خدعة الرواتب ( المدرسين + العسكريين )

[سعدمسعد]

اجل راتب الرقيب 12 الف الله يشفيك النقيب ياحلو راتبه 11 الف جنان هو

[سعدمسعد]

ياكثر الكلام المغلوط المشكله فيه ناس واجد تسأل الاخرين كم راتبك والعسكر معروفين بالهياط يقول عشره وهو سبعه وفيه ناس للاسف تصدق وتبني قرارات على ذالك ::المهم للجميع تقدر تدخل سلم رواتب موظفي الدوله وتشوف :العسكريين ظباط وافراد هم الاقل راتبا الممرضه راتبها اكثر من النقيب

[اروع]

لصأحب الموضوع

وعليكم السلام



للجميع

السلام عليكم


والله يا أخوان لكل شخص له وجهة نظرة وكلامة الى واثق فيه

وفي بعض الاخوان ينقل كلام

وفي بعض الاخوان متأكد من الكلام الى يقوله لأنه موظف ويستلم هذا الراتب

وفي بعضهم مو متأكد بس سمع

طبعاً كلامي هذا مو معناتها اني اشكك في اي أحد تكلم في هذا الموضوع لا لا لا

انا اتكلم بشكل عام

وبصراحة والى يبي يزعل يزعل في بعض الناس بس تهذر ولا يدري وين الله حاطة

بالنسبة لي انا ( وأعوذ بالله من كلمة انا ) محب اقول كلام الا واثق فيه ومتأكد منه ماهو مدح فيني بس ليه أتكلم في كلام انا ما افقه فيه شي وجألس انقل بس كلام


وطبعاً الرواتب سواء في العسكرية او التدريس انا ما اعرف عنهم شي وان شاء الله يارب

الله يكتب لنا التوفيق والرزق الحلال الطيب

من ناحيتي لو بتقولون لي وشو راح تختار راح اقولكم التدريس بغض النظر عن الراتب

لنا انا ماني امعه وامشي وراء كلام فلان وعلان او معجب بواحد في التدريس الخ الخ

ولا يهمني احد الى يهمني قناعتي الشخصية وبس

ويعلم الله يا اخوان عندي اخواني مدرسين وعندي اصدقائي عساكر وفي بعضهم مدرسين وشركات وشايفهم بعيني كيف عايشين برواتبهم الخ الخ


واعرف دكاتره في الجامعات ومن ضمنهم اخوي دكتور في الجامعه واروح الجامعات بسبب اعرف الدكتور الفلاني او عندي اختبار او عندي مراجعات لي أسباب اخرى

شفتو كل هذول المدرسين والدكاترة والعساكر ولا عمري ولا فكرت اسأل احد فيهم كم راتبه

والله ويعلم الله ولا يهمني

يهمني اسأل عن الشي الى يخصني وبس



كل واحد له رائيه الخاص وقناعته الشخصية وانا بالنسبة لي لو يحصل لي التدريس افضله على العسكرية

بس طبعاً مو جحده او انكار للعسكرية والى يكتبه رب العألمين لي من رزق راح أقبل فيه واقول الحمد لله

خاصه بعد لصارت وظيفة حكومية وايضاً في زمان الوظيفة الصعبه الى بدت من زمان ولحد الأن مستمره



والحمد لله رب العألمين تقدم فينا العمر وربي لك الحمد على النصيب

طبعاً انا موظف شركة ومايحتاج احد يعلمني كيف عيشة الشركات ورواتبها وكيف يداومون
وكيف يطلعون وكيف يضبطون وضعهم وكيف ينكرفون الخ الخ

سواء شركة كبيرة ومحترمه او شركة نص ونص او شركة سعودة او شركة عمك اللبناني تأج راسك ههههههههه



ومدام في فلاطحة يحسبون ودخلو الموضوع ومشاء الله عليهم باين عليهم عندهم خبره في سلم الرواتب الخ الخ

ابي اتمصلح منكم

ومن بعد أذنكم جميعاً أبي الكلام المفيد والكلام الصح عن راتب الوكيل رقيب في الحرس الوطني لسه طاااااااااااازج التعيين

والله يكتب لنا التعيين يارب ....

