برامج تدريب أخصائي المختبرات الطبية في الحرس الوطني

[بيوكيميستري]

^^

البرنامج فيه مشكلتين، الأولى وهي الرسوم وللأسف الجامعات الأهلية عندنا رسوم الماجستير فيها مبالغ فيها جدا وتصل الى 100 ألف تقريبا سنويا وسعر البرنامج هذا يكلف 200 ألف على سنتين حسب موقعهم، وهو صعب جدا الا الي ربي مسهلها عليه ماليا أو أن الوزارة تلحقه بالابتعاث الداخلي بس لازم يدرس بداية على حسابه،

المشكلة الثانية وهي الأهم أن وزارة الصحة مثلا ما راح تعترف بخريج بكالوريوس علوم وماجستير علوم طبية، وحتى مراكز الأبحاث عندنا قليلة جدا للآن في المجالات العلمية، والمشكلة الأكبر أن الجامعات ترفض تعيين محاضرين اذا كان الماجستير مختلف عن البكالوريوس، لذلك أنصح الي ينوي دراسة ماجستير أن التخصص يكون امتداد لتخصص البكالوريوس، يعني اذا عندك بكالوريوس علوم من الأفضل يكون الماجستير في العلوم ايضا

واذا في أحد عنده المبلغ هذا الأفضل يسافر برى ويدرسها أفضل من الجامعات الأهلية هنا الي هدفها مادي جدا خصوصا بعد ما أصبحت الوزارة تدفع الرسوم عن غالبية الطلبة،

أنا الحمد لله خلصت ماجستير في العلوم من نيوزلندا قبل 3 شهور تقريبا، رحت على حسابي وماكلفني 50 ألف وانضميت للبعثة مع أن معدلي في البكالوريوس نازل بس الالحاق بالبعثة مافيه شروط للمعدل تقريبا عكس التقديم على الابتعاث من هنا

[كهرمان النور]

هذا البرنامج للي مايقدرون يسافرون .... وبالنسبه للوظيفه انا شخصيا اعرف وحده تشتغل فالحرس فوظيفه صحيه معها بكالوريوس من جامعة سعود تخصص كيمياء عامه وليس حيوي و كملت دراسه كيمياء حيويه سريريه من فروع العلوم الطبيه والهيئه صنفتها اخصائي حتى عشان اتأكد اتصلت على الهيئه وسألتهم انا تخصصي أحياء دقيقه قالت لي الموظفه لو كملتي ماستر احياء دقيقه طبيه على طول تتصنفين اخصائي اما لو كملتي ماستر علوم احياء دقيقه لازم تدربين سنه فالمستشفى بعدين تتصنفين اخصائيه وبالنسبه لهالبرنامج من ضمن المنح الداخليه للي مايقدر يدفع ياخذون فقط على اول سمستر والباقي مجاني هذا للبكالوريوس اما للماستر 100٪ داخل المنحه ... اما بالنسبه لي افضل اخذ التدريب اول بعدين اكمل الماستر انشالله عشان اقلها يكون عندي الخبره وراح تفيدني حتى في الدراسه ... دكتورة درستني بالجامعه معها بكالوريوس احياء دقيقة علوم وماستر احياء دقيقة بعد علوم ودكتوراه احياء دقيقة طبية وهي الحين تشتغل فالتخصصي فالمختب وبعد تدرس بالجامعه اهو المشكله اللي عندهم اهم شي ان الشخص يكون معه تدريب سنه فالمستشفى وتصنيف .... وعلى العموم انا حطيت الإعلان للإفاده شهادة جامعة الفيصل جدا قويه ومعترفه

[كهرمان النور]

بالنسبه لخريجين برنامج الإبتعاث حاليا فيه استقطاب مبتعثين في جامعة العلوم الصحيه تبع الحرس الوطني لكافة التخصصات العلميه و الصحيه خريجي الماستر و PHD ومفتوح التقديم عليه طول السنه للوظائف الأكاديميه اما بالنسبه لإمتداد التخصص الأفضل اذا كان الشخص يبي يشتغل في قطاع صحي يكمل الماستر صحي حتى لو خريج علوم لأن بالعكس هالشيء يرفعه اكثر من العكس يكون خريج صحي ويكمل علوم او اداره لكن اذا يبي قطاع بحثي او اكاديمي يكمل على نفس تخصصه ... مع ان لو كمل صحي له الأفضليه في كل الحالتين الأكاديمي والصحي وهذا كله شفته من اللي كانوا يدرسونا فالجامعه في سيرهم الذاتيه البكالوريوس تخصص والماستر تخصص ثاني وحتى فيه ماستر برضوا فالحرس مجاني وشهادته قويه تبع جامعة العلوم الصحيه ويقبلون خريجين العلوم مع انهم مو ذاكرين شيء فالموقع لكن د. سميرة اللي صلحت لي المقايله على برنامج اخصائي مختبرات قالت لي نقب لكن شرطهم انه يكون اشتغل في القطاع الصحي سنه على الأقل ومعه درجة التوفل ورخصه وتخصصاتهم ماستر صحه عامه و معلوماتيه صحيه واخلاقيات حيويه والجوده الصحيه ...

