اجنبي نصب علي بمليون وسبعمائة الف ريال والصدفه جابت راسه

[كنت عيضه]

جب مليون وانا اضبطلك الشغله

[فرافيرو]

المشاركة الأصلية كتبت بواسطة الموئيد

بسم الله الرحمن الرحيم

السلام عليكم ورحمة الله وبركاته

يأخوان شأت الاقدار قبل حوالي ثلاث سنوات ان تجمعني بشخص اجنبي

حيث انني كنت اشتغل كداد (لموزين ) وركب معي يريد القصيم جاي من الرياض

المهم وحنا مع الخط تخبرون مع السواليف جلس يسب كفيله ويريد كفيل جديد وقال انه مرتاحلي ووده
يتشارك معي بمشروع النص بالنص قلتله وش المشروع قالي بوفيه بالصناعيه المهم قلتله ماعندي
فلوس قال انقل كفالتي لك ونا افتح البوفيه وعطيك بالشهر 1200 ريال قلت تم المهم بعد ماوصلته
تواعدنا وخذ رقمي بعد تقريبا اسبوع دق علي وقال تعالي الصناعيه ووراني محل لتقبيل شراه هو
وقال ابي اسجله بسمك رحنا مكتب عقاري وسجل العقد بسمي من البائع وعطاني خطاب نقل
كفاله من كفيله موجه لي المهم اتفقنا اسوي لمكتب خدمات عامه وكاله مني لاستخراج تراخيص البوفيه والسجل التجاري ونقل الكفاله له المهم جاب لي اسم المكتب وسويت الوكاله وعطيته من شان يعطيها المكتب المهم اتفقنا كل شهر يحول الفلوس بحسابي
وكان يحول كل شهر 1200 ريال كل شهر وبعد مرور ثلاث سنوات قابلت واحد من الشباب بالاستراحه
توه متوضف بالبلديه ويسولف معي عن الوضائف وقلت له اني ادور وضيفه جلس يضحك بخبث
قال انت خلك على تجارتك وربي احسن لك من الوضيفه قلت اي تجاره قال علينا وجالس يضحك ويقول انت هامور كبير وماشالله عليك تشتغل ولا احد يدري عنك قلت يارجال والله انه ذابحني الفقر قال طيب ومحلاتك الي بشارع الصناعه البضاعه الي في المحل الواحد فوق 250 الف
الشباب نقزت عيونهم قلت انت سكران قال لاوالله انت هامور قلت تحاققني من تيس قال
تم ركبت معه بسيارت البلديه الرسميه وجينا المحل محل كبير جدا قال للعامل الاجنبي اعطيني الترخيص ويوريني الترخيص قال التيس ياشنب اخذته على جنب وقلت ياولد المحل وربي مهو لي قال الترخيص بسمك قال مسوي وكاله لحد ( اصح يانايم ) وعطيه سالفة الاجنبي
قال بس امش وراني 4 محلات اخرى كلها بسمي منها محل اجهزه بشارع الخبيب قلت والحل قال
نطلع العمال من المحلات ونقفلهن وبكرا يجيك الي مستغل اسمك رحنا للمحلات وقفلناهن بمساعدت الشرطه (قصه طويله ) المهم جاني الاجنبي يبكي ويترجاني ونه غلط بفتح المحلات بدون علمي ونه راح يعوضني ب30000 الف هههههه كل شهر المهم بعد صولات وجولات قلت تم
فتحت المحلات وبعد يومين من المراقبه المكثفه على المحلات لقيته يحمل من البضاعه شوي شوي ناوي يجرد فيني جيته وقفلت المحلات وقلت اعلى مابخلك اركبه وركبت اقفال جديده
للمحلات وجبت محاسبين لجرد المحلات وطلع سعر البضاعه فقط ( مليون وسبعمائة الف ريال)
ورحت للمكتب حق الخدمات وسحبت الوكاله وهددتهم اني برفع شكوى عليهم
المهم جوني ناس بالبيت وترجوني وحب خشوم وعرضو علي عرض
مليون ريال كاش كتعويض و 30000 الف ريال كل شهر
مقابل التستر عليهم وستمرارهم بالمحلات
رفضت العرض وطلبت 2 مليون ريال ونقل جميع المحلات من اسمي ووافقو على طول
وحبيت استشيركم اخواني الاعزا هل تصرفي سليم ام لا

اعتبرني صدقتك بس لاتقولها لغيري يمكن مايصدقك

[اساليب التجارة]

حسبي الله ونعم الوكيل

[كدو الجنوب]

اضم تعليقي لتعليق تسوق اسثمر المحلات دامها جاهزه ويزيد ارباحك اكثر من 2 مليون

[حايليه جريئه]

غريبه الاجنبي مايثق بأحد بسهوله

[الاياليت]

حسبنا الله ونعم الوكيل

[وولد جهينه]

ههههههههههههههههههه

[عبدالله يب]

الله يعين

[وولد جهينه]

كـيف نصب عليك بمليون وانت ما عطيته ولا ريال ....

[نااصر الحربي]

المشاركة الأصلية كتبت بواسطة بادي الرجم

اخوي المصيبه اللي ماتدري عنها يمكن الرجال مستغل السجل التجاري في تنزيل البضاعه بالاجل يعني شكلك مديون عند بعض الموزعين باأكثر من 2 مليون ويمكن كذلك يستورد بضاعه من الخارج باأسم المؤسسه وفي ظهرك يبغالك تشيك مع الجمارك ونصيحه شف لك مكتب محاسبه ويراجع الفواتير وخلص نفسك واشطب السجلات والرخص وفيه حاجه بعد اكيد المحلات شغاله لها كم سنه شوف الزكاه كم راح تكون وتقدر تتأكد طلع برنت من الامانه بعدد الرخص اللي باأسمك وكذلك وزارة التجاره وعدد السجلات اللي عليك .

كلام سليم