25-11-2011, 03:23 PM
|
 |
عضو جديد
|
|
تاريخ التسجيل: Oct 2011
المشاركات: 26
معدل تقييم المستوى: 26
|
|
اقتباس:
المشاركة الأصلية كتبت بواسطة FLASH
وضح اكثر يالغالي لاهنت
صاحب الموضوع انصحك تشوف الميناء شغل
تحميل كنيرات عليها شغل بس كيف دخل السيارة ماعندي علم
|
هلابك أخوي مايبي لها توضيح الارزاق كثيره والتريلات فيها تعب وتكون فاضي لها
اشغال القلابي حسب خبرتي
1-داخل الرياض ردود حسب المسافه والحموله اذا كانت بالمتر اقل مسافه بالكثير 200 وانت وشطاره سواقكك كم يجيب رد باليوم مع ان 20 ريال مصروف ديزل باليوم تكفي تجيب 7 ردود
2- المنطقه الشرقيه فيها شركات تستاجر بمبلغ حلووو بعضهم يصل لـ 25000 ريال وانا انصح بالمنطقه هذي والاهم من هذا كله (السواق) لانه هو الله يحافظ على موترك ويكون تحت كفالتك أحسن من سواقيين الشركات وجلدن ماهو جلدك جره على الشوك
3- نجي لاهل الدويرات (مكان مخصص لبيع الرمل لاهل العماير والفلل) تبيع حموله التريله اقل شي 1100 بس هالشغله يمكن توقف سيارتك يومين لين يجيك الزبون
4- فيه المصانع تستاجر التريله بسواقكك بمبلغ كبير بس شرطهم تحمل حجر ومانصحك فيها تعدم عليك الراس والصندوق
5- نجي للشغله اللي فيها فلوس وتعبها أكثر
تحميل الرمل الابيض والصبيز والبحص من الرياض لـ جده شغله فيها ذهب وتعب بنفس الوقت بس بالبدايه بعدين صدقني ترتاح
تحميل الرمل بالرياض معروف قيمته بـ 600 ريال تبيعه بجده حسب الطلب اقل شي 2500 ريال ويمكن يصل سعر البيع لـ 3000 ريال حسب العرض والطلب ولاتشيل هم اعرف ناس تبيع الرمل وسيارتهم بالطريق هناك سماسره يبيع لك الحموله مقابل 50 ريال 
عيوب هالشغله أن كل مشوار حط في ببالك يضرب معك كفر او يتعطل الموتر والله يعينك على مطاردتها والتصليح هالشغله ماتصلح الا اللي عنده اكثر من تريله وعنده مكانيكي وبنشري يريحك وماانصح الا الفاضي لها
لو لقيت سواق وعنده خلفيه بالميكانيكا حلووو بيريحك تضرب مشوار يصلح موتره بنفسه
وعطه راتب وعموله اقل شي لو 30 ريال صدقني بيخلص لك ويحافظ على سيارتك ويتحمس للشغل
ــــــــــــــــــــــــــــــــــــــــــــــــــ ــــــــــــــــــــــــــــــــ
اذا لقيت شركه سمعتها ممتازه بالدفع وتخلص فواتيرك اول باول اجر موترك بسواقكك
والسكن والاعاشه المحروقات والصيانه الخفيفه على الشركه
وتختلف الشركات بالشروط هذي
لاتنسى تحط ادوات السلامه والسفتي هذا اهم شرط عند الشركات وتأميين على السياره
لاتحمل الحجر والقار حق الزفلت يعدم عليك الصندوق والطرمبه خذ ايطاليه علشان تريح مخك من الخرابات
وأنتبه وأنتبه يكون في منطقه الشغل ميزان للشاحنات لان حموله صندوقك أكيد الشركه تبغى تعبي سيارتك لاقصى حد ومخالفات الميزان مافيها رحمه اقل شي وحسب الحموله من 1500 الى 5000 غرامه وتنزل نص حمولتك عندهم ويقولون لك توكل على الله
ــــــــــــــــــــــــــــــــــــــــــــــــــ ـــــــــــــــ
اذا تعرف لك احد بمعارض السلي يجيب لك سياره من المانيا ببطاقتها الجمركيه يكون افضل
لانك بتحصل سياره وسعر معقول
ونرجع ونقول السواق السواق هو الاهم
واتمنى تسامحوني على الاطاله 
لاتنسوني من دعائكم
|
العرض العادي
