فكرة و ما نستغني عن ارائكم

[سيارQ]

السلام عليكم
فكرة مشروعي ببساطة اني اطلب بضايع من الصين بسعر الجملة وابيعها مع مكسب بسيط في
حراج ومستعمل وبعدين اسوي لي حساب في انستقرام وابيع عن طريقه
طبعا المنتجاات اللي ابيعها هي اكسسوارات الجوالات يعني شواحن متنقلة وجوالات باسعار مناسبة جدا
والساعات الرياضية ولمبات LED وكفرات الجوالات و نظارات الواقع الافتراضي وبروجكترات و فلاشات يو اس بي ومنتجات الكترونية كثيرة لكن عندي مشاكل وهي دراسة االجدوى و المادة وضرورة استخراج سجل تجاري عشان التخليص الجمركي
احيان اقكر اني اطلب بعض الاشياء قطاعي (عشان تكون ارخص علي ) واجرب ابيع قبل اطلع سجل تجاري وان شفت اقبال اطلع سجل وادور ممول واخذ الموضوع بجدية
اي صح نسيت وكيف احسب المربح والاسعار عشان اكون حاسب كل شي وماخذ حسابي
وش رايكم ي اخوان

[طموحي عسكري]

صباح الخير

يجي من يفيدك ويفيدنا

تسجيل حضور ومتابعه

[سيارQ]

لاهنت يا طموحي
200 مشاهدة وانت الوحيد اللي عطاني وجه
شاركو وعطونا رايكم ترى ما بناكلكم
شاكر لك مرورك

[ميرراج]

السلام عليكم

اخوي اذا تبغى اي بضاعة من الصين انا مستعد اجيبها لك الى مدينتك
بشرط يكون طلب جملة لان فقط اتعامل مع اسعار جملة واذا احتجت بضاعه معينة بلغني وان شاء اساعدك فيها

وبالتوفيق

[سيارQ]

سؤالي واضح ومحدد ي ميراج
وواضح اني ما ادور ناس يوفرون لي من الصين
انا اقدر اوفر بنفسي
شاكر مرورك

[الراآسيه]

وعليكم السلام ورحمة الله وبركاته
عندي اقتراح وانت حر طبعاا .. لو توفر السلعه
باللطلب يعني لو تفتح حساب بالاتستقرام وتويتر وغيره وتحط صور لمنتجات توفرها بالطلب لوازم جوال .اجهزه.اكسسوارات وغيره من أحد المواقع الصينيه
وأتوقع وصول المنتج من الصين عقب طلب الزبون يستغرق15_20 يوم ..

[أعتدال]

راح اكتبلك عدة نقاط تحتاج التركيز فيها وسوف اكتبها في رد مستقل .. الله يوفقنا وياك

[طالب جامعي-1]

الله يسهل دربنا ودربك

[Fekra_ksa]

السلام عليكم
شوف يا غالي تقريبا اي شخص حاليا يقدر يستورد بضاعة لان الموضوع اصبح سهل خصوصا من خلال المواقع الالكتدونية ولكن في عدد من النقاط حاب اني انبهك لها :
اولا : التصريف لازم تكون عندك قاعدة جماهريه من العملاء عشان تصرف بضاعتك وصدقني ادا ما عندك حاليا ها القاعدة راح تنصدم وتخسر كثير الا ادا كنت مستعد للتسويق لحسابك في حسابات المشاهير وهي عملية مكلفه .
ثانيا : اكل العنب حبه حبه الان سوق الاتصالات متعطش جدا جدا بسبب نظام السعودة وهذا شيء في صالحك عشان كدا ابد قطاعي وليس جملة عشان تبدا تكون لك قاعدة جماهريه من العملاء .
ثالثا : ركز على بناء علامة تجارية خاصه لك انت وهذا الشيء راح يساعدك في تسويق اسمك وبضاعتك مستقبلاً .
والله يوفقك يا غالي .
رابعا : الصبر لاتستعجل على الربح او حالة الركود .
خامسا : يجب عليك وضع خطط بدلية في حالة الخسارة او ركود البضاعة ،وخطط للتسويق .
والله يوفقك يا غالي

[أعتدال]

‎1- ‎أول شي تقوم فيه تضع كل منتج تبي تبيعه وتكتب الاتي: كيف اجيبه, وين أخزنه, وين ابيعه, لمين, كيف أوصله وكيف طريقة الدفع؟
‎2- ‎قم بعمل دراسة عن حجم واحتياج السوق لكل منتج تود بيعه وجودته وأسعاره ومن هم المنافسين الأقوى (على الاقل 3 منافسين ‏لكل منتج‎)‎
‎3- ‎عمل تحليل بسيط عن نقاط القوة لديك ونقاط الضعف والفرص والتهديدات اللي ممكن تواجهها في السوق‎ SWOT Analysis
‎4-‎بعد ما تسوي هذا التحليل ضع الاهداف التي تريد تحقيقها بناء على نتيجة سوات انالسز‎ ‎
‎5- ‎بعدها تضع الخطة التسويقية لمنتجاتك مثل الأعلانات او كوبونات خصم

هنا بيكون عندك نوع من الرؤيا عن هالمشروع وبتشوف هل هو مجدي او لا