استفساراتكم بخصوص مشروع اغنام (ارائكم تهمنا)

[ابافيصل]

السلام عليكم ورحمة الله وبركاته

اللي له خبره بالاغنام او يعرف أحد تاجر أغنام

وش يبدى فيه أولا وهل احد جرب هذا النشاط
ونريد تعليقاتكم على هذا المشروع علمآ ان الارض وجوده

وشكرآ لكم

[مستشار مشاريع]

استخر ثم استشر

عليك بالغنم الحريه ( الحبص )

وخصوصا ما يعرف منها بـ الحرش

يجب ان يكون لديك الوقت الكافي للمتابعه
ثم توفر قيمة الغنم كامله + مصاريف 10 أشهر

طبعاً المصاريف تختلف من شخص لاخر ولكن ابحث وستجد مبلغ متوسط كسعر تعليف حسب العدد

وبعدها توكل على الله

الانتاج اعمل حسابك مع التحفظ مره واحده في السنه ( النسبه قابله لزياده لتصبح 3 مرات كل سنتين )

وبالتوفيق ,

[أ بو تميم]

انصحك فيه خصوصا هالوقت لاته باقي شهر على الاضاحي
بالتوفيق

[زاد حلا]

السلام عليكم ورحمة الله وبركاته
اسعد الله صباحكم ومساءكم
اهلا بك اخوي ولايهونون الجميع
ان شاءلله اتكلم بالمفيد وبالمختصر باذن الله
اهم شي التوكل على الله وحسن النيه الصافيه والصدق والامانه.. ولله يرزق الجميع من واسع فضله
لابد من تحديد النقاط الرئيسية لكل مشروع وهــــي
- اختيار المشروع .
كمثال تجارة الاغنام
- راس المال للمشروع.
كل مازاد المبلغ زادت الارباح لنفرض 100000/ مئة الف ريال .واكثر
- هدف المشروع .
الشراء والبيع - جمله / تفريد .
- أدوات المشروع .
( اذا تعرف صديق قريب لك يكون افضل واحسن لدية شبك اغنام بامكانك الاتفاق معه بكل شي )
1- تجهيز مكان للشخص لقربه من الخرفان, حرصا من السرقات والضياع . اذا لديك معرفه بشخص امين وصادق من الجنسيه الهنديه الخ.
2-شبك غنم بحسب الكميه الخرفان .
3-توفير الماء .
4- توفير العلاف .
اسرد لكم بكل ماعرفه ولي من واقع خبره وتجربه وهذا من فضل ربي
اتكلم عن خرفان الشمال - بالاخص معرفتي فيه مدينة طريف على حسب السوق ولكن والله اللي يعرف يفكر افضل شي تجارة الاغنام
1- الشراء قبل موسم رمضان او الاعياد قبل 3 شهور واكثر وهذا الافضل .
كمثال تشتري لك جمله لايقل عن 100 خروف مع مرور الوقت وعلفها تكبر في موسم رمضان وتضحي في وقت الاعياد
على حسب السوق اقل او اكثر ولكن بالايام العاديه عندنا اسعارها تقريبه 1000 ريال الى 1100 ريال تقريبا ولكن اكيد يختلف سعر الجمله عن التفريد
الاسعار هذي تقريبيه لعمر الخروف من شهرين ونصف الى 3 شهور او 3 شهور ونصف ..
الخروف الواحد 1000 ريال * 100 عدد الخرفان =100000 ريال راس المال
لنفرض تم البيع في موسم رمضان الجمله للخروف الواحد 1170 ريال او اكثر .
الحسبة النهائية لاسترداد راس المال مع الربح :
راس المال 100 الف ريال .
الربح 17 الف الى 20 الف ريال تقريبيا .
خصم تكلفة المشروع بالكامل من الادوات والاعلاف مع مصروف الراعي مايزيد عن 10 الالف ريال .
الربح مع راس المال 110000 ريال .
2- الشراء والبيع المباشر.
كمثال لشخص قريب لي قبل 4 ايام تم شراء أكثر من 95 خروف مناسب لتضحيته لعيد الاضحى .
الخروف الواحد 1220 ريال*95 عدد الخرفان=115900 ريال. سعر ممتاز ومناسب
وانت تبيعهم الخروف الواحد جمله سعر اقل شي 1250 ريال .
الحسبة النهائية لاسترداد راس المال مع الربح :
راس المال 115900 ريال .
الربح 2850 ريال تقريبا .
الربح مع راس المال 118750 ريال .
لكل مجتهد نصيب والرزق على الله
إن أحسنت فمن الله، وإن أسأت أو أخطأت فمن نفسي والشيطان

[قيس العتيبي]

مثل مانصحك اخوي مشاريع
عليك بالحرية الحبص
الضان الي لونه ابيض الغنم الحجازية
هاذي سوقها ماشي واقل امراض من النجدية واوفر بالطعم والبرسيم
النجدية تاكلك اكل هي والنعيمي وتكلفك برسيم وشعير والنجدي امراضة كثير خراج وبلاوي
اما الحرية الحبص اصغر حجم من النجدي واوفر واقل امراض واصبر وماشية بالسوق
والصرف عليها من الشعير اقل
بالعربي الحبص غنم اقتصادية عكس النجدي والنعيم ومرغوبة بالمطابخ والاضاحي والناس عكس المستورد

[عدناان]

وفقنا الله وياك لكل خييير ..

ماقصروا الاخوان معك ..

[بدر سعود]

ابا فيصل
اذا كان مشروعك انتاج عليك
ابداء بـ 5 رؤس من الغنم فقط.
الـ 5 روس تعلمك كيف تتعامل مع الاغنام (( تعليف +تنظيف +سقايه +تطعيم +سرح الخ الخ ))
وتعمل جدول وقوائم للمشروع والراعي الخ .
اذا اتقنت التعامل معها ابداء ف الاغنام
---
اشتر اغنام مراح يعني اغنام صنف واحد (عيال بعضها) حتى تسلم من الامراض
نوع الاغنام على حسب المنطقة التي انت فيها .