قد تقع في هذا الخطأ وانت ما تدري

[محب حافز]

هناك خطأ قد يقع فيه البعض بدون ان يدري ولا ينتبه للخطا الذي وقع فيه ويقول ليش ما اقدر ادخل على صفحتي . وليش الموقع يقلي بيناتي غلط وانا متاكد منها . لانه فيه اثنين من الشباب راسلني على الخاص ووجدت انهم وقعو في هذا الغلط ولا انتهبو له . فقلت انبه الاخرين .

بعد ما تسجل في موقع طاقات وكل شي وامورك فل الفل وزي اللوز تجي تسوي دخول للموقع باسم المستخدم وكلمة المرور اللي انتي مسويها فما يقبل معك وتستغرب . ولحل هذه المشكله الخطيره

فكل اللي عليك انك تتاكد هل انت على صفحة الباحث عن عمل ام على صفحة صاحب عمل .... بس


اضغط تصفح كباحث عن عمل


او تصفح كصاحب عمل





لان الموقع يتغير من تلقاء نفسه .

ما قلت لكم مشكله خطيره .. صح ؟؟؟ هههههه

[عمرتي الغربية]

مشكور على الموضوع يامحب حافز

يارجل واضح الفرق مثل الشمس ... صراحه تعبت نفسك

[عبدالله الرسلاني]

.


ملاحظه حلوه ان شاء الله الاعضاء ينتبهون لها ...


.

[فرافيرو]

المشاركة الأصلية كتبت بواسطة عمرتي الغربية

مشكور على الموضوع يامحب حافز

يارجل واضح الفرق مثل الشمس ... صراحه تعبت نفسك

ياليتك سكت ترا فيه ناس كثيرة توقع في هذا الخطأ وإذا ماستفدت غير يستفيد من هذا التوضيح

[فجر العطاء]

والله تعبنا وحنا نحاول نسجل في الخطوه الاول ويقول خطا لي اربع اسابيع وكل الجهود بات في الفشل في موقهم الفاشل ..
الا عندك واسطه عجل ليش مصعبهنا مايريدون احد يسجل

[كومة أعمال]

مشكور أخوي الله يعطيك العافيه

أنا قبل شوي حبيت أدخل على صفحتي حابه أشوف هل فيه مهام لي نزلت و سجلت دخول عادي لكن إذا ضغطت على مهامي يجي الموقع يطلعني للصفحة الرئيسية غصب ! و أضطر أرجع أسوي دخول و على هالحال !

ليش ما أدري ؟

طيب أنا لسى ما نزل لي و لا تدريب و لا واجبات لا شي هل هو عادي و إلا كيف ؟


الله يسعدكم أنتظر منكم الرد في توجيهي و لكم فائق التقدير ..

[محب حافز]

اشكركم جميعا على مروركم الكريم وعلى ردودكم المميزه والمشجعه .

عزيزي عمرتي الغربية . ما زعلني ردك وكنت ابرد عليك من اول بس الاخوان ردو ووصلو لك ما اريد الوصول اليه وهو اذا انت تعرف . يمكن فيه غيرك ما يعرف . انا من ظمن الناس اللي في البدايه صراحه ما عرفت الين حاولت مره ومرتين وعرفت . والشي الثاني مثل ما قلت لك وصلتني رسالتين على الخاص . يعني .... كيف الحال ؟!!!

كومة أعمال .. طيب حاول تغير المتصفح لانه من المقروض اذا ضغطت على مهامي يوصلك للصفحه اللي فيها المهام وتشوف هل فيه شي او لا . وطبعا في الوقت الحالي اغلب الناس او تقريبا الكل ما عندهم اي مهام لان الموقع لسه ما اشتغل بشكل كامل . حتى التخديث الاسبوعي ليس إلزامي مع اخذ الحيطه والخذر لان ما لهم امان

[عمرتي الغربية]

ههههههه مجرد رأي حبيت أطرحه

على العموم بيض الله وجهك وكثرالله من أمثالك

[كومة أعمال]

جزاكم الله خير أخوي على الرد الطيب ..

[سيبوني اعيط]

انا مشكلتي لين جيت بدخل يقولي الهويه غلط وانا متأكد مليون بالميه صحيحه ؟؟