الحرس الوطني-طريقة تعبئة الملف الأبيض كامله وبالتفاصيل

[بدر السلي]

بسم الله الرحمن الرحيم

السلام عليكم ورحمة الله وبركاته

بدون مقدمات و كلام كثير انا اليوم جايبلكم طريقة تعبئة ملف الحرس الوطني بالصور

(الملف الابيض)

طبعا الصفحه الأولى راح تكتب فيها معلوماتك الشخصيه يعني لازم تكون هويتك معاك

الصفحه الثانيه وهي اللي فيها يضيعون اغلب الشباب


ناخذها وحده وحده
رقم-1- تكتب فيها اسمك ورقم هويتك
رقم-2- هاذي خاصه باللي كانوا يعملون في وظائف خاضعه لنظام الخدمه المدنيه او العسكريه
رقم-3- تكتب فيها معلومات ابوك و اخوك و اي شخص يتصلون فيه اذا حصلت لك مصيبه وانت عندهم
رقم-4- تكتب فيها معلومات اخوياك او اقاربك عايدي اهم حاجه مايكون ابوك،عمك او اخوك

الصفحه الثالثه واللي الأسئله عنها اكثرمن اسئلة الناس في برنامج الفتاوي برمضان


ومثل اللي قبلها بناخذها حبه حبه
رقم-1-تكتب فيها اسمك ورقم هويتك
رقم-2- و رقم-3- تكتب فيها اسماء معرفين بس مايكونون ابوك او اخوانك يعني خالك رحيمك وزي كذا

الصفحه الرابعه وهاذي خاصه بمعلوماتك الشخصيه


رقم-1-و-2- تكتب فيها معلوماتك الشخصيه من واقع هويتك الشخصيه
رقم-3- وهنا لازم تركزون معاي
(اذا كان جدك مولود قبل التاريخ المذكور في الملف واللي هو تاريخ بداية الإحصاء الرسمي لسكان المملكه فلابد تجيب ثنين شهود يشهدون انه مولود قبل التاريخ هذا وانه نشأ في البلاد)
رقم-4-الخانه الخاصه بالشهود

الصفحه الخامسه


اذا ختمتها من العمده تصدق الختم من الشرطه/واذا ختمها الشيخ تصدقها من الإماره

الصفحه الاخيره خاصه باللي كان عسكري في الحرس ويبي اعادة خدمه

وأخيرا أتمنى منكم التفاعل بإستفساراتكم وأي شيء مافهمتوه تفضلوا بالسؤال

--------------------------------
كلمه للمشرفين
كل عام تفتح وزارة الحرس أبوابها لألاف الطلبه والذين يجدون صعوبه في تعبئة ملفاتهم بالطريقه الصحيحه
وانا من أولئك الطلبه..... لذلك ارجو من الإداره والمشرفين تثبيت الموضوع لتكتمل الفائده ويعم نفعها الجميع

شكرا لكم....

[فراس المنصور]

الله يجزاك الف الخير يا اخوي على المعلومات القيمة

بس استفسر موضوع الشهود عادي ابوك واخوانك او غيرهم احسن

اما المعرفين اوكي مضبوطه عندي

[ظالم ولكن]

الله يجزاك خير اخوي وماقصرت لكن الاوراق هذي ما اعطوني منها .. اعطوني ملف التعيين فاضي ولا ورقه فيه ؟؟ وش الحل

[شردعو]

جزاك الله خير واتمنى من الاداره تثبيت الموضوع وشكرا

[ليفرلول]

الحين إلي مولود قبل عام 1332 ولا 1323 ولا كم ؟

[زياد عاطل]

فيه شيء ما فهمته

انا ختمتها من العمدة وبعدين رحت مدير الشرطة وختمتها من عنده
يعني لازم اروح للاماره واختمها ؟

[فراس المنصور]

المشاركة الأصلية كتبت بواسطة زياد عاطل

فيه شيء ما فهمته

انا ختمتها من العمدة وبعدين رحت مدير الشرطة وختمتها من عنده
يعني لازم اروح للاماره واختمها ؟

اذا انت ختمتها من العمده والشرطه خلاص يكفي ما يحتاج الامارة

[عمر المطيرييي]

موضوع مهم.. طيب ياشباب اذا ماعندي تاريخ ميلاد الجد اتركها فاضيه ..

[طال انتظآري]

المشاركة الأصلية كتبت بواسطة بدر السلي

الصفحه الرابعه وهاذي خاصه بمعلوماتك الشخصيه


رقم-1-و-2- تكتب فيها معلوماتك الشخصيه من واقع هويتك الشخصيه
رقم-3- وهنا لازم تركزون معاي
(اذا كان جدك مولود قبل التاريخ المذكور في الملف واللي هو تاريخ بداية الإحصاء الرسمي لسكان المملكه فلابد تجيب ثنين شهود يشهدون انه مولود قبل التاريخ هذا وانه نشأ في البلاد)
رقم-4-الخانه الخاصه بالشهود

الله يعطيك العافيه اخوي على فك الازمه اللي كنت متعقد منها ...

بس عندي سؤال : الحين اذا جدي مولود بعد التاريخ المذكور يعني ماحتاج اكتب رقم 3 و4 ؟؟ صح
واذا عنده حفيظة نفوس يعني من مواليد بعد التاريخ اضيف في استمارة التعيين رقم الحفيظه في نفس الاستمارة والا كيف ؟

ارجوا منكم الرد السريع لان عندي تسليم الملف .. الاسئله موجهه لكل من سلم ملفه وقبلوه وش سوى بالضبط

[ذكريات الهويملي]

اخوي انا غلطت بتاريخ بطاقت ابوي وشطبت وعدلتها هل تمشي ويقبلوني ولا تعقد بسبب الشطب لن واحد قالي كذا ومدري متوهق ارجع اخذ تفتر ابيض جديد او اودياهم اوراقي !!!