فكرة و ما نستغني عن ارائكم

[khuzama]

انا من رايي تدرج بالبداية بالبضاعة مو كمية كبيرة
وشوف السوق اللي عندك شوف وش الدراج
ومسألة الارباح والدراسات
عندك بتويتر حساب سليمان العليان هو مستشار
جدا يفيد بخصوص المشاريع وحتى فيه بحسابه قروبات على الواتس اب لاصحاب المشاريع او اللي ناوين معلومات او تبادل خبرات الخ ..

الله يوفقك ويسهل امورك , توكل على الله ولا يوقفك شي

[بالله بالتوفيق]

حياك الله اخوي انا كنت تاجر بضائع صينية في مجال الجوالات الشغلة متعبة ماهي سهلة لانك تمر في مراحل كثيرة من ترتيب للسفر واختيار البضائع والتسعيرة والالوان ومراقبة المشتريات والتشييك والشحن ثمن التخزين والمرحلة الاخيرة التسويق

اصعب مرحلة واجهتني التسويق لان بضايع الجملة كان ومازال مسيطر عليها اجانب ولا يشترون من الموزعين السعوديين وهم كانوا شركاء معي بالتسويق
التصريف جدا مهم ومعقد ويبيلك وقت عشان تكون علاقة مع التجار

النقطة الجميلة في الموضوع الان ان بعد قرار السعودة صار الموزع السعودي يدورونه السعوديين بالمنقاش

لان نسبة كبيرة من الاجانب يحاربون اصحاب المحلات السعودييين ويرفعون عليهم اسعار الجملة

العملية معقدة جدا فوق ماتتصور وشف نصيحة انا ما احطم احد لكن الي يقولك لك سهلة اعرف انه غشك او تكلم فيما لا يفقه فيه