مستشفيات الحرس الوطني بالشرقية - طريقة التقديم - استفسارات

[ذا نيو عاطل]

المشاركة الأصلية كتبت بواسطة نوو نيم

السلام عليكم

قدمت علي مستشفي الحرس تقريبا قبل ٣ سنوات عن طريق موقعهم وحطيت بياناتي ورقم الهويه بس ماكملت التقديم وتركت الموضوع والحين قاعده احاول اني اقدم مره ثانيه بس يقوولي ان رقم الهويه مستخدم وماعرفت اكمل الاجراءات
من مر عليه نفس المشكله الله يخليكم افيدوني ضروررري كيف اقدر اقدم واكمل الاجراءات
وهل فيه ايميل اقدر ارسلهم بياناتي تكفوون ساعدوني

وعليكم السلام ورحمة الله وبركاته،،

لأنك قاعدة تحاولين تسجلين من جديد والمفروض انك تحدثين بياناتك فقط، إذا عندك رقم الطلب وعارفة الرقم السري ادخلي من هذا الرابط وحدثي منه مباشرة:

http://eapps.ngha.med.sa/newapps/rec...t/default.aspx

أما إذا كنتي ناسيته فاتبعي الطريقة التالية، ادخلي على هذا الرابط:

http://eapps.ngha.med.sa/newapps/recruitment/forget_password.aspx

حطي في الخانة الأولى ايميلك اللي سجلتي فيه مسبقا وخلي الخانة الثانية فاضية بعدين اضغطي زر Submit

راح تجيك رسالة على ايميلك مباشرة ( إذا ما لقيتيها شيكي مجلد الـ Junk أو ما يسمى بالبريد الغير هام) وبيكون محتوى الرسالة مذكور فيه رقم الطلب حقك والرقم السري اللي سجلتي فيه مسبقا، بعد ذلك ادخلي على هذا الرابط:

http://eapps.ngha.med.sa/newapps/recruitment/login.aspx

حطي في الخانة الأولى رقم الطلب وفي الخانة الثانية الرقم السري ( المعلومات اللي أخذتيها من الرسالة اللي وصلتك على الايميل) بعدين اضغطي زر login

لما تدخل معاك الصفحة راح تفتح على بروفايلك (الملف الشخصي) ومذكور فيها بياناتك وجنبها الخيارات Education، Experience، ...الخ عبيها كاملة وكل ما تخلصين من خانة بتلقين عندها كلمة Add أو save اضغطيها وبعدين في النهاية إذا عبيتي كل شي ارجعي على خانة profile انزلي تحت بتلقين زر R e f r e s h اضغطيه..


بإمكانك تحولين اللغة لعربي وتاخذين راحتك..

والله يوفقك

[شاكر عبدالله]

انا عندي ثانوي كيف اقدم على المستشفى

[ذا نيو عاطل]

المشاركة الأصلية كتبت بواسطة شاكر عبدالله

انا عندي ثانوي كيف اقدم على المستشفى

تفضل من هذا الرابط اخوي:

http://eapps.ngha.med.sa/newapps/recruitment/AR/newapp.aspx

[نوو نيم]

ذا نيو عاطل الله يعطيك الف عافيه
بس المشكله اني ناسيه الايميل اللي سجلت فيه اصلا
هل في اي طريقه اعيد التسجيل من جديد

[ذا نيو عاطل]

المشاركة الأصلية كتبت بواسطة نوو نيم

ذا نيو عاطل الله يعطيك الف عافيه
بس المشكله اني ناسيه الايميل اللي سجلت فيه اصلا
هل في اي طريقه اعيد التسجيل من جديد

بحثت كثيرا وتوصلت إلى أنك ما تقدرين تحلين هالمشكلة من الموقع لازم تكلمينهم هاتفيا وبتنحل بطريقتين سواء انهم يحلونها معاك مباشرة على الهاتف بعد ما تعطينهم بياناتك أو بيطلبك ترسلين معلوماتك لايميل معين يساعدونك عن طريقه وهذي أرقامهم اختاري على حسب المدينة اللي انتي فيها واطلبي قسم التوظيف..

