مشروع الطباعة للجميع ( معنا اسهل فقط اسأل ونحن نجيب )

[خبيرطباعة]

المشاركة الأصلية كتبت بواسطة فيلسوفة عاطلة

مرحبا مرة اخرى ...

انا طابعتي ابسون احبارها انجيكت..

وش اقدر اطبع فيها ؟؟ لاني احترت معاكم احد يقول ما تصلح واحد يشجع


وش الورق اللي نستخدمه لاكواب الترافل مق ..لاني لما احط الصورة فيه احس تصير باهته مع ان الاعدادات مضبوطه.. انا ابغاها تلمع ...اشتريت ورق لماع بس الحبر صار سائل ما نشف في الورقه ..
وش تنصحوني لاني بديت اعصب من هالمشروع ...

واوراق النوتات وش نوعها ؟؟


ياليت احد يجاوب واكون شاكره

وحبيت اشكر ام ميار على سعة قلبها ...لاني تواصلت معاها قبل كذا وان تعاملها راقي ..مو مثل بعض الناس تسالهم ويتجاهلونك...مع ان حلو المساعدة والاستفادة من بعض

مرحبا فيلسوفة
تقدري تطبعي فقط تيشرتات بيضاء او غامقة فقط تغيري الورق
وتقدر تطبعي النوتات فيها كمان

هذه الطابعة لا يمكن تطبع معاك على كاسات ولا ترافل مج ولا ورق لماع ولا شي هذا موضوع بعيد كل البعد عن الطابعة

عشان تطبعي على كاسات او كفرات جوال عندك طابعة أحبارها وأوراقها مختلفة

لو تحبي تاخذي هذه الطابعة وتغيري الهد للسبليمشن ممكن ويصير تطبع على كاسات وكفرات وخامات السبليمشن كلها ولكن ما تطبع على تيشرتات قطن وانا ما انصح بتغيير الهد لأنه راح يخرب لو ماشغلتيها كل يوم وبتكرهي نفسك

فيه طابعة اسمها ريكو مع احبار امريكية جيدة في الكاسات والكفرات صحيحة حبرها غالي 1400 بس جيدة وخلي الابسون عند للتيشرتات والنوتات

تحياتي

[خبيرطباعة]

المشاركة الأصلية كتبت بواسطة المصممة أم ميار

اللي يبي طباعه تيشرت بتواصل معاك خاص

الورق اللي تسال من جده عندك الباروم مع انه نصااب شوي الهندي بس ورقه تمام يجننن انا مشتريه منه

100 ورقه ب 70

معلومات عن أوراق السبليمشن يجهلها الكثير وبالتالي نقول هذا أغلى من هذا
1- فيه ورق لطباعة خامة السبليمشن الصلبة فقط السعر 30 - 40 ريال
2- فيه ورقة لطباعة خامة السبليمشن الصلبة + التيشرتات البوليستر 45 - 60 ريال
3- فيه ورق لطباعة خامة السبليمشن + التيشرتات البوليستر + كفرات الجوالات الثري دي يعني بوليمر وأكثر الناس تجهل هذا الموضوع 70 - 100 ريال

حبيت أوضح هذه المعلومة لأنه لا التجار ولا المستهلك فاهم هذا الموضوع
التاجر يروح الصين يدور على ارخص شي والوسيط والمستهلك يدورن على ارخص شي وبعدين المحصلة نشوفها

كلامي هذا معلومات ونصايح للجميع وليس موجه لأي شخص فأنا أقدم معلومات موجودة عندي وجربتها وقابلة للصحة أو الخطأ

تحياتي وربنا يبارك لنا في رزقنا بالقليل والكثير ان شاء الله

[طنينه]

[align=center][/align]السلام عليكم أنا جديده هنا أتمنى تدخموني أذا ممكن أحتاج طابعه حراريه حرارتها 400 وسطحيه للأقمشه وتكون متوسطه السعر , شكرا مقدما

[خبيرطباعة]

المشاركة الأصلية كتبت بواسطة طنينه

[align=center][/align]السلام عليكم أنا جديده هنا أتمنى تدخموني أذا ممكن أحتاج طابعه حراريه حرارتها 400 وسطحيه للأقمشه وتكون متوسطه السعر , شكرا مقدما

