لماذا جندي بالعسكريه غير مرغوب

[ممدوح خالد]

اسئل الله لكم التوفيق

اغلبكم نادم او مضطر لدخول العسكريه وياليت تنصحوني دامني توني متخرج من الثانويه

انا مقدم على كلية الملك عبدالعزيز الحربيه وانتظر الفرز النهائي ( والله يكتب الي فيه الخير)

مع العلم ان جامعة الامام قابلتني مسار علوم ادارية

وش تنصحوني بالعسكرية او الجامعه :/

[بريطآآآني]

اذا العسكريه رتبة ضابط توكل على الله اما اقل من ضابط لا والله انصحك
بالجامعه ادرس وتعلم وطور نفسك زين وترا مو كل شي بيبقى على حاله
اتوقع خلال الفتره الجايه يصير التوظيف بالشركات افضل الف مره من الحكومي
على قولتهم احتس قهوتك بفناء الجامعه , اصرفلك من راحه ثابت ورا در من غير اي سبب مقنع

[مابه اسم]

المشاركة الأصلية كتبت بواسطة بريطآآآني

بالعكس ي قلبي الا الان وقت التعليم عن بعد وفتحو الجامع الالكترونيه مخصوصا للامر ذا وبتكون معتمده اما كلام العصيمي فهو معروف من البدايه اساسا الوظائف التعليميه لا تقبل الانتساب الا بعد ما تاخذ دبلوم تربوي هذا اولا ثانيا بالله من بياخذ تعليم منتسب والمنتظمين مالين البلد
يعني شف لك تعاقد او على بند اصرفلك لين يجي تثبيتك على المرتبه الي تجم على الشارب
او رسمي ببنك لين يجيك تعيين اما العسكريه 4 سنوات وفصل نظامي زي السلام عليكم
وفرقاها غنيمه انا تو بادي بها وللاسف ندمت اشد الندم اني تركت الجامعه ودخلتها
مير يعوضنا الله بالي افضل لقدام

الي يشوف تعليقاتك يقول ان الوظائف المدنية متوفرة يارجال ناس
جلسو يدرسو سنين الله والراجعون ولا لقيو شي وبعدين مافي احد مرتاح في دوامه
زي مافي العسكرية سلبيات كمان المدنية فيها سلبيات تبي الراحة الصدق في الاعمال الحرة

[بريطآآآني]

المشاركة الأصلية كتبت بواسطة مابه اسم

الي يشوف تعليقاتك يقول ان الوظائف المدنية متوفرة يارجال ناس
جلسو يدرسو سنين الله والراجعون ولا لقيو شي وبعدين مافي احد مرتاح في دوامه
زي مافي العسكرية سلبيات كمان المدنية فيها سلبيات تبي الراحة الصدق في الاعمال الحرة

والله الي ذاق مر العسكريه بيبوس الف مره سلبيات المدنيه !
يكفي انك حر نفسك ي اخي خلص دوام اضرب الباب
لا تكميلي ولا تكميلك ولا ضابط مره يجيك منفس ومره يجيك رايق
يمشي العالم بمزاجه !!

اما المدنيه ماراح فوالله بتحصل بس انت خذ الجامعه وبتكون كسبت خبره كموظف عسكري
وابححث ولا تقول مافيه لانها توفيق ونصيب من الله خل عنك التحطيم بس وبتعين خير

اما التجاره الحاره فماعندنا دراهم للمخاطره الواحد يقول يالله الخراج سياره وزواج

[عصامواا]

يارجال انا جامعي ومقدم ع رقيب

الوظايف المدنية صارت ندره ماعاد نحصلها..

لكن عمري مافكرت ادخلها من جندي

حتى الرقيب اشاور نفسي فيها ادخلها والا لا

[فََهد الشمري]

أي شخص تخرج من الثانوية يحط العسكرية آخر شيء..في حالة مواجهته صعوبات جامعية أو عدم
وجود وظيفة مدنية بالثانوية العامة فـــ لا مفر من العسكرية..
أي شخص يحمل شهادة الثانوية ويعمل حالياً في القطاع العسكري فــ الأفضل له أن ينتسب جامعة..

99 % من أقاربي في المجال العسكري منتسبين في الجامعة علشان بيقدمون على الوظائف المدنية
وصدقوني مافيه شيء صعب على خريجي الإنتساب..بيتوظفون إن شاء الله..المهم ضروري شهادة الجامعة
إذا كان الشخص منا عسكري..أنا ناويها عسكرية علشان أمشي أموري وأنتسب جامعة وأتوظف مدني
لو براتب 5000 ريال المهم أني أشتري راحتي..فالكم التوفيق وراحة البال والسعادة أجمعين..آآآمين

[فََهد الشمري]

يا حلو الأعمال الحرة..ممتازة جداً وأنصح أي شخص موظف عسكري أو مدني أنه يدخر من فلوسه ويجمع مبلغ حلو
ويفتتح مشروع لو صغير مو مشكلة..يكسب مصدر دخل إضاافي..الواحد لازم يفكر وش بيسوي بكرا وبعده
والوظيفة العسكرية ’’ المؤقتة ’’ للي مثل حالتنا هي بداية للفرج وإفتتاح طريق مستقبلنا..فاالكم التوفيق أجمعين..آآآمين

[عمر عراقي]

العسكريه ادخلها ضابط ولا بلاش منها بس وزارة داخليه فقط
نفسيات
محد يتقبلك مثلا تبي تستاجر سياره ولا بيت ولا ولا
هرجهم بس عسكريه ونفاق
راتب مايبقى حتى اسبوعين
راحه نفسيه مافي
h