مستشفى الحرس بالدمام: 8532555-013

مستشفى الحرس بالأحساء: 5339999-013

الله يعافيك واحنا مو في هالمكان الا عشان نخدم بعض والله يكتب الخير لكل مسلم

[بين البشر]

يعطيك العافية ذا نيو عاطل
ابغى أسئل عن التايبنغ كم المطلوب فيه للنجاح، كم كلمة في الدقيقة ؟
والاسئلة في مقابلة اللي هي عرف عن نفسك و مهاراتك هل كانت ب E ؟

[ذا نيو عاطل]

المشاركة الأصلية كتبت بواسطة بين البشر

يعطيك العافية ذا نيو عاطل
ابغى أسئل عن التايبنغ كم المطلوب فيه للنجاح، كم كلمة في الدقيقة ؟
والاسئلة في مقابلة اللي هي عرف عن نفسك و مهاراتك هل كانت ب E ؟

هلا أختي،،

ما اختبرت سرعة الطباعة لأنه مو مطلوب في تخصصي أنا مجرد اختبرت اللغة الانجليزية وعملت المقابلة، لكن بحثت في عدة مواقع وردود إن شاء الله تجدين اللي يفيدك:



1- الاقتباس من رد كان بتاريخ 15-4-2011 من عضوة في أحد المنتديات أثق جدا بكلامها لكن تاريخ الرد قديم فلا أعلم إذا صار فيه تجديد للشروط بعدها:

اذا قصدك كم لازم تجيب في الاختبار فهو 25 كلمه للانجلش في الدقيقه
و30 كلمه بالعربي ..

2- الاقتباس من رد كان بتاريخ 16-4-2011:

بالنسبه للي سألوا عن اختبار الطباعه
بيعطونك برنامج في الكمبيوتر مخزن عندهم وتسوين نسخ مثل برنامج مدرب الطباعه يعطونك في العربي كلمات تحت بعض والسرعه المطلوبه 25 كلمه في الدقيقه مدة الطباعه دقيقتين بس وبعدين يقفل من حاله
اما الانجليزي بيعطونك قطعه والسرعه المطلوبه 30 كلمه في الدقيقه وبرضوا مدتها دقيقتين وتقفل
انا انصحكم تتدربون على القطعه قبل تروحون تختبرون لانها هي مايغيرونها ابد. اكتبوا في قوقل المقطع هذا ويطلع لكم
It was the last night of the year. It had snowed, and it was very cold outside.

3- الاقتباس من رد كان بتاريخ 29-1-2013:

الوظائف الإدارية لازم تعدين باختبار الطباعة
30 كلمة انجلش ...25 كلمة عربي
امتحانهم يكون على هالبرنامج

http://www.typingmaster.com


والقطعه little match girl
اما القطعة العربي هم ضايفينها على البرنامج
عموما امتحانهم سهل يعطونك فتره تتدربين اسبوع اسبوعين
ووقت الامتحان يخلونك بالغرفه لحد ماتجيب السرعه المطلوبه

هذي الردود الثقة اللي قدرت أحصلها الباقين حسيتهم مو واثقين من إجاباتهم وكانوا يتوقعون، لو تلاحظين بعضهم يقولون 30 للعربي وبعضهم 30 للانقلش.. فحاولي انك ترفعين السرعة باللغتين لـ 30 كلمة بالدقيقة للاحتياط عشان تصير فرصك أكبر بحصولك على الوظيفة، والرقم مو صعب وصوله إن شاء الله إذا حطيتيه براسك وتمرنتي عليه.