[اروع]

المشاركة الأصلية كتبت بواسطة االمهااجرر

حبيبي يكفي ان جوازي بجيبتي اولا وثاني شي ما احد يتأمر عليك تخيل اصير شايب بالعسكريه
وعلى اخر ايامي يجي ورع معلق النجمه يتحكم فيني .. هزلت

ههههههههههههه

بتكلم عن نفسي وماعلى من غيري


والله شوف ياخوي بالنسبة للوظيفة والله لو بيدي كان توظفت من زمان في اي دائرة حكومية وتخلصت من الشركات الزفت هذي

وانا بصراحة مابغيت العسكرية من زمان بس الان خلاص ماباليد حيلة وكبرنا ولازم نشوف لنا وظيفة حكومية ونستر على انفسنا

بس الواحد يقول الحمد لله وماعندنا واسطة لوظيفة حكومية غير العسكرية

والله يكتب لنا الوظيفة الحكومية يارب



تبي الصراحة انا محب احد يتحكم فيني ولا اتحكم في أحد

ولا تتجمل فيني ولا اتجمل فيك فكني بس وتقلع عن وجهي وبل مصالح ههههههههههه

يعني من الأخير انا محب اصير رئيس على أحد ولا احب احد يرئسني عطني دوامي خلني اخلصه واقوم فيه وامشي البيت

لاتجيني تعور رأسي ولا اعور راسك وتجلس تأمرني او تتصل على ترجعني الدوام او تجيبني في اوقات غير الدوام


جوازي في ايدي خلصت دوامي سافرت وين ما ابي ولا احد يكلمني ولا على من أحد

ولا احد يرجعني ولا حتى يتصل على عشان دوام ما دوام

الداوم ينقطع عني مع توقيع الخروج وبس انتهاء

والكلام مو بس في السفر انا محب احد يربطني معه ويعور راسي

أطلع مع أهلي واروح وين ما ابي مع اصدقائي اروح وين ما ابي


وقت دوامي من الساعه الفلانية الى الساعه الفلانية خلاص انتهاء الدوام

أحب اطلع من الدوام وانساه خير شر

اصير رئيس واشوي هذا متصل على يبي يستأذن اشوي هذا راح اغيب بكره وعن اذنك

لا لا لا محب احد يجيني ويعور راسي روح عيش حياتك كيف ماتبي ماعلى منك

يشهد الله ياشباب اني ماني ضعيف شخصية
وانا انسان شوية عصبي بس والله ثم والله محب اكون رئيس على احد لنا عادتي كذا من انولدت محب اتدخل في احد عيش وانا بجلس اطالع واضحك

لنا والله اذا صرت رئيس راح اخربها واقول للكل يالله مشينا بس هههههههههههه



اروح أعيش حياتي

الحياة ماهي دوام وبس في اشياء ثانية أعيش عشانها

المشاركة الأصلية كتبت بواسطة سعدمسعد

ياكثر الكلام المغلوط المشكله فيه ناس واجد تسأل الاخرين كم راتبك والعسكر معروفين بالهياط يقول عشره وهو سبعه وفيه ناس للاسف تصدق وتبني قرارات على ذالك ::المهم للجميع تقدر تدخل سلم رواتب موظفي الدوله وتشوف :العسكريين ظباط وافراد هم الاقل راتبا الممرضه راتبها اكثر من النقيب

والله ياخوي تبي الصراحة

في كثير جلست مع نأس تسولف عن رواتب وانا فقط أستمع لهم


الى فهمته ان كل واحد مايعرف يتكلم اساساً ولا يعرف يوصل المعلومة صح

يعني انت عسكري لك اصناف او بدلات مو الكل يستلمها

تروح تقول للفقير هذا ان راتبك كذا اكيد راح يبني امال زواج وقرض وسلف و ربا هههههههههههههههههه على الراتب الى راح تقوله انت

لنا تشوفه مسجل على نفس رتبت الاخ هذا وخلاص خذ الاحلام الوردية على الراتب



او يجيك واحد مطفى النور ويمشي مليون ويقولك اخوي ولد عمي صديقي جارنا الخ الخ

موظف في المكان الفلاني وراتبه كذا

طيب ياخوي لهم اصناف له بدلات له خدمة طويلة له شهادات الخ الخ

ماتجي تقول هذا فلان راتبه كذا معناتها انا بتوظف وراتبي راح يصير مثله



بعدين ياجماعة صحيح انا سمعت سمعت << ركزو سمعت

الى اعرفه تخدم على حسب رتبتك وعلى حسب العمر الى انت داخل فيه العسكرية

وبعدين أغلب الشعب راح يتوظف صف ضباط وهو في عمر 18

يرحم امكم اغلب الشعب يتوظف وهو في العشرين وبعض القطاعات في الثلاثين والاغلب افراد

بعدين يرحم امكم تكلمو عن الافراد وكم رواتبهم ههههههههههه احنا وينا ووين الضباط ...

