عفوا لا تقوووووووووول عاطل

[عاطل جامعى]

بسم الله الرحمن الرحيم

والله ياجماعة الخير هالكلمة مسببتلى ازمة كل الناس طوالى مايسمعون احد ماهو متوظف قالوا عاطل وش معنى هالكلمه اللى ماسكين فيها ماعندهم الا كلمة الاخ عاطل قبل مدة قرات فى احد الصحف ان احد اخواننا المعاقين الله يشفيهم يزعل اذا قال له احد معاق ويفضل كلمة ذوي الاحتياجات الخاصه طيب العاطل ليه يرضى بكلمة عاطل وكمان وش معنى كلمة عاطل وهل العطل احنا السبب فيه ولا مجتمعنا صرناا زي هالاجهزه هذا عاطل وذا صالح واللى اعرفه انا لغتنا العربية زاخرة بالالفاظ السهله والجميله ليه ما نلقى كلمة احلىمن هالكلمة واللى قاهرنى اكثر تعال شوف شيابنا الله يخليهم لنا لو جلست فى مجلس ارجال ودري انك عاطل وماانت متوظف استلمك ليه ماتوظفت ياوليدي اشتغل اي شغله احنا فى زمنا مادرسنا بس قدرنا نفتح بيوت ونصرف على اهلينا
ايه زمنكم غير وزمنا غير زمنكم الواحد كان يفتح بيت خمسة ريال لا كهرب ولا مصاريف زي الحين زمنكم كان الريال يصرف الواحد شهر الحين الفين ريال ماتفتح بيت
بصراحه حال العاطلين محزن ماهومحصل وظيفة وياليته يسلم من كلام الناس

[العنا]

عاطل جامعي
الله يكون في عيون الجميع...
وشيابنا مالنا بد منهم وهم أدرى بالحال بس شيسوون لازم ينصحوون !!
والله يوووووووووووووووفق,,

[ادور وظيفة]

والله كلام صحيح الله يعافيك
واذا قابلك حد قال ما توظفت توظف لو عسكري جندي وانت معك الجامعة

[سعوديةفخرآل جود]

أخوي الكلمه أولا أكيد لاهي عيب ولاحرام
وثانيا بالنسبه لزمنا وزمان أجدادنا
أكيد فيه فرق
لكن لوتلاحظ حتى في زمننا
فيه اللى قدر يقهر الوقت والظروف
ويصير شئ ويكون أشياء
من لاشئ
.....
ثالثا مسئله انك تقول تبي تغير المسمي
فشد حيلك وأشتغل
وتتغير الكلمه من عاطل
إلى عامل
......