بالنسبة لسؤالك عن المقابلة الأصل انها باللغة الانقليزية كاملة خصوصا سؤال التعريف عن النفس والمهارات والأهداف...الخ لأنهم يكونون عارفين درجتك باللغة الانقليزية من ناحية تحريرية لكنهم يبغون يتأكدون من نطقك للغة.. يعني 2 في 1 عشان يسوون معاك مقابلة وبنفس الوقت يتأكدون من لغتك، لكن بعد ما يتعدون الأسئلة المهمة ويتأكدون من اجتيازك في النطق عادي ممكن يحول الكلام عربي ( صار معاي في الأخير حولنا الكلام كله عربي )، ولا تتوترين مثلي في المقابلة ترى المفردات اللي يستخدمونها بسيطة جدا مو معقدة

الله يوفقك

[تاتيا]

لغتي الانجليزية مبتدى
تنصحوني اقدم ووظايفهم النسائية كيف طبيعتها

[ذا نيو عاطل]

المشاركة الأصلية كتبت بواسطة تاتيا

لغتي الانجليزية مبتدى
تنصحوني اقدم ووظايفهم النسائية كيف طبيعتها

سؤالك عام جدا بدون طرح التخصص ولا المؤهل وهل هو طبي أو اداري فبجاوبك بشكل عام أيضا، الحرس يهتمون باللغة الانجليزية بشكل كبير ويحتاج انك تجتازين اختبار اللغة وكل مؤهل وتخصص له درجة معينة، لكن مثلا لو قلنا المطلوب منك تجيبين 65 وناخذ مستوى لغتك كمقياس من 1 إلى 10، لازم يكون مستواك ما بين 4-6 حتى يكون عندك (احتمال) تجتازينه، بالنسبة لطبيعة العمل مختلط والوظائف النسائية حسب التخصص طبعا

[بين البشر]

المشاركة الأصلية كتبت بواسطة ذا نيو عاطل

هلا أختي،،

ما اختبرت سرعة الطباعة لأنه مو مطلوب في تخصصي أنا مجرد اختبرت اللغة الانجليزية وعملت المقابلة، لكن بحثت في عدة مواقع وردود إن شاء الله تجدين اللي يفيدك:



1- الاقتباس من رد كان بتاريخ 15-4-2011 من عضوة في أحد المنتديات أثق جدا بكلامها لكن تاريخ الرد قديم فلا أعلم إذا صار فيه تجديد للشروط بعدها:




2- الاقتباس من رد كان بتاريخ 16-4-2011:




3- الاقتباس من رد كان بتاريخ 29-1-2013:



هذي الردود الثقة اللي قدرت أحصلها الباقين حسيتهم مو واثقين من إجاباتهم وكانوا يتوقعون، لو تلاحظين بعضهم يقولون 30 للعربي وبعضهم 30 للانقلش.. فحاولي انك ترفعين السرعة باللغتين لـ 30 كلمة بالدقيقة للاحتياط عشان تصير فرصك أكبر بحصولك على الوظيفة، والرقم مو صعب وصوله إن شاء الله إذا حطيتيه براسك وتمرنتي عليه.

بالنسبة لسؤالك عن المقابلة الأصل انها باللغة الانقليزية كاملة خصوصا سؤال التعريف عن النفس والمهارات والأهداف...الخ لأنهم يكونون عارفين درجتك باللغة الانقليزية من ناحية تحريرية لكنهم يبغون يتأكدون من نطقك للغة.. يعني 2 في 1 عشان يسوون معاك مقابلة وبنفس الوقت يتأكدون من لغتك، لكن بعد ما يتعدون الأسئلة المهمة ويتأكدون من اجتيازك في النطق عادي ممكن يحول الكلام عربي ( صار معاي في الأخير حولنا الكلام كله عربي )، ولا تتوترين مثلي في المقابلة ترى المفردات اللي يستخدمونها بسيطة جدا مو معقدة

الله يوفقك

مشكور اخوي ع هالمعلومات ماقصرت
وان شاء الله يتغير اسمك الى موظف وفالك التوفيق و الوظيفة
بالنسبة للتوتر فهو ملازمني في كل مقابلة مخرب ع كل شيء