أبلشونا الجامعيين في تقديم العسكرية

[ابو اصايل]

كل انسان مكتوب رزقه

الله يوفق الجميع

[مليات من النوم]

ياخيووووووووووو وشفيك معصب كل واحد مو ما خذا الا نصيبة
انا معاي ثانوية النسبة 62 الهم لا حسد ههههههههههههههههههههه
بعدين عادي خل الجماعين يقدمو االله يوفقهم
انت صادق خيوووو لما قلت اذا انقبل يقول اروح ولا ماروح
بس مو الجماعين اللي يقولوا الكلام هذا حتى الثانوية

[‏Łơvĕłỹ prΐήçё]

الله يوفق الجميع

[الكااسر]

بالتوفيق

[أبــونــاديــن]

اسمحلي اخوي اقولك ان كلامك غير منطقي ومحد يرضاه نهااائيا

الحين قومت الدنيا على الجامعيين ليه ؟!؟!
ماهم بشر ما عندهم عوائل ماوراهم إلتزامات ؟!؟!

يعني لو لقوا شي غير الجندي بيتركونه ويجيون يقدمون على جندي ؟!؟!

والله ما حدهم على جندي الا قلة الحيله وانا اخوك ؟!؟!

واذا فيه ناس من الجامعيين ينطبق عليهم كلامهم انهم يزاحمون وبالاخير يقول اروح ولا ما اروح
تراهم قلُه قليله وينعدون على الاصابع ،،، وانت الله يهديك عممت على الكل ?!?!?!

طيب ليه ما قلت شي للي مقدمين على الامن العام واللي مقدمين على حرس الحدود وينتظرون الفرز النهائي ومع هذا قدموا مع العالم على المباحث ،،،،

كل العالم تبي تتوظف ومحد يبي يجلس بدون وظيفه ،، حتى لو كانت الوظيفه اقل من مؤهله او طموحه لان الدنيا تغيرت واذا تبي تعيش ترضى باللي يجيك
واللي ربي كاتبه لك ،،، فالكل يبي شي اكيد ومضمون ولا يبي يفوت تقديم لين يضمن انه مقبول نهائي ،،،

واذا تبي تقول انا جامعي ولا ثانوي مابي هالوظيفه ولا تليق بمؤهلي والله ان تبطي وانت ما توظفت ،،واجلس انتظر الديوان ولا العسكريه لين يفصلون وظيفه على مزاجك وحسب مواصفاتك وطلباتك


اخوي هذي ارزاق مقسمها رب العباد والكل بيقدم على اي وطيفه تجي واللي ربي كاتبها له ومن نصيبه بياخذها لو حتى ما معه شهاده ،،، لان ربي كتبها له ومحد بيقدر يحرمه او يمنعه منها ،،


اتمنى ما تزعل من كلامي ولا تاخذ بخاطرك وحط ببالك
ترى الجامعيين واهل الدبلوم واهل الثانويه اخوانك ولا عيال عمك ولا عيال حارتك ولا من جيرانك فحب لاخيك ما تحب لنفسك،،، ومحد ياخذ الا قسمته ورزقه ،،

واعذرني وسامحني اذا ثقلت بالكلام عليك بس والله ترى الكل يعاني ويحدنا الزمن على اشياء
ما نبيها لكن غصب نرضى فيها نبي نعيش ونتزوج ونبي نصرف على اهالينا ،،،


( ترى معي ثانويه لا تحسب اني جامعي وجيت اطير فيك لا والله ثانوي لكن كلنا سوا ومحد احسن من احد وكلنا عاطلين وشهاداتنا ما فادتنا بشي وما تجمعنا هنا الا نبي ندور الوظيفه ونبي نتوظف ونتزوج ونصرف على اهلنا وبيوتنا )


الله يرزقك اخوي
وييسر امرك ويسخر لك عبااااااااااااااااااده يااااارب
وأسأل الله العلي القدير ان يجعل برزقك ويرزقك الوظيفه والزوجه الصالحه يآآآآآآآآآآآآآآرب

[عمر عاطل]

السلام عليكم ورحمه الله وبركاته

اخي العزيز كاتب الموضوع

اولاً قول ماشاءالله

ثانياً نحن او الذين قدمو مثلك يريدون ان يفتكو من العطاله الي انت فيها

لاننا وبختصار عنينا الامرين من العطاله

العمر راح ومابقى فيه كثر الي مضى

ويش تبنا نسوي نسرق مثلاً

او عندك واسطه تدخلنا ملازم

يعني الواحد تراء ماترك شي الا وقدم فيه

تراء الرزق على الله سبحانه وتعالى وليسى في يد البشر يمكن رزق الجامعي مكتوب في المباحث ونحن لانعلم

اخي العزيز اتقى الله في نفسك ولاتضلمها

فنحن نريد الستر من الله لماذا هذا كل العنا في كتابت الموضوع لماذا لاتكتب ان الله يوفق جميع العاطلين من

الجامعيين والكليه المتوسطه والثانوي


الله لام لك الحمد حتى ترضى ولك الحمد اذا رضيت ولك الحمد بعد الرضى

[عارف]

كلاً مكتوب له نصيبه اهم شي التوكل على الله عزوجل

[عمر عاطل]

المشاركة الأصلية كتبت بواسطة عوض المدينة

ههههههههههه والله حنا درسنا وتعبنا وبالاخير تحسدنا ع جندي صح مو الطموح بس العوض ولا القطيعة

اخي العزيز الناس لايام هاذي والله مدري ويش جاها من الجامعيين

الله يوفقهم يارب

[متحير]

بالتوفيق لجميـــع العاطلين...

[انوسي]

هدووووووووووووء ياشباب وحسبوها صح الحين لوفرضنا ان الجامعي تم قبوله على وظيفه حكوميه مرتبه سادسه كم بيعطونه راتب ؟؟؟؟؟؟؟ يمكن 5400 او 5800 مايزيد عن كذا هذا اذا حصل وظيفه لكن اذا دخل المباحث وهي فاتحتن ابوابها له ولغيره كم بياخذ وهو جندي اكيد اقل شي 7000 الاف هاااااه الحين عرفنا ليه الجامعي سجل جندي والسبب الثاني وانه ماله الشغله غير يكد الخطوط رايح جاي هاذي مقابله وهاذي مسابقه وظيفيه ويستاجر شقه اذا حصل عزاب حول الوزاره ومواصل له ليلتين ماينام واخررررر شئ الواااااااسطه صاحيه وصاحبها بالبيت نايم وضامن الوظيفه بالجيبه كذا هو وضعنا حنا يااشباب بهدله وهمو وتفكير وتحطيم ؟؟؟؟؟ اجل وش ننتظر تمطر السما وظايف حسب المؤهلات والافضليه ؟؟؟؟ اتمنى اني ما اطللللللللللللت عليكم صبولي شاي وخلوني اروق ترى الهرج طول مع السلامه ؟؟؟ لتوووووووووووووووضيح فقط؟