بشرى سارة للجميع _ للعاطلين - للموظفين - للتاجرالصغير - لاصحاب الموسسات والشركات - مهم جدا

[جينيفر]

متابعة <<<<<<<<

[سمو بالفكر]

أخوي انا السعودي غني عن التعريف

وأتمنى لك التوفيق وأن شاء الله أكون معاك في هذا المشروع

ولك الود والإحترام

[رويحة الجنة]

ممكن اسم الموقع؟

[رونالدينو]

المشاركة الأصلية كتبت بواسطة طموحي كبيرر

السلام عليكم وكل عام وانت بخير اخوي وبارك لك ربي برزقك وعلمك
وبالنسبه للمشروع الي فهمته موقع تسويق وراح يستفيد منه الكل تاجر مبتدئ ومتسوق عادي ومقيم ومواطن وشراء وبيع وشحن زي اغلب مواقع التسويق وحسابات التاجرات والتجار بمواقع التواصل لكن انت تقول هي فكره جديده وغير وشي حلو فعلا انه تعمل شي موجود بالسوق بس انت تكون متميز عن الكل فيه لكن ياليت اخوي تشرح لنا ايش يميز فكرتك عن الباقين ويكون فيها فايده لك ولنا كمتسوقين وتجار مبتدئين

كل ما في الامر لو قرأت كل تفاصيل المشروع شوف الاخير يطلب منك تشتري على الاقل بما قيمته 400 ريال من بضاعته و عاد انت و شطارتك شوف وين تصرف البضاعة هذا اذا قدرت تصرفها او بعتها بخسارة.. بس واضح ان الرجال راح يربح من حماسكم و هو بالطبع المستفيد.. بالنسبة لي ما احب ادخل في هالمشاريع..

[اناالسعوودي]

اعتذر عن تاخري عن الرد وصراحة ما كنت بارد الى باضافة رابط الموقع ولا كن شدني ردك اخوي رونالدينو


انت دخلت بالنيات اخوي

الله يسامحك يمكن انت ما تعرفني

وبازيدك من الشعر بيت انا لو بغيت الف وادور واجمع فلوس على قولتك وربي في ضرف اسبوع احط بحسابي ملايين ولعل باب المساهمات اسهل طريق لاكن بفضل الله بيني وبين الحرام فرقة


بالنسبة لشرطي 400 ريال باختصرة بسوال

وين بضاعة تبداء بها تجارة ب400 ريال


اذا كانت الخضار لو بغيت تشتغل فيها يبغى لك اقل شي 1000 ريال كيف عاد غيرها

وانا يالحبيب ما ابغى من قيمة البضاعة لو ريال واحد

لان المبلغ راح يتحول لحساب التاجر او المورد ياعزيزي ولا راح يجيني شي الله يسعدك

الشي الثاني تقول كيف يصرفون البضاعة

انا اقول لك انا علي افتح لك الباب وانت واصل وازيدك من الشعر بيت انا اعطي اي واحد يشارك كتجر يسوق من خلاله بضاعتة

المفروض ان الموقع الان على الشبكة لاكن كل يوم يطلع لي فكرة وتطوير جديد ومشاكل في البرمجة لاكن الحمد لله خلصنا من كل شي وقرب الوقت


انا حدثت اغلب مواضيعي عشان بس تعرفني قبل تدخل بنيتي الله يصلحك


ولو اخذت بس مقابل لو قليل على ماقدمتة بها المنتدى كان عينت خير


اخوي انا الحمد لله الله رازقني من فضلة وعندي خير


لاكن قاهرني حال شبابنا وعدم ثقت السعودي في السعودي بخلاف الاجانب

من هنا عزمت وتكلفت عشان ننافس بالسوق هدفي اكبر من اني اجمع فلوس


هدفي خلق تجار سعوديين ينفعون انفسهم واهاليهم ويرفعون اقتصاد البلد


وتحياتي لك

[حبيبة نفسها]

انا السعودي

الله يسعدك ويرزقك ويرزق الجميع
يعني موقعك يكون مجموعه مشتركين الي فهمته ندفع للبضاعه 400 وتنزل علموقع وناس تشتري
عندي اساله 😁 التوصيل للعميل من عندكم ولا كيف
والربح كيف بيتقسم بين التاجر ومندوب التوصيل وصاحب الفكره

[اناالسعوودي]

بالنسبة للبضاعة على طلبك
وش البضاعة ووش النوع والصناعة
طبعا البضاعة بسعر الجملة والجملة معروف نظامها اقل كمية بضاعة
نصف درزن يعني 6 قطع من كل صنف

بالنسبة للتوصيل للعميل اللي يتعامل عن طريقنا الشحن الى منطقة الزبون مايزيد عن 30 ريال لكامل البضاعة

اما العميل اللي يتعامل معك فهذا بمعرفتك


اما الربح
فالربح صافي لك ولا ناخذ منه ولا ريال لان البضاعة تخصك

بالنسبة لللفكرة مانبي شي

يعني لو فرظنا اشتريتي 4 درازن عطور جيني او ميني او تستر

ب 400 ريال
يطلع سعر القطعة حوالي 9 ريال الا

وبعتي الحبة ب 15 ريال او اقل من سعر السوق بريالين بعتي ب 13 ريال

يعني مكسبك في الدرزن تقريبا 50 ريال
يعني 400 راس مال ومكسبك تقريبا 50٪ يعني 200 ريال هذي لك ماحد ياخذ منك ولا هلله

لا مور ولا تاجر ولا صاحب فكرة يشاركك في تعبك وفلوسك

لاكن اذا عديتي الفترة التجريبية وشفتي انك مستفيدة والوضع مشجع استمري لاكن بيكون هناك رسوم اشتراك والرسوم ذي مقابل الخدمة اللي قيمة المتجر

ولو شفتي ان الوضع مو مخارج وما استفدتي انسحبي واكتفي بتجربتك وقيمي تجربتك واقلها طلعتي بفايدة المعرفة

وسلامتك

[امل مهنا]

السلام عليكم ورحمه الله وبركاته
ابي انضم معكم بس الخاص مااقدر ارسل بسبب المشاركات
والله يوفقنا جميعا...

[آبوجووري]

السلام عليكم
وفقنا الله وإياك يالسعودي

اللي فهمته غير أن الموقع عبارة عن متاجر الكترونية
هو أنك أنت المسؤول عن توفير البضاعة لكل متجر

لكن هل أنت تشتريها وتبيعها عالتاجر أو تاخذ نسبة..أو ايش بالضبط!!!!؟

[صالح المهدي]

نحن بانتظار ساعة البداية وانواع البضاعة واسعارها وكيفية الاشتراك

وفقك الله