مشروع مطعم بروست في قرية

[باك البطالة]

السسلام عليكم

افكر بمشروع فتح مطعم بروست في قرية

عدد السكان ممكن 250 بيت
القريه على خط عام وبجانب مصنع كبير

المحل يكون بجانب بقالة كبيره على خط عام

ماهي المتطلبات لفتح المشروع

وكم تكفلة المشروع
وكم احتاج مكائن البروست وثلاجة لحفظ الدجاج وغيرها

وكيف اجيب عمال لهم خبره في المطاعم وعلى كم رواتبهم

وكيف اخذ الموافقه من البلدية ووزارة التجاره

وتقريبا كم التكلفة لكل شيء


اتمنى الافاده

[باك البطالة]

ووووووين الناسسسسسسسس

[نقطة فرصة]

كيف عدد السكان 250 بيت !!!

[نقطة فرصة]

اول شي السسلام عليكم

برد على الي اعرفه و افيدك فيه

المحل يكون بجانب بقالة كبيره على خط عام

- ممتاز

ماهي المتطلبات لفتح المشروع

- ما قد فتحت مشروع مطعم لكن انصحك تروح محلات تجهيز المطاعم و هم بفيدونك

وخذ الاجهزه الاصلية

وكم تكفلة المشروع

- على حسب المعدات الي بتشتريها والاجارات ب قريتكم


وكم احتاج مكائن البروست وثلاجة لحفظ الدجاج وغيرها

وكيف اجيب عمال لهم خبره في المطاعم وعلى كم رواتبهم

- شوف لك مطعم للتقبيل و برحل عماله او عماله لها خبره وما تبي كفيلها للظروف

وكيف اخذ الموافقه من البلدية ووزارة التجاره

- تروح للبدلية و تاخذ الشروط و تتطبقها بالمحل و تروح الغرفه التجارية و تستخرج سجل تجاري
و فيه احين تقدر تستخرج سجل تجاري اكتروني و مثبت بنفس القسم

وتقريبا كم التكلفة لكل شيء

- امممم مثل ما قلت لي مادري بالضبط على حسب

[daherey]

متابع

[ام الخيرات]

حلو
بالتوفيق يارب

[همآإم]

أقول لك يا واد
تفكيرك في السليم .. ربي يوفقك والجميع

أنا شفت مطعم بروست في مركز يتبعه عدة قرى صدقني عليه زحمه أقل شيء يومياً يطلع حوالي 100 وجبه بروست
من غير زاوية في المحل حاط فيها شورما حجم صغير إلى متوسط وما يجي الساعه 11 إلا هو مخلصها
عنده ثلاث عمال واقفين بالمحل هنود + النظافه

إن شاء الله أضفت لك

[ددسن البطالة]

أول خطوة :
تروح للبلدية وتأخذ جميع الشروط اللازمة لفتح محل ( نشاط مطعم )
إذا تمت الموافقة تبدأ بالخطوت التالية:
1- تستأجر المحل. وتكتب العقد
2- تروح لفرع وزارة التجارة وتفتح سجل تجاري أو عن طريق الانترنت تقدر تفتح . ( رسوم السجل : 200 ريال )
3- الغرفة التجارية وتسجل اشتراك . ( رسوم الاشتراك 800 ريال ) وتصدق من عندهم عقد الإيجار المحل . ( 25 ريال )
4-تروح للبلدية عشان الرخصة : راح يطلبون منك طلبات منها : لوحة للمحل + يعطوك خطاب للدفاع المدني :
5- تروح للدفاع المدني : وبعد ما يعانون المحل يطلبون منك أدوات سلامة , وإذا شريت الأدوات (( لازم تأخذ فاتورة من المحل )) وتعطيها الدفاع المدني (( صور الفاتورة لك))
وبعدها يعطوك موافقة وتروح للبلدية ويعطوك الرخصة.
6- فتح اشتراك بالتأمينات الاجتماعية. بدون رسوم
7- اشتراك مصلحة الزكاة. بدون رسوم