وعليكم السلام
400 فهرنهايت ولا درجة مئوية
اتوقع فهرنهايت لأنه لو بدرجة المئوية وتشغليه مدة طويلة السخان راح يضرب معاك
400 فهرنهايت يعني 205 قولي خليه 200 ماشي يصير وصلنا للمطلوب
الصيني كله يمشي معاك
فيه بالرياض واحد يبعيه 1500 ريال بس من ابو حديدة هذا القديم
وفيه عندك بجدة بكل مكان
حددي مدينتك ونحاول نرسل لك مواقعهم على النت

[@ النزاوي @]

[align=center]السلام عليكم

نصيحه للي يبي يشتري طابعه سبلميشن

يبعد عن ابسون صحيح انها ممتازه بالطباعه

وحبرها رخيص بس عيبها كثرة اعطال

اذا طبعت كثير تعبيء. هواء وشغلت التفريغه

طويله عريضه لزم ابره وفك الطابعه

وماتحصل احد يصلحها غير بعض موزعينها

يا بالرياض او جده

المشروع الناجح يبي له

طابعتين اوكي ليزر وريكو سبلميشن

اعطال مافيه وجوده عاليه مع الورق الجيد

بس غالي الحبر

واللي يبي الجوده يغض الطرف عن السعر

وراح يعوضه بكسب عملاء اكثر وثقه بالجوده منهم

وبالتوفيق للجميع يارب
[/align]

[سوسوكمبش]

ايش طريقة تنضيف المكبس لو مسك في شي

[منصف لطباعة]

خليه يبرد وامسحيه بقطعة قماش وقليل ماء اذا كان المكبس عندك مغلف بالتفلون الكويس يطلع بسرعه

[خبيرطباعة]

المشاركة الأصلية كتبت بواسطة @ النزاوي @

[align=center]السلام عليكم

نصيحه للي يبي يشتري طابعه سبلميشن

يبعد عن ابسون صحيح انها ممتازه بالطباعه

وحبرها رخيص بس عيبها كثرة اعطال

اذا طبعت كثير تعبيء. هواء وشغلت التفريغه

طويله عريضه لزم ابره وفك الطابعه

وماتحصل احد يصلحها غير بعض موزعينها

يا بالرياض او جده

المشروع الناجح يبي له

طابعتين اوكي ليزر وريكو سبلميشن

اعطال مافيه وجوده عاليه مع الورق الجيد

بس غالي الحبر

واللي يبي الجوده يغض الطرف عن السعر

وراح يعوضه بكسب عملاء اكثر وثقه بالجوده منهم

وبالتوفيق للجميع يارب
[/align]

كلام سليم وكلام كبير يانزواي انا من اول اقول هذا الكلام
وأضم صوتي لصوتك

[خبيرطباعة]

المشاركة الأصلية كتبت بواسطة سوسوكمبش

ايش طريقة تنضيف المكبس لو مسك في شي

اهلا كمبش
منصف جاوبك
نصيحة حاولي تجيبي لك التيفلون وخليه دايم مع المكبس تراه حاجة مرتبه وحلو ويضبط لك شغلك

[دندشة]

طابعة oki ايش ميزاتها اسمع مدح كثير عليها
ناوية الخطوة الثانية ان شالله اشتري طابعة بحبر إنكجت او ليزر لكن معرف ايش مجالاتهم في الطباعة
مجالي فيهم ابي أطبع على ( نوتات + ترافل مق اللي ورقة خارجية + لوحات بمقاس اي فور )

سؤال ثاني
فيه طريقة أقدر أطبع من خلالها على جميع انواع الاكواب مو بس السبلميشن
مثلاً حبر الليزر هل يقوم بهذي المهمة

وسؤال أخير

بالنسبة لخامات الكفرات فيه منه القلوسي وفيه منه الخشن شوي واثنينهم بلاستيك اش الفرق بينهم وأيت أفضل ؟ هل فيه خامات أخرى غيرهم ؟

وشكراً