100 أو 150 الف تقدر تسوي لي مشروع صناعي ؟ عطوني أفكاركم

[محمد بن غازي]

السلام عليكم .. يسعد أوقاتكم بكل خير
الواحد وده يتخلص من الوظيفه ويبحث عن مشاريع تجاريه
والله يأخوان ملينا من العمل وكل يوم نفس الروتين نبي نغير حياتنا
نويت أخذ قرض بمبلغ 100 أو 150 وبالأمانه ودي بمشروع صناعي نبدأ فيه
هل المبلغ يكفي المشروع الصناعي ؟ ولا أتجه ألى مشروع ثاني
عطوني أفكاركم
علما بأني ماأقدر أقابل الشغل لأا فتره مسائية .

[زرقا اليمامة]

المصنع فكرة حلوه
لكن المشكله وشو المصنع الي يتناسب مع المبلغ الي ذكرت
مثلاً مصنع شيبس
او مصنع ملابس
هذي افكاري وماعندي خلفيه عن التكاليف

[مكافح وافتخر]

المصنع بغض النظر عن نوعه يحتاج إلى مبلغ أكثر من اللي معك ، عندك ايجار ومعدات وعمال وسكن ومواد خام ومبلغ احتياطي ....
والجانب الثاني هو لكي تنجح يجب ان تكون إدارتك جيدة ولاتخصص وقت معين لإشرافك عليه بل يجب كل وقتك وجهدك له

[قيس العتيبي]

اهلا بالغالي
كنت بفتح مصنع ملابس خاصة بالنساء
او الاطفال
او الملابس الداخلية للنساء
او ملابس الجينز
اتوقع انها كافيه 150 الف
4 هنود شطار خياطين + محل مصنع وسط او صغير + امور التراخيص + الات الخياطة ومعداتها وهي غير مكلفة اظن
لكن المصيبة هي كيف توزع الملابس وكيف توردها للمحلات وكيف تنتج برا المصنع ؟؟؟؟؟
وخاصة ان الي يمسك الملابس يمنيين واغلب المحلات تاخذ من الصين !!!!!

[قيس العتيبي]

عندك مصنع سيراميك ورخام
تشتريك الرخام والسيراميك من عمان او تركيا او الصين او تجيبه محلي
وعندك ستة او 7 عمال هنود او باكستانين ويشتغلون قطع فيها وعمل وبعدها انت توزعها على المقاولين والشركات
واما المواصلات والتريلات فما يحتاج تشتري
لانك انت تتعاون مع سوريين او باكستانيين او سعوديين معهم تريلات يوصلونها لك للمكان الفلاني وانت تعطيهم اجرتهم حقت التوصيل
تحتاج لمعدات صناعة وقطع الرخام + المصنع + مسوقين او مندوبين + سيارة توصل المندوبين يسوون لك دعاية الخ
بس مدري توفي 150 الف بشكل كبير او لا

[بدر سعود]

افتح معمل جلود او صوف .
-------------------
المتطلبات:
1- مستودع كبير او استراحة يجب او يكون اجارة رخيص حتى لو كان اخر البلد
2- مكبس كبير او وسط .
3-سيارة نقل داتسون .
4-مبلغ لشراء الجلوووووووووووووووود .
5-عامليين .

شراء جلد المواشي من المسالخ وتنظيفها ثم تجميع اكبر كميية ثم البيع او التصدير . طبعا يوجد الكثير يشترونه من عندك .

[محمد بن غازي]

والله يأخوان حيرتوني معاكم
فعلا أحس أن المبلغ مايكفي أنك تسوي مشروع صناعي
وأشكركم على تعاونكم لاكن ماجاني النوم بسببكم <=== بدينا بالهواجيس

بوضح لكم شي
انا أحتكاكي مع تجار العطور اللي يستوروند تركيبات العطور من برى
وودي بالشغله هذي لأنهم قريبين مني ممكن يفيدوني ممكن العكس ولا تحتاج في البداية ألى راس مال كبير

لاكن واحد من التجار نصحني نصيحة قال اي مشروع صناعي بأذن اله ناجح
علشان كذا عطوني تفاصيل أدق علشان نوصل للي ننبيه

والف الف الف شكر والله على أرائكم وراح ابحث عن كل رايي عطيتوني وأرجع لكم

تحياتي لكم ..

[بكيفي انا حر]

ابحث لنفسك عن خط انتاج في الانترنت يكون مناسب ورخيص تحصل خطوط جدا كثير
سهل جدا تحصل خط انتاج علي قد فلوسك
ولكن من الصعب جدا اقتحام السوق
آڵڵھ يوفقك

[ابا يوسف]

اى مشروع بلاستيك لايكفيه هذا المبلغ
وماتصدق اى حد يقولك ينفع في مشروع بلاستيك

[نقطة فرصة]

السهل في اقتحام السوق هو رخص المنتج

اذا كان المنتج جودته عاليه و رخيص

راح يتركون الصيني و يشترون منتجك غصب

ف نصيحه لك حاول ب البدايه البيع ب سعر الصفر

يعني ان ما تحسب الارباح بتاتا

بدايه اول سنه تاخذ بس ارباح المواد و رواتب العمال و اجار المصنع