مطلقه ابي اقدم ع الاسكان بس شرط صك الاعاله بهذلني سسسسساعدوني

[ام نيوف]

السؤال المهم هالحين

هل يشترط حضور طليقي للمحكمه علشان صك الاعاله ؟؟؟

وهل تطول الامسئله على ماتطلع ؟؟؟

ومتى يسكر التقديم ع الاسكان ؟؟؟ اخاف وضع الصك يطول ويتقفل التسجيل ؟؟؟


الله يجزاكم خير ساعدوني

[أم السلطانه]

[align=center]
أخواتي الحبيبات
اللي يسألون عن صك الاعالة
أطمنكم ولا أسهل منه
"من واقع تجربة"
أنا مثلكم ومثل الكثيرااات اللي ما يصرف عليهم ولا حتى يفك شره (وحتى لو يصرف شي قليل من حقك تطلعين الصك)
عموما المسألة بسيييطة ولا تحرمي نفسك الخير لاجل صك الاعالة
أنا رحت المحكمة معي صورة صك الطلاق واثباتي وصورة دفتر العايلة (قديم حتى أني مضافة فيه، أخذته بالتعاون مع مدرسة أولادي موجود بملفهم الدراسي)
أهم مافي الموضوع يكون معك (4 أشخاص 2 مزكين و 2 معرفين)
أنا والله اخذت هالشبيبة أولاد أختي اللي توهم قاصين بطاقات و 2 ازواج خواتي
قالوا للشيخ اولادها عندها وتصرف عليهم وتبي صك اعالة
سألني وش تبين فيه قلت يفيدني اذا بغير مدارسهم وأقدم فيه ..
والله ما كملت ربع ساعة الصك موجود
أكرر اهم مافي الموضوع يجي معك 4 رجال
ولا يدري زوجك ولاهم يحزنون
وللفائدة أنا سكان الرياض وخفت القروشة والتأخير في المحاكم
رحت لقريتنا وخلصته في لحظات (اجراءات سهالات)

أبي منكم دعوة لي ولأولادي
وبالتوفيق للجميع
[/align]

[أم السلطانه]

[align=center]
أم نيوف لا يحضر طليقك ولا يدري اساساً
اذا لك اقارب في قرية قريبة ولا حتى بعيدة
اخذي اوراقك والشبيبة للمحكمة وطلعي صك الإعالة
بالتوفيييق للجميع يارب
[/align]

[ام نيوف]

ام السلطانه

الله يجزاك جنه عرضها السماوات والارض الله يفتحها بوجهك ويرزقك ويكبر خظك ويحفظ لك اولادك

طمنتيني الله يريحك لاغن طليقي لا يصرف ولا يبيني اترزق الله حسد الله يكفينا الشر

وشلون عاد لو درى اني بقدم بالاسكان والله يغربلني الله يغربله



بس سؤال ؟؟

انا من اهل الرياض ومن سكان الرياض ولا لي اقارب من قريه ولا شي بس افكر اروح لمحكمه الخرج ولا الدرعيه علشان يخلصوني

السؤال هل يخلصوني بسرعه ولا يشترط اكون من نفس المنطقه ؟؟ يعني مايقبلوني علشاني من الرياض

[بنت مكه وبس]

اختي بامكانك تحطي في خانة صك الاعاله 0 وتضبط معاكي ان شاء الله

[بقايا الأسى]

المشاركة الأصلية كتبت بواسطة بنت مكه وبس

اختي بامكانك تحطي في خانة صك الاعاله 0 وتضبط معاكي ان شاء الله

هيا بتضبط معاها لاكن وقت التحقق من البيانات بتطلع غلط ويستبعدوها ..
لازم صك الإعاله و هوا من أهم الشروط ..

[قلبي له حكايه]

طيب وش الحل برايكم .. ومتى يتم التحقق من البيانات لاني كتبت انا صفر بس ماادري متى اطلع صك الاعاله

[بقايا الأسى]

أعتقد بعد شهرين يتم التحقق يعني ع شهر 7 فإلحقي تسوي صك الإعاله بهالفتره ..
بسألك مبنى وزارة الإسكان بجده فين موقعه بأي حي ؟؟

[انا اليتيمه]

ام السلطانه
الله يفرجها عليك مثل مافرجتيها علينا
والله سالفة القريه رايحه عن بالي بإذن الله برووح لقريتنا وان شاءالله تتيسر الامور
وببلغكم وش يصير معاي

الله يوفقكن جميع ويفتحها بوجيهكن

[مييكال]

ان شاء الله انه بسييط

انا حطيت رقم الصك صفر صفر وكملت الطلب واتممته

وبعد ما اطلع الصك برجع اعدل بالطلب واحط رقم الصك الي طلعته

ما راح يتم الفرز على حسب كلامهم الا بعد شهرين يعني 6 من شهر 7 ينتهي

بس للاحتياط لازم نخلص قبل شهر 6 ونرتاح

واحب انووه للي حطوا اي رقم ومشا معهم الطلب ترا لازم تطلعون صك اعالة وتسوون تعديل للطلب وتدخلون رقم الصك وممكن الوزارة يطلبون منكم الصك وهو شرط اساسي للقبول لا احد يطنششه


واستخراجه بسيط مثل ما قالت ام السلطانه

روح ومعك 4 رجال 2 يشهدون انك العائله و2 يزكون الشهود واي اثبات كرت العائله او شهادة ميلاد او برنت