تجمع القوات الخاصة للامن الدبلوماسي

[ٱسسـٺـثٓناآء]

السلام عليكم ورحمة الله وبركاته
هذا تجمع للي قدمو ع تقديم القوات الخاصة للامن الدبلوماسي
والتقديم سكر قبل كم يوم
اي شخص عنده معلومات عن هالقوات او الدوره ومكانها
او متى يرسلون رسايل يضيفها بالموضوع ويفيدنا
والله يوفقككم ويوفقنا جمميع

[سبيد توتش]

بقولك نصيحة لك ولغيرك ممكن راح تعرف قيمتها بعدين حاول تخش القوات الخاصة ولا الطوارىء او الامن العام ما دام ان طولك كويس ,,والامن الدبلوماسي خلة اخر خيار بعد كل قطاعات وزارة الداخلية

[معاهد المطيري]

انا من الناس الي تنتظر الدورة من شهر 1 مخلص كل شي وجاني علم ان ندخل يوم 15 وطلع العلم غلط
قلت ابروح اسال القبول والتسجيل عن موعد الدورة وقال الدورة بداية 7 عدد الطالب قليل
وطبع الدورة بالخرج في مدينة الامير محمد بن نايف

[ٱسسـٺـثٓناآء]

اخووي ممكن تقولي ليش اخليها اخر خيار
ترها صارت قوة مستقلة ورتبها مثلا القوات الخاصه واكثر

[راعي الويله]

شباب الللحين كلكم معاكم قدرااات



اسئل الله ان يوفقكم ويحقق امنياتكم فيها

تستاااهلووون كل خير

[هوفو]

المشاركة الأصلية كتبت بواسطة سبيد توتش

بقولك نصيحة لك ولغيرك ممكن راح تعرف قيمتها بعدين حاول تخش القوات الخاصة ولا الطوارىء او الامن العام ما دام ان طولك كويس ,,والامن الدبلوماسي خلة اخر خيار بعد كل قطاعات وزارة الداخلية

بالعكس اول خيار يفكر فيها هي ما تتقارن بالقطاعات الثانيه من ناحيه العمل والمميزات
والعمل بالسفارات الخارجيه وراتبك يجيك دبل وتقدر تكمل دراسه بالخارج انا من الامن الدبلوماسي ونهايه السنه هذي بطلع للعمل بالخارج بس انتظر يحددو لي الدولة من خمس دول الي اخترتها اما القطاعات الثانيه قاعد بالسعوديه وكارفينك بالعمل وراتب يخلص نص الشهر :

[معاهد المطيري]

هوفو والله انك صادق انا اسمع عنها كثير يارب انك تيسرها لي

[تغيير 0288]

شباب نتيجة القبول المبدئي طلعت في الموقع احد يعرف كيف اطلعها + افي احد وصلته رساله !!

[سبيد توتش]

المشاركة الأصلية كتبت بواسطة ٱسسـٺـثٓناآء

اخووي ممكن تقولي ليش اخليها اخر خيار
ترها صارت قوة مستقلة ورتبها مثلا القوات الخاصه واكثر

راتبها ما يفرق كثير عن القوات الخاصة ولا قوات الطوارىء وش المشكلة اذا كانت قوة مستقلة! بقولك 3 سليات لها القطاع:
1-دورتهم بنت كلب راح تكون بالبر في الخرج وراح تندق فيها سنة كاملة ومدربين كلهم نفسيات كل واحد يحاول يثبت نفسة عند الضابط انة هو الشدبد والي ما يرحم ويكرف اكثر
2-طريقة دوامك اذا تخرجت مملة جداً في الغالب تكون تستلم خفارة بحي السفارات بالرياض راح تمل ملل كثير وراح تفكر تنقل من القطاع او حتى تفصل .
3-اذا انت من الرياض روح لحي السفارات وشف وضع الجنود بالامن الدبلوماسي كيف شف شلون بس كارهين وظيفتهم ومنفسين لأخر حد

[سبيد توتش]

المشاركة الأصلية كتبت بواسطة هوفو

بالعكس اول خيار يفكر فيها هي ما تتقارن بالقطاعات الثانيه من ناحيه العمل والمميزات
والعمل بالسفارات الخارجيه وراتبك يجيك دبل وتقدر تكمل دراسه بالخارج انا من الامن الدبلوماسي ونهايه السنه هذي بطلع للعمل بالخارج بس انتظر يحددو لي الدولة من خمس دول الي اخترتها اما القطاعات الثانيه قاعد بالسعوديه وكارفينك بالعمل وراتب يخلص نص الشهر :

عمل الامن الدبلوماسي مخيس خصوصاً الي مستلمين خفارات , واما الرواتب فية كثير من القطاعات رواتبها احسن ودوماتهم فلة مثل المباحث والمديرية العامة للسجون ومكافحة المخدارات
اما العمل برا ترا بس بالبداية تقدر تحدد 5 دول وهم يحددون دوله منهن يخلونك تروحلها تخدم 4 سنوات اجباري فيها وبعد 4 سنوات يودنك لدولة ثانية هم يحددون من عندهم ممكن يودونك على اليمن ولا السودان وقتها عاد تعرف ان الله حق
وبخصوص دبل الراتب راح يكون على الراتب الاساسي من غير البدلات مثال الجندي راتبة الاساسي 3200 راح يعطونك مثل ها المبلغ بس بالدبل , ومع احترامي لها المبلغ انا اشوف انة ما ينفع في كثير من الدول