الفزعة يا اخوان بخصوص تقديم الحرس الوطني

[كاتب الكلمة]

السلام عليكم اخواني انا قدمت على القطاع الشرقي الي هو الرياض والقصيم والحسا تخصصي اتصالات فني اتصالات وجاني رسالة قبول منهم واجيهم في يوم الاربعاء 3/9 الساعة 7ص واجيب معي صورة الشهادة 4 صور و12 صورة شمسية وقلم ازرق المهم وصلت عندهم قلت موعدي اليوم قال هات صورة من الشهادة عطيته صورة قال تخصصك مطلوب وصورة من الهوية عطيته بعدين سألتة التعيين وين قال وين تبي قلت ابي جدة قام كتب على صورة الهوية جدة الرتبة وكيل رقيب بعدين قال سجل رقم جوالك وجوال ثاني قال بعد اسبوعين او ثلاث نرسل لك رسالة او نتصل عليك تجينا ولا عطاني اي ورقة ومشيت
الحين وش يسير يا اخوان وش الموعد الجاي حق ايش وهل يعطوني وكيل رقيب وفي جدة متى الكشف الطبي يكون والدورة مع العلم ان وزني زايد شوي وعندي ضعف بسيط في النظر

[الهلالي ريان]

اصبر عليهم اسبوعين اذا ماكلموك روح لهم
الكشف الطبي سهالات

[بدرمحمدد]

الكشف الطبي سهالات اذا وزنك زايد كثير حاول تخفف

[كاتب الكلمة]

المشاركة الأصلية كتبت بواسطة الهلالي ريان

اصبر عليهم اسبوعين اذا ماكلموك روح لهم
الكشف الطبي سهالات

يعني حتى لو ماجاني اتصال او رسالة منهم
اروح لهم بعد اسبوعين

[كاتب الكلمة]

المشاركة الأصلية كتبت بواسطة بدرمحمدد

الكشف الطبي سهالات اذا وزنك زايد كثير حاول تخفف

زايد حول 8 كيلو بس مدري اذا يمشون او مشددين مرة
مدري حتى النظر البس نظارة او لا

[الهلالي ريان]

ايه روح لهم ترا تتلخبط الاوراق مع كثر الطلبات ومايتصلون ع الكل

[ماجد محم]

القطاع الغربي ياعيال ابي اسال الكشف كيف مشددين ولا لا الاسنان الواجههه مسوسه والنظر ضعيف شوي

[علوي المعبدي]

اناا جتني رساله منهم موعدي الثلاثاء الساعه ٧ص تخصص اداره من معهد الاداره

ومكتوب الزي الوطني يعني ثوب وشماغ
واناا البس نظاره هل يؤثر على قبولي ولا عادي

[ياسر الحربي ف]

حتى انا جتني رسال منهم االيوم
موعدي يوم الاحد 20-3
يبون صور وشهادات

وعندي رخصة عمومي اضيفها ولا اتركها؟

[كاش مني]

المشاركة الأصلية كتبت بواسطة ياسر الحربي ف

حتى انا جتني رسال منهم االيوم
موعدي يوم الاحد 20-3
يبون صور وشهادات

وعندي رخصة عمومي اضيفها ولا اتركها؟

ضفها عليها صنف