[معالي الفاصل]

راتب الرقيب 12 أجل هههههههه

طيب لو راتب الرقيب 12 ... كم بيكون راتب الرقيب أول ؟ وكم بيكون راتب الريس ؟ وكم بيكون الملازم ... وهلما جر .

حبيبي راتب الرقيب هو الأساسي هناك قطاعات ماعندها بدلات وهناك قطاعات بها ...

يعني ما تقدر تحكم ...

وللمعلومية بدل الإرهاب بدأو بإلغاءه في بعض القطاعات تمهيداً لإلغاءه بالجملة ...

ولو راح بدل الإرهاب راحوا فيها العسكر ...

هناك إشاعات تسمعها من العسكر يقولون سيتم تثبيت البدلات مع الراتب الأساسي ههههه

طيب لو ثبتوا البدلات وصار الجندي ( اللي معه ثانوية ) يستلم راتب أساسي 7000 وش بيقول الموظف المدني

الجامعي ؟ أو المعلم ؟ لازم حينها يزيدون رواتب المعلمين وبقية الموظفين الدبل من باب المساواة ...

كيف أبو ثانوية ياخذ مثل أبو جامعة ؟

لا يجي أحد ويقول العيون الساهرة لهم وضعهم الخاص ,,,

مستقبل العسكريين مع الأسف مجهول ...

[مقتاح]

المشاركة الأصلية كتبت بواسطة معالي الفاصل

راتب الرقيب 12 أجل هههههههه

طيب لو راتب الرقيب 12 ... كم بيكون راتب الرقيب أول ؟ وكم بيكون راتب الريس ؟ وكم بيكون الملازم ... وهلما جر .

حبيبي راتب الرقيب هو الأساسي هناك قطاعات ماعندها بدلات وهناك قطاعات بها ...

يعني ما تقدر تحكم ...

وللمعلومية بدل الإرهاب بدأو بإلغاءه في بعض القطاعات تمهيداً لإلغاءه بالجملة ...

ولو راح بدل الإرهاب راحوا فيها العسكر ...

هناك إشاعات تسمعها من العسكر يقولون سيتم تثبيت البدلات مع الراتب الأساسي ههههه

طيب لو ثبتوا البدلات وصار الجندي ( اللي معه ثانوية ) يستلم راتب أساسي 7000 وش بيقول الموظف المدني

الجامعي ؟ أو المعلم ؟ لازم حينها يزيدون رواتب المعلمين وبقية الموظفين الدبل من باب المساواة ...

كيف أبو ثانوية ياخذ مثل أبو جامعة ؟

لا يجي أحد ويقول العيون الساهرة لهم وضعهم الخاص ,,,

مستقبل العسكريين مع الأسف مجهول ...

اخوي الموضوع عن الجامعيين فقط .. لان الجامعي ابو واسطه يصير ملازم اول .. والجامعي بدون واسطه رقيب .. بعد حسبه ومتابعه بسيطه وغير مؤكده لاحظت ان الدوله شبه عادله ..

الفرق بين راتب الرقيب وراتب الملازم اول ( كلهم مع البدلات ) = لايتعدى الفين ريال .. هذا ماليا !!
اما عمليا فأي جامعي يتوظف رقيب يعمل اداريا لا ميدانيا وهذا قريب جدا من عمل الملازم اول ..!
يبقى فرق المظله الكبرى وهي ان الملازم تحت بند الضباط والرقيب تحت بند الافراد وهنا يأتي الفرق الوحيد

اما بالنسبة للمدرس والرقيب ابيك تحسب لي راتب المدرس الاساسي لمدة 30 سنة مع التعديلات السنويه
وراتب الرقيب مع البدلات لمدة 30 سنة مع التعديلات السنوية بدون ترقيه يعني احسب ع انه رقيب 30 سنه ..

وعطنا مجموع كل واحد منهم ان ماحصلت الفرق لايذكر بحق !! انا درست الموضوع بشكل تخطيطي منطقي لا بشكل عاطفي .. والوظيفه هي هم بغض النظر عن طبيعتها .. ولكن العنصر الابرز في خصائص اي وظيفه هو الراتب لذلك جعلت المقارنه عليه بغض النظر عن الخصائص الاخرى

موفق وشكرا لك

[لا اله الا ربي]

صاحب الموضوع ..


كلامك صحيح توصل 11000 او 10000 راتب الرقيب بس فرق كبير بينك وبين المدرس !!


