الوضع المادي والمسافة البعيدة وعدم وجود سيارة لي , اصابتني بالاحباط

[هلال السبيعي]

المشاركة الأصلية كتبت بواسطة طبيب عما قريب

شوف يا غالي
بتحط عذرك بالمواصلات بكره تقوم وتشوف نفسك على مشارف الاربعين ولا تحركت خطوة لقدام
وانا بامكاني اكتب لك كلام يعجبك وتشكرني عليه لكن يكون بعيد عن الحقيقه واكون ظلمت نفسي قبل اظلمك فيه

وش حققت بحياتك للحين ؟
مع الله علاقتك حلوة الحمد لله وربي بييسر لك امورك
بس هالتوفيق محتاج حركة ومجاهدة
الحق على عمرك واليوم اللي يروح ما يرجع

الله يرضى عليك تحرك
افتح قسم الوظائف وشوف فيه عروض على 4000 وفوق
اعط نفسك مهلة شهرين تشوف فيها وظيفة مناسبة وتستقر عليها بالفترة الجايه


والمواصلات عندي لك اقتراح
فيه سيارات جديدة بسعر جيد واقساط ما ترهق ميزانيتك

http://www.almrsal.com/post/45979
ب 30 الف
لو تاخذها اقساط 4 سنوات
ما اظن تكلفك اكثر من 700 بالشهر وتكون حتى ارخص لك من التكاسي وسيارة لك وجديده
تروح فيها للمكان اللي تبغاه
وما يكون لك عذر تكمل ثانويتك ترا الوضع سهالات ان شاء الله


اتاسف لو قسيت بكلامي المعذره منك

والله ما احط عذر مواصلات ولاشي
انا جالس اتكلم باللي انا اعرفه وبالوضع اللي انا عايشه
لو انت مكاني كنت قلت نفس الشي , انا ما اعرف طريقة اوفر بيها الفلوس واجمع
نص الراتب يروح في المواصلات وانا محتاج كل ريال منه واصرف نصه في ليموزينات
والحمد لله رغم الظروف هذي كلها انا حققت اشياء في حياتي محد يقدر يحققها الا القليل
اتعلمت بنفسي برامج المونتاج بمجهودي . استغليت الفترة اللي انا فيها عاطل واتعلمت
عن طريق النت اتعلمت المونتاج الحمد لله وصرت اسوي اعمال المونتاج للناس في تويتر

الآن انا بدخل الموقع اللي اعطيتني اياه واشوف كيف شروطهم واذا ناسبتني ان شاء الله
راح اقدم على وظيفة حارس امن في أي مواقع

بالعكس يالغالي , انت انسان تدور الخير للناس ويعطيك العافية
جزاك الله خير ماقصرت

[طبيب عما قريب]

طيب ممتاز جدا .. استغل موهبتك المونتاجية كمدخول ثانوي
شوية تخطيط مع هالموهبة وتطلع بنتائج مادية مرضية ..


شفت كيف الليموزين يقص من راتبك
لو فرضا الف ريال شهريا تروح تكاسي
مو اولى احطها بسيارة اقساط اتملكها بعد فترة ؟


الله يسهل امورك
وسامحنا عالاطالة

[هلال السبيعي]

آمين , مافي أي اطالة بالعكس جزاك الله خير

[مس لانكوم]

الله يرزقكك ويفرج همك

[هاجسس]

الله يرزقك ياخوووي ويوفقك
اخوي لو تدور الشركات الكبيرة بجدة ويكون فيها سكن أو يوفرون مواصلات الين ما تيسر أمورك وتشتري سيارة
وأنصحك انك تكمل دراستك
الله يوفقك ويفتحها بوجهك يا كريم

[حلم م]

السلام عليكم ..

الله يفرجها عليك ويفتح لك باب رزقك ..

انا بقولك ع فكره بس ما اعرف وش تعني لاني ما افهم بهالامور بس انت اسال عنها وان شاء الله تلقى من يفيدك
لي صديقة عرضت علي افتح سجل باسمي وتعطيه اخوها طبعا هم مو سعوديين هو بيستفيد من السجل ويشتغل عليه في مشاريع ويجيني دخل شهري اقل شي 30000 ريال , بصراحةجازت لي الفكرة بس شاورة الوالد ورفض قال اذا فتحتي سجل ما تجيك وظيفة حكومية , انا ما ادري وش نظامها بالضبط لو تسال تستفسر , ممكن تكون مفيدة لك او لغيرك

الحمد لله على كل حال

[هلال السبيعي]

سجل تجاري يعني ؟ والله واحد مرة قاللي الفكرة وانا قلت له انا ما احب التجارة
هم وغم والواحد مو ناقص هموم , يمكن هو لو يشتغل على السجل اللي بإسمي هذا ماينجح في شغله
او يترك الشغل لظروف . بعدين طيب السجل بيجلس مفتوح على الفاضي وراح تعبي بلاش

[هلال السبيعي]

المسافة بعيدة وانا الى الآن جالس في البيت واحاول اقدم على شركات عن طريق النت
يكونو طالبين مونتير (منتج فيديو) ولكن للأسف ماردوا علي

والله مالي نفس اقدم على حارس امن لأن شغلهم شي متعب وفي الشمس ومافي غرف بعض الاحيان
واذا في الاسواق يكرفون الواحد واقف 8 ساعات وفي المستشفيات ازفت منهم لأنه في كاميرات يشوفونا منها
ولازم واقف وتمشي على طول في السيم . الأمن بشكل عام اسوأ وظيفة وكثير اعرفهم اتعقدوا منها.
علشان كذا ماني راجع للأمن

جالس اشتغل على المونتاج ومافي زباين هالايام , الله يعين
ادعوا لي الله يرحم والديكم انا تعبت من الجلسة في البيت ملل بس اشتغل على النت مونتاج بمقابل قليل جدا
ولي 3 اسابيع اصمم لقناتي في اليوتيوب فقط لاغير .. مافي أي طلبات بمقابل

[شيخة العاطلين]

طيب الله يثبتك انت تسال الله انه يغير حالك للاحسن عشان كذا قبل تساله انت غير علاقتك معه للاحسن انا عارفه انك تصلي وانسان كويس بس جرب تكون افضل وصدقني الله اكرم من خلقه لو ارضيتاه ارضاك
كن لله كمايريد يكن لك فوق ماتريد حاول انك تخشع بصلاتك لان الصلاه تنهي عن الفحشا والمنكر واذا مانهتك صلاتك معناها فيها نقص ياتستعجل فيها ياماتخشع المهم انا مابي احبطك انت انسان رائع انك تحافظ علي صلاتك في هالزمن بس شل هم الاخره يشيل الله عنك هم الدنيا

[هلال السبيعي]

انا اصلي بدون استعجال واخشع في صلاتي .. لكن السبب هو الفراغ رغم اني اصمم فيديو واشغل وقتي الا اني احصل وقت فراغ ومافي أي احد يزورنا وساكنين بعيد جدا عن أي حي ثاني ولالي أي اصدقاء للعلم مافي أي اتصال على جوالي فأجد وقت فراغ مافي شي يشغلني..
هذي اسباب وقوعي في المواقع الاباحية

وعدم الزواج الى هذا الوقت هو سبب ثاني , كان يفترض اني تزوجت يوم كانت الظروف اسهل لكن الحمد لله على كل حال وهذا شي مكتوب