اصحاب المخ التجاري تعالو شوي

[رحيل تبوك]

السلام عليكم ورحمة الله وبركاته

ببتدي بموضوعي على طول انا خريجة انجلش طبعا مشكلتنا احنا البنات ماكو وظايف بالساهل والحمدلله سعيت ودورت من هنا وهنا ومالقيت

كنت اقلب الانستقرام فماشاءالله شفت كذا وحده شابه عندهم مشاريع

وجاني حماس ابغى اسوي مشروع بس مو بعارفه شنو حبيت فكرة كوش وتزيين الطاولات لكن حسيت يبيلها مبلغ جامد وانا مبدأيا ماديتي على قدي

ايش يجي ببالكم اسوي مشروع اعطوني مقترحاتكم ؟؟؟؟
وكمان هل ممكن استفيد من تخصصي بشي لبنات الثانوي او المتوسط ؟؟

غير عمل البحوث لانو شغله يبيلها طواالة بال

[بلاد السند]

الله يوفقك

[reeem22]

مافي شغل مريح وبدون تعب ومايبغاله طولة بال

اذا تبغين زيادة دخلك بدون راس مالك كبير

ممكن تستأجرين قاعه صوتية عن طريق الانترنت وتعطين دورات ودروس انجليزي للبنات بس الامانة مطلوبة لازم تحطين مقرر وطريقة تدريس واختبارات شفهيه وكتابيه وتتابعينهم والمقابل مبلغ رمزي بما انك فرد يعني مو جهة رسميه تعطي شهادة
المستوى خلال شهر مثلا ب 500 ريال
3 مستويات خلال 4 شهور ب 1000 ريال
او دروس تقوية الفصل الدراسي ب 500 مثلا
وهكذا ضعي السعر المناسب لعملك وجودته

[زرقا اليمامة]

اختي الكريمة
من رايي انك تشوفين ميولك شو اللي تحبينه او تبدعين فيه
البنات اللي يبيعون في الاستقرام كل وحده وهوايتها سبحان الله
يعني وحده تبيع مك آب والثانية تبيع مفارش واللحافات وهكذا
هم يهوون هذا النوع من المشاريع
مثلاً اجي انا اقلدهم لاني شفتهم يجنون ارباح كبيرة
لكن مو هوايتي المك آب او تفصيل المفارش ودخلت المشروع تقليد لهم فما اتوقع اني راح استمر
فالواحد لما يملك الهواية ملك الابداع
انا هوايتي بالحلويات والفطاير بصراحه ولما اصنعهم ابدع فيهم واحياناً ابتكر حلويات من عندي
فلو عملت مصنع حلويات اتوقع راح ابدع فيه ولاراح امل منه لانه هوايتي
وانتي شوفي ميولك وهوايتك في ايش وابدئي فيه
وتري اذا ابحرتي في عالم التجارة راح تواجهين ناس غثيثين طلباتهم ترفع الضغط راح يعيفونك بالشغله
فلازم تصبرين غير كذا راح تهاتفين مجموعه من الرجال هذا مورد وهذا مندوب وهذا يوصل الطلبات والله يكون بعونك
وعذراً على الاطالة وعسى الله ييسر امرك ويوفقك قادر ياكريم

[عدناان]

الله يوفقك..

[مهند السعودية]

وعليكم السلام ورحمة الله وبركاته

الله يوفقك يارب

كيف مستواك بالإنجليزي يعني في الترجمة مثلاً هل يعتمد عليك أو وسط؟

وكيفك بالحسابات واستخدام الكمبيوتر

[مهندس راايق]

[align=center]

ممكن انك تطلعي ترخيص لـ اكاديمية الكترونية او مركز تدريب الكتروني وتكون معتمدة وتشغلي معك بعض زميلاتك وتسوي موقع خاص وتحطي فيه مكان للإعلانات وكذا
والدروس تكون عن بعد ويكون للنساء فقط او للنساء والرجال اما الاسعار اللي ذكرتها الأخت reeem22 مبالغ فيها شوي

فيه مثل اكاديمية ابو عمر المستوي يطلع مابين150 الى 250

ممكن تشتغلي في تخصصك وممكن تشطحي وتبدعي اكثر
الخيار لكِ >> والله يوفقك ..
[/align]

[رحيل تبوك]

يعطيكم العافيه كل من اشار علي بفكره او رد علي

و على فكره انا اشتغلت مدربه في معهد لكن للاسف ماستمريت تعامل الاداره مو بذاك الزود وغير الخصميات ومارضو ادخل بالتأمينات الا لما اخذ فترتين فاستخرت وتركتها المهم انو عندي خبره بالمستويين الاول والثاني لكن فكرة التدريب الكتروني يبيلها دراسه وخلفيه اكثر

يعطيكم العافيه يارب

[نخيل لا تنحني]

بما ان تخصصك انجليزي فأكيد لغتك متقدمة أنصحك تكونين وسيطة للشراء عبر الانترنت تشترين للناس من المواقع الأجنبية عن طريق الانترنت وكل طلب تأخذين عليه مبلغ معين وادخلي منتدى البوابة الرقمية واستفيدي من خبرة الوسطاء هناك واسعارهم على كل طلب

أو تشتغلين مسوقة في البداية حتى تعرفين السوق ثم تنطلقين

وفيه اقتراح ثالث لكن يعتمد على علاقاتك في الواقع .. هل عندك علاقات اجتماعية واسعة ؟ وقدرة على بيع سلعة مطلوبة ؟

اذا عندك انا اعرف واحد عنده سلعة ممتازة ممكن اكلمه لك يتعاون معك وأنا أضمنه لك.

[ملامح المكنون]

انا قريت كلامك بس ,, باقي الردود ما قريتها
المهم افضل شي لك مدامك بنت
خليك في بيتك وترجمي
الورقه الوحده ترجمه فيها مبلغ كويس 50 - 70 تقريباٌ
والترجمة المعتمدة الورقة الوحده ب100 تقريبا
فما بالك تترجمين بالاسبوع 10 اوراق كاقل عدد
لك بالشهر من 2000 - 2800 وانتي تاكيه بالبيت
وافتحي بالنت لك حسابات بمواقع التواصل الاجتماعي
وانشري انك تترجمين وتجارب كم شخص ترجم عندك
او عندك حل ثاني اذا متوفره عندك مبلغ مالي كوويس
افتحي لك مكتبة وقسم تصوير وقسم للترجمة
وربي يفتح لك ابواب الخيرر