المدرس اول مربوط 8500 مع الزياده !! العلاوه 510 احسب 5 سنوات يوصل 11000 الا وانت محفر عن 12000 او زياده شوي بعدين سقف المعلم 20000 . التقاعد 17000 .. انت لمنك تقاعدت ي الله يصك ال 6000

يدق عليك ورع عمره 25 معلق الدبوره يالله ي شنب تعال اليوم به شغل ساعه 4 الفجر

كم عدد ايام اجازتك ههه شهر بالسنه . المعلم تدري كم 6 شهورر !! لو حسبتها حسبه ههههههههههههههههه ذي لحالها تكفي

الحين اكلمك عن البكاليورس , لو اخذت ماستر العن شىئ بالحياه وسهله تدري كم سقف 28000 هههه


العلاوه حول 700 واحسب


حبيت ابين لك الفروق .. واتمنى تتقبل كلامي بسعة صدر

[مقتاح]

المشاركة الأصلية كتبت بواسطة لا اله الا ربي

صاحب الموضوع ..


كلامك صحيح توصل 11000 او 10000 راتب الرقيب بس فرق كبير بينك وبين المدرس !!


المدرس اول مربوط 8500 مع الزياده !! العلاوه 510 احسب 5 سنوات يوصل 11000 الا وانت محفر عن 12000 او زياده شوي بعدين سقف المعلم 20000 . التقاعد 17000 .. انت لمنك تقاعدت ي الله يصك ال 6000

يدق عليك ورع عمره 25 معلق الدبوره يالله ي شنب تعال اليوم به شغل ساعه 4 الفجر

كم عدد ايام اجازتك ههه شهر بالسنه . المعلم تدري كم 6 شهورر !! لو حسبتها حسبه ههههههههههههههههه ذي لحالها تكفي

الحين اكلمك عن البكاليورس , لو اخذت ماستر العن شىئ بالحياه وسهله تدري كم سقف 28000 هههه


العلاوه حول 700 واحسب


حبيت ابين لك الفروق .. واتمنى تتقبل كلامي بسعة صدر

اخوي حتى المدرس يجيه اوامر من المدير + المشر التربوي .. وانذارات وتقييم

هكذا هي الحياه رئيس ومرؤوس وكلنا عبيد لله وكلنا مأمورين لايمكن لشخص ان يبحث عن حريته بهذا الفهم القاصر ان لاحد يتامر عليه هذا ضرب من ضروب الخيال!! حتى في بيتك انت تسمع اوامر ابوك وامك ..! لماذا لاتقتلهم حتى ترتاح من الاوامر ؟

لايوجد موظف في اي مكان مهما بلغ من الصلاحيات الا ويكون مأمور على الاقل كـ انسان هو مامور بطاعة الله !!

والله العظيم ان كل ما اراه من فهم البعض هو لاشك نتيجه لـ عدم الفهم الحقيقي للحياه
مدرس انت مرتاح تسافر وين ماتبي ! كم مره بتسافر؟ ترى السفره يبيلها فلوس ! وهل هذا السبب يجعلك تعلن قرارا مصيريا ؟؟

يا اخي الدنيا والحياه تحتاج لفهم اعمق وفهم منطقي يتعاطى مع الاوضاع الحالية الصعبه التي لم يشهد التاريخ مثيلها ..! لا الفهم العاطفي العشوائي قصير المدى

وفقكم الله

[لا اله الا ربي]

اخوي مفتاح .. كلامك صحيح


المدير م يتامر ع المدرسين


بينا لك الفروق لا تزعل ..


الوظيفه المدنيه تعني الحريه عكس العسكريه تماما

[دركتل]

هههههههههههههههههههههههههههههه انا عسكري ورقيب وفي الامن العام وخدمتي اكثر من 12 سنه راتبي توه حول 10000 المعلم الي خدمته مثلي يطق حول 14000 ويداوم 5 ساعات واحيانا الساعه 10 وهو في بيتهم وعنده ليلي ثلاث ايام بالاسبوع من المغرب الى العشاء ياخذ 3000 ريال زياده واجازات ......... خلها على الله بس ليتنا كملنا التعليم لكن كلا ونصيبه وتعليمه اما بالنسبه لرواتبهم فبعضهم عندهم بدلات 30 بالميه مثل التربية الخاصه وبعضهم بدل خطر اخر سقف لرواتب المعلمين حول 26000ريال اذا كان ماستر يعني مافي امل اي فرد يوصل 26000 ولا 17000 ...... لاتحسدهم ياصاحب الموضوع انت اشتهد والله هو موزع الارزاق