استشاره في مشروعين هل اقبل ام لا بالربح المعطى !!

[املاك خاصة]

بسم الله الرحمن الرحيم

اخواني حبيت استشير في موضوعي هذا عن النسبه الربحيه الي راح تعطى عن راس المال بعد دوره زمنيه معينه وذلك بعد عرض اثنين من الزملاء علي مشروعين كل واحد له مسار مختلف عن الاخر هل هي مجزيه علما عدم توفر رأس المال لديهم مع وجود خبره بالنشاطين

الاول /
يعطى راس مال بسلعه هو يتصرف في بيعها وتكون نسبه ثابته او نقول مبلغ ثابت عشان تتضح الفكرة

السهم ب 50 الف يكون الربح 15 الف بعد ثلاثه اشهر
طبعا تعطيه السهم بطايق سوا وهو يبيعها بسعر السوق ويحصل
لسلامة من الناحية الشرعيه و المبلغ وبعد ثلاثه اشهر تاخذ 15 الف ربح على السهم
النشاط ... جملة شنط نسائيه


الثاني /
تعطيه راس مال لا يقل عن 100 الف ريال وطبعا لسلامة من الناحية الشرعيه لا يحدد الربح فقط المحدد ان اخر الشهر تحصل الي كاتبه الله والربح مناصفه خلال الشهر ولا يقل شهريا عن 3000 الاف للطرفين
النشاط ... شراء سيارات مستعمله وبيعها

سؤالي/
هل تجدون ان الربح المعطى هل هو مجزي بدون اي تدخل مني في البيع او التصريف فقط رأس المال ؟

شكرا لكل من مر هنا واتمنى تكون الفكره واضحة

[بدر سعود]

جدا مجزي ان صدق .

مبلغ 50 الف خلال سنة يكون ارباحه 60 اكثر من راس المال .

-----------------------------------------
يعني 50 بعد سنه تصير 110 نسبة الارباح اكثر من 100/100

==========================
البنوك يحطون مليون ريال . ارباحها السنوية 12 - 14 بالمية

[ملك الهوكي]

مسألة تحديد المكسب ثابت أظن فيها مخالفة شريعة


كيف يدري إنه حيبيع بأكثر من ١٥ ألف

يمكن يبيع ب ١٠٠ ألف ويعطيك منها ١٥ ألف

طيب المرة اللي بعدها يبيع ٢٠٠ ألف ويعطيك برضو ١٥ ألف



طيب ممكن يخسر وهل يعطيك ال ١٥ ألف

أشوف إنه فيها مخالفة شرعية أو فيها شيء ( إن) على قولتهم

انتبه لا ترمي فلوسك ويتم إغراءك بالمكسب المضمون

ترى ما فيه نصاب بيقول لك ممكن تخسر!!

وما فيه تجارة ما فيها خسارة

وما فيه تجارة تعطيك مكسب دائماً


لو جربت السوق راح تعرف معنى كلامي

أحيان تبيع وأحيان كثييييرة لا

والرزق على الله

انتبه وحكم عقلك

والله يكتب لك الخير

[املاك خاصة]

بدر سعود حياك الله يالامير

يعني انت ترجح الخيار الاول

المكسب لاباس به مع الربح في بيع الجمله لان الربح يوصل 200 ٪ في بعض الاحيان

اشكرك على حضورك

[املاك خاصة]

حياك الله اخوي ملك الهوكي يالامير

الحذر موجود وانا اخوك مهما كانت الضمانات

لكن مسألة الخلاف الشرعي ما عندي علم فيها
لان تحديد المبلغ يعتبر ربا وما ادري هل يخش فيها

اما عن المكسب صادق ولكن خلنا نحسبها
انت جالس في بيتك ويجيك حقك
هو يسافر الصين ويبحث ومصاريفه هناك
غير الجمرك والشحن وتصريف البضاعه واجار المحل
اتوقع الربح مرضي في الحاله هذي

اشكرك اخوي

[اعمل بلا كلل]

الله يستر لا يكون صاحب المشروع الاول هو اللي ضحك علي.حسبي الله على كل كذاب.

على العموم انتبه وانا اخوك.

اذا تقدر تشغلها بنفسك افضل.

هناك مقولة (الطمع ضيع ماجمع) وهذي طحت فيها