تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > مرآة الواقع > الشعر والنثر

الملاحظات

قصه وقصيده ترتعش لها القلوب

الشعر والنثر

القصه ... المؤثرة اللي والله ارى فيها مضمون يهز الأفئدة ويحرك ضمير وقلب كل شخص مقصر في حق قريب له اوحتى له فيه علاقة معرفة ... القصيدة ... هي قصيده...

موضوع مغلق
 
LinkBack أدوات الموضوع انواع عرض الموضوع
  #1 (permalink)  
قديم 05-01-2007, 05:12 AM
Guest
 
تاريخ التسجيل: Sep 2006
الدولة: في قلب زوجتي
المشاركات: 5,737
معدل تقييم المستوى: 0
الدبلوماسي يستحق التميز
قصه وقصيده ترتعش لها القلوب

القصه ... المؤثرة اللي والله ارى فيها مضمون يهز الأفئدة ويحرك ضمير وقلب كل شخص مقصر في حق قريب له اوحتى له فيه علاقة معرفة ...

القصيدة ... هي قصيده على لسان سيدة وقورة ترقد احد المستشفيات منذ سنوات قصتها مبكية الحقيقه ..

تقول هذه السيدة قبل سنوات جاء زوجي وطلب مني اروح معاه السوق .. وقالي اشتري اللي تبين وبأي سعر واشتريت افخم الثياب واجملها .. وجميع المستلزمات للبيت وغيره ..ورجعت للبيت مسرورة وفرحانه..

فجأة ... قالي زوجي كل هالاغراض مو لك .. هذي لزوجتي الجديدة وانتي الحين طالق ..بعد هالحادثة اصيبت الزوجة بجلطة وغيبوبه جلست في المستشفى .. ولا احد يزورها غير اخ لها زارها كم مره وبعدين بطل لما طالت المدة و لازالت موجودة في المستشفى والكل يعرفها وحافظ قصائدها وكلماتها ... ولما تسألها عن قصتها تبكي بحرقه وتردد قصائد توجع القلب .. لانها ولهانه حيل على اولادها ولا تدري عنهم شيء فالكل هجرها ..



وهذي احد قصائدها تقول فيها:


تكفين ياطيور حرار افزعيلي
...................ابي عن اديار الاهل منك الاخبار

تكفين حومي فوقهم وارجعي لي
..................والا ان حصل لك حومة داخل الدار

تكفين حول ابيوتهم دوري لي
.......................سبعة فروخ يوم اخليهم صغار

شوفي ضناي وعودي وانكفي لي
........................وشلونهم ياعلهم صارواكبار

نسيوادفاي ونومهم في شليلي
..................وش علمهم ياعلهم طول الاعمار

قولي لهم أن امكـم له عويلي
..................خمسـة سنين دمعها دوم مدرار

وقولي لهم اني على طول ليلي
...........................انوح ولياقرب الصبح انهــار

وقولي عيونه دايم له هميلي
.....................تبكي لياشافت من الناس زوار

كل يوم اقول اغدي حديهم يجي لي
........................راحت سنين مابهم واحد زار

وانا اللي من سبة سوات الحليلي
........................حالي تردت كل ماله وتنهار

وفرقى ضناي اللي تردت بحيلي
...............كني على شوفتهم اصلى على نار

ياويلي كان الله عجل رحيلي
.....................وانالي سنين ابي لوهي اخبار

ياعونة الله الله من يبي يتكي لي
.................جارت علي بامرالولي كل الاقدار

تنكروا من يدخلون الدخيلي
..................واللي بوسط ديارهم يامن الجار

قولي لهم ياطيور قلبي عليلي
..................الله يكافي قلوبهم صارت احجار

وانا اللي لبراق الخيال استخيلي
..........................واقول ياعل (......) للامطار

.تكفين وسط ديارهم صوتي لي
........شوفي عسى لاسمي مع الناس تذكـار

وقولي لمن نسيانهم يستحيلي
...................يااللي نسيتوها ترى الوقت دوار

ياهيه ياللي بالسمالك هديلي
.......................ردي خبر تكفين يكفيني امرار

شوفي اكااللي نومهم في شليلي
...............من اذانه المغرب الى وقت الاسحار

شوفي اكااللي مااهتني في مقيلي
.........................الا بمقيل معهم كباروصغار

وقولي لهم ان كان حملي ثقيلي
.....................مره يجون وعقبها شي ماصار

وانا يتـولاني كريم جليلي
.....................ياعلني في جنته وسط الابرار
  #2 (permalink)  
قديم 05-01-2007, 08:06 PM
Guest
 
تاريخ التسجيل: Sep 2006
المشاركات: 3,633
معدل تقييم المستوى: 0
خريجة عاطله يستحق التميز

وربي قصة محزنه وتقهر بنفس الوقت


واغلب اللي في الصحه النفسيه بسبب ازواجهم

وهذا ماله قلب ونذل بقوه

الله ينصرها عليه ويرجع لها عيالها

مشكور عالقصيدة

  #3 (permalink)  
قديم 05-01-2007, 08:43 PM
Guest
 
تاريخ التسجيل: Dec 2006
المشاركات: 247
معدل تقييم المستوى: 0
موظف ولكن... يستحق التميز

حدث العاقل بمالايليق بالعقل فان صدق فلاعقل له




مااعتقد مناسبة القصيده بتكون نفس القصه

ثانيا القصه اذا هي حقيقه ممكن تااثر الزوجه لكن مو بالشكل ذا وتدل القصه اذا هي حقيقه على ان الزوج يعاني من مرض نفسي حاد

لكن مااعتقد ان الامور التافهه ذي بتوصل لدرجه ذي والقصايد بالعكس الامر بيجي على راس الزوج لان حركته تدل على انه مريض من مرض حاد بشخصيته

لكن مااعتقد ان الموضوع له مصداقيه مع احترامي لك يااحمدي نجاد

وياليت نتثبت قبل مانقول اي شي

تحياتي لك يالغلا

موضوع مغلق

(( لا تنسى ذكر الله ))


مواضيع ذات صله الشعر والنثر

مواقع النشر (المفضلة) وتحتوي على WhatsApp لإرسال الموضوع إلى صديقك


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 10:21 PM


Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين