إلى متى !!!!

[قهرررر]

السلام عليكم ورحمه الله وبركاته

أخواني انا ظاقت فيني الدنيا وانا ابحث عن وظيفه والله راسي صار نصه شيب حسبي الله من كان السبب كل شوي تفكير بهالوظيفه صراحه ملللت ابي اتزووج ابي سياره مابغى الحرام ابي احس ان وقتي منظم ايام كانت معاي الثانويه كل ماقدم ومأنقبل يقولون كمل الجامعه والله كل وظيفه تقول حياك الله هذا حنا كملنا وماحصلنا شيء صار كله كذب*كذب والله قادرين يوظفون كل عاطل لكن ماقول الا عسا من كان السبب جعله لمرض يهد حيله

[بيل جيت س]

في تقديم بالعسكرية قدم والله يرزقك يارب

[عادل العيسى]

وين ساكن وان شاءالله نتساعد بالحصول على وظيفة مناسبة

[فوضت أمري إليك]

صادق كلامك في الصميم نفس معاناة اخوي حسبي الله ونعم الوكيل على كل من لديه قدره يوظف الشباب ولايوظفهم

[سسساري]

أنا صار لي شي يقهر هذا ملف الولد وينه يجيكم إن شاء الله يوم جيت أقدم على البلدية

ومره مشوار 1000 كيلوا على مسابقة وظيفة طبعا تشغيل ذاتي ههههههه شغالين واسطة

مدير التشغيل دق عليه واحد يعرفة قال عندكم وظيفة صيدلة قال أسف الوظيفة حجزت هههه

ومره مسابقة وظيفة بالرياض مستشفى جنوب الرياص الزبدة المراقب يطلع ويروح مخليهم على راحتهم

وطبعا فيه واحد جاي من الباحه قال أظاهر أننا ديكور وخلص الأختبار وأخذوا الأوراق وندق عليكم

وبعد رجعتي للديرة أستفسرت عن طريق واحد يعرف واحد بالمستشفى وش صار على الوظائف

أنصدمت ؟ قال هذولا اللي أختبرو ديكور والوظائف من زمان متوظفين علشان إذا صار فيه مسائلة

مايتوهقون ...

وأخر شي خلاص بعدها تبت أسافر بعد هالكلام رحت بلدية بقعاء قال واحد جالس عن شؤن الموظفين

بدون واسطة ماتتوظف ؟؟

سميت الوظائف الحكوميه = وظائف الأقارب والواسطات فقط ..

[زرقا اليمامة]

يااخي اسعى ودورلك عمل حر مو لازم وضيفة
كنت قبل مثلك افكر وماسعيت حاطه يدي على خدي واشوف الناس من حولي تحسنت اوضاعهم وانا على حالي
وفي يوم من الايام وانا نايمة سمعت هاتف يقول لي
بعد ماناداني باسمي اسعي لرزقك السماء لاتمطر ذهب ولافضة
معناته الرزق مكتوب لنا لكن احنا مشكلتنا مانسعى
وهذي انا سعيت ومتوكله على رب العالمين
والله كريم

[جسد بلا قلب]

الله كريم

[آططخم حدا]

الله كريم بيجي يوم لاينفع لا مال ولا بنون
والي اسعد نفسه بمال الحرام ولاكن قد كرسيه
راح يتحاسب ويلعن اليوم الي مد يده للحرام !!!
ستندمون يامن جعلتونا نتألم ونمرض كل ما اتمنى من المولى عزوجل
ان ينتقم منهم اشد انتقام

[محمد الحربيِ]

لا تتعب نفسك بشيء ما يسوى كلنا تعبنا وعانينا ولا زلنا نعاني لكن الله معانا والحال ع ما قالوا من بعضه وتمر الايام وتسعى للرزق لكن الله المستعان من الحاله ويوم ضايق الصدر ويوم عادي وتستمر المعاناة حتى يقضي الله امرا كان مفعولا فلا تقنط ابداااااااااااااااااااااااا

المجتمع باختصار ينطبق عليه الا ما رحم الله اللي يده بالماء ماهو مثل من يده بالنار )
حتى وصل الامر الى نفسي نفسي ولا احد بيفكر بأحد

وصدقني الشيب الان صار بروس الشباب عادي ولا زالت الهوايل تتدفق عليهم والله يصلح حالنا وحال المسلمين جميعا .

[الشقراوي الحزين]

حسبي الله ونعم الوكيل
حسبي الله ونعم الوكيل
حسبي الله ونعم الوكيل

الى يوم الحساب على من كان السبب