشاركات: 166
معدل تقييم المستوى: 108297
|
|
|
رد: بغيت شوركم وهداية الله ... كيف اراقب العمال
اقتباس:
المشاركة الأصلية كتبت بواسطة ربي اغفر وارحم
السلام عليكم ورحمة الله وبركاته ..
دمتم سالمين ..
وفالكم التوفيق دائماً
انا قررت افتح مغسله
طبعا التكلفة الاجمالية
150 الف ..
الان جوني عمال قالوا لي نعطيك 7 الاف والايجار بينا شهريا ..
بس انا عارف تجيب اكثر بكثير وقد تدخل في الشهر مايزيد عن 10 الاف ..
غير رمضان والحج
هي في مكة ..
لكن اخاف اجيب عمال واعطيهم راتب وياكلوني ..
ولا يشتغلون ..
فما رايكم
|
السلام عليكم ورحمة الله وبركاته
اذا هم عرب وتعرف من اقصد جيراننا القريبين اشرط عليهم الكفالة على المحل
بعدين اي طلب انت وفره صابون تصليح غسالة لو لمبة انت جبها
وبعطيك طريقة من تموين للمحل تعرف كم غسلوا وكم كسبوا
نقول عندك 50 كيلو صابون
يغسل مثلا 300 ثوب
والثوب غسل وكوي 3 ريال
اضرب 300في 3 بيكون الناتج 900 ريال في الأسبوع
يعني في الشهر 3600.00 هذا بس الثياب طيب
لنفرض باقي الملابس دخلها بعد 600 يعني في شهريتك 2400.00 حلو
دخلك الشهري 6000.00
في السنة
72000.00 اثنين وسبعين الف
انا اعطيتك مثل وبدخل مره متدني
عرفت ليه قالوا نعطيك
ثانيا انت تراعي الله وتبي لقمة حلال نصيحة اخوك لا تعطي المحل لمن ما كان
ان شاء الله وافد محرول ويبكي قدامك مو قل رحمة لا وربي
الا اهلها اولى بخيرها
الحسبة الي تعتمدها في اي مشروع بتسوية
اولا الكفالة على المحل
تحسب الأتي:
أجار المحل
تكلفة المعدات
تحسينات أو ديكور
راعي المحل يعطيك 3 شهور يسموها اعداد ديكور وتخليص اوراق
نثريات مثل لميات وغيرها
سعر اللوحة
كلفة رواتب العمال شهريا
تجمع المبالغ وتتوكل على الله وتجي للمرحلة الثانية
بعض منتجات النظافة إذا مو كلها تكتبلك كيف تستخدمها وسعتها
يعني كل 500 جرام كم تنظف
تقوم وش تسوي
تحسب كمية الصابون وكم تغسل ونفس الشي لكل الملابس
تحسب الربح شهري وسنوي همن تخصم الفرق بين راس مالك وربحك
هذا صافي دخلك مع ودقق مع
محل قائم وعمالة ومعدات ودخلت السوق والناس عرفتك
تبي تقفط هاللي قالوا النصف بينكم
قولهم التكلفة كذا والربح كذا دقق معي
لما تقارن التكلفة مع الربح تجيبهم على منكس روسهم تقولهم ببساطة
تبون المحل طلعوا راس المال ضعف في سنة
هنا تصك عليهم ولو وافقوا تراك ربحان
اولا ترجع راس مالك بسرعة والسنة الجاية تمسكهم وتقول
اجل كنتوا بتعطوني كذا يعني بالدليل القاطع كشفتهم
بكذا صرت محكحك وابن سوق
الحين تقولهم راتب ولا باي باي انا ناوي افتح محل ثاني واحط فيه واحد منكم
وانا ما اكون خالد ولد ابوي اذا ما نخوا مثل العنز اللي تلاحق شايل ولدها بسكااات تمشي
اذا جبت المواد فوتر كلشي لايدفعون ريال في المحل اشتغل واكسب
عطني مبيع كذا والربح الباقي لك مو خذ المحل
بنام في البيت مشغول بالأستراحة بسافر واخرتها للتقبيل لعدم التفرغ
والله يوفقك ويرزق من واسع رحمتة وابوابه
اخيرا الله الله بالزيارة الغفلة اول النهار الظهر العصر المغرب تالي الليل اقلقهم
متى ما طرالك تعال وادخل المحل ونبش فتش
واهم شي السكن تاخذ معك أثنين منها حماية ومنها شهود
والسكن يكشفهم والله فيه ملابس متكدسة يعني يصرفون لولد عمهم
فيه صابون يعني غسلهم مو طيب ويوفرن الصابون وتغليف ويرسل لالبلاد يآآخي بكراتين ولديرتهم
انا اكلمك من شي بعيني شفته وعشته
موفق
التعديل الأخير تم بواسطة خالد ين علي ; 03-12-2016 الساعة 06:09 PM
سبب آخر: الحروف
|
العرض العادي
