استفسار لاهنتوا (تغيير المهنة)

[هل يوجد وظيفة]

السلام عليكم ورحمة الله وبركاته
بغيت استفسر انا تخرجت من الكلية وابغا اطلع سطحه من باب رزق
وشروطهم رخصه عمومي
والمرور مايطلع الا اذا متسبب
وش الحل اغير المهنة ولاكيف وهل اذا غيرتها اقدر اتوظف بعدين و اكمل الدراسة
والسطحة وش افضل شركة تطلعلي وانا عاطل
وسلامتكم
والله يوفق كل القائمين على المنتدى من صغير الى كبير

[حفيد نجد]

نعم لازم تغير المهنه عشان يعطونك رخصه

سوالك تقدر تتوظف .. ماعندي علم

السطحه افضل نوع دينه ايسوزو

[هل يوجد وظيفة]

بيض الله وجهك وننتظر الباقي

[اب ت ث]

يا عزيزي اذا غيرت مهنتك من طالب الى متسبب ، هذا التغيير لا يؤثر على الوظيفه ، يعني تقدر تتوظف عادي ، ولكن اذا توظفت لازم ايضا تروح وتغيرها من متسبب الى موظف ، لان المكان الي بتتوظف فيه يجبرك على ذلك بعد الوظيفة ، وطبعا اذا جيت تغيرها من متسبب الى موظف لابد تلغى السجلات التجاريه الى باسمك او تنقله اذا كان عندك سجل تجاري ، اما بالنسبه للرخصة العمومي فهل لابد ان تلغيه ايضا اذا غيرت المهنة الى موظف ؟ هذي مادري عنه .

[محمد الحربيِ]

المشاركة الأصلية كتبت بواسطة اب ت ث

يا عزيزي اذا غيرت مهنتك من طالب الى متسبب ، هذا التغيير لا يؤثر على الوظيفه ، يعني تقدر تتوظف عادي ، ولكن اذا توظفت لازم ايضا تروح وتغيرها من متسبب الى موظف ، لان المكان الي بتتوظف فيه يجبرك على ذلك بعد الوظيفة ، وطبعا اذا جيت تغيرها من متسبب الى موظف لابد تلغى السجلات التجاريه الى باسمك او تنقله اذا كان عندك سجل تجاري ، اما بالنسبه للرخصة العمومي فهل لابد ان تلغيه ايضا اذا غيرت المهنة الى موظف ؟ هذي مادري عنه .

الرخصة ما تلغى اذا توظفت وربما تفيدك بالوظيفة وكلامك سليييم ورائع
والله يوفق الجميع يارب

[مع نفسك حبيبي]

يفيدوك الشبااب
موفق

[محمد الحربيِ]

المشاركة الأصلية كتبت بواسطة هل يوجد وظيفة

السلام عليكم ورحمة الله وبركاته
بغيت استفسر انا تخرجت من الكلية وابغا اطلع سطحه من باب رزق
وشروطهم رخصه عمومي
والمرور مايطلع الا اذا متسبب
وش الحل اغير المهنة ولاكيف وهل اذا غيرتها اقدر اتوظف بعدين و اكمل الدراسة
والسطحة وش افضل شركة تطلعلي وانا عاطل
وسلامتكم
والله يوفق كل القائمين على المنتدى من صغير الى كبير

الله يوفقك رح للأحوال وغيرها متسبب واذا جاتك الوظيفة ما يطلبون منك تغيرها على طول وظيفة عن وظيفة تفرق ولا تخاف من هذه الناحية فبعض الوظائف عندهم فترة تجريبيه مدتها 3 اشهر وبعدها تغيير المهنه الى مسمى الوظيفة وامرها بسيط .

اكمال الدراسة على حسب ، تأخذها بفلوسك مسائي او تأخذ الاذن من عملك وتقدم و انتهينا .

الباقي عليك انت تفيدنا بتجربتك مع باب رزق لأني ابغى لي دينة وان شاء الله اطلع الرخصة الاسبوع هذا واقدم عليهم بس لا تنسى تعلمنا وش صار معك .

[محمد الحربيِ]

بعد الاطلاع على بعض المعلومات عن باب رزق تبين لي انه باب ذل
ابحث عن احد من اقاربك يطلع لك السطحه وتقسطها عليه بـ 1500 بارخص من باب رزق وبدون دفع رسوم ادارية 3000 ورسوم التامين الشامل وبدون فوائد وان لم تجد فالله يعينك عليهم

[هل يوجد وظيفة]

بيض الله وجيهكم والله يسعدكم دنيا واخرة
بخصوص اخوي محمد الحربي بباب رزق ماعندنا الاهو ماقدر اكلم احد يقسطلي
كلمتهم قالي رخصة عمومي والعمر من 21 وفوق وكفيل موظف حكومي غير متقاعد والقسط 2500 على 5 سنوات
وبرنت من الاحوال انك متسبب