[بيوكيميستري]

المشاركة الأصلية كتبت بواسطة كهرمان النور

هذا البرنامج للي مايقدرون يسافرون .... وبالنسبه للوظيفه انا شخصيا اعرف وحده تشتغل فالحرس فوظيفه صحيه معها بكالوريوس من جامعة سعود تخصص كيمياء عامه وليس حيوي و كملت دراسه كيمياء حيويه سريريه من فروع العلوم الطبيه والهيئه صنفتها اخصائي حتى عشان اتأكد اتصلت على الهيئه وسألتهم انا تخصصي أحياء دقيقه قالت لي الموظفه لو كملتي ماستر احياء دقيقه طبيه على طول تتصنفين اخصائي اما لو كملتي ماستر علوم احياء دقيقه لازم تدربين سنه فالمستشفى بعدين تتصنفين اخصائيه وبالنسبه لهالبرنامج من ضمن المنح الداخليه للي مايقدر يدفع ياخذون فقط على اول سمستر والباقي مجاني هذا للبكالوريوس اما للماستر 100٪ داخل المنحه ... اما بالنسبه لي افضل اخذ التدريب اول بعدين اكمل الماستر انشالله عشان اقلها يكون عندي الخبره وراح تفيدني حتى في الدراسه ... دكتورة درستني بالجامعه معها بكالوريوس احياء دقيقة علوم وماستر احياء دقيقة بعد علوم ودكتوراه احياء دقيقة طبية وهي الحين تشتغل فالتخصصي فالمختب وبعد تدرس بالجامعه اهو المشكله اللي عندهم اهم شي ان الشخص يكون معه تدريب سنه فالمستشفى وتصنيف .... وعلى العموم انا حطيت الإعلان للإفاده شهادة جامعة الفيصل جدا قويه ومعترفه

بالنسبة لماجستير العلوم في الكيمياء الحيوية أو الأحياء الدقيقة اذا كان امتداد للبكالوريوس يصنف على أخصائي وبدون خبرة وهذا الشي أكيد لأنهم حددوا لي موعد اختبار أخصائي مختبرات كيمياء حيوية وراح ادخله قريبا ان شاء الله، أهم شي الواحد يتأكد قبل الدراسة من التصنيف اذا كان يرغب في العمل في المجال الصحي لأن كلامهم احيانا يتغير من موظف لموظف، والله يجزاك خير على الاعلان وان شاء الله يستفيد منه الي له رغبة في الدراسة خصوصا اذا كان فيها منحة اكيد فرصة

[كهرمان النور]

بالتوفيق للجميع يارب ....

[باحث عن مشرووع]

جزاك الله خير

[نورماا]

اي خبر؟
صار لي يومين ادق عليهم والخط يشبك ويفصل!

[بيوكيمست]

السلام عليكم ورحمة الله وبركاته..
ياجماعة احد عنده خبر اعلنوا المقبولين ولا للحين؟ احد جاه مسج شي.. طولوها بزيادة

[بيوكيميستري]

تأخروا صحيح في الاعلان وأعتقد بأن غلطتهم فتح التقديم قبل 6 أشهر من بداية الدورة خصوصا أن موضوع التقديم ماياخذ شهر واحد من اختبار انجليزي ومقابلة شخصية

تبقى 4 أسابيع بالضبط على بداية الدورة فمن المفترض بأنهم راح يتصلون بالمقبولين خلال الأسبوعين القادمة، الي يوصل له اي اتصال أو خبر يعطينا علم هنا والله يوفقك الجميع

[بيوكيميستري]

http://www.ngha.med.sa/Arabic/MediaC...014-8-7_4.aspx

تقرير عن المختبر الجديد في المستشفى، لم يكتب موعد افتتاحه لكن نتمنى أن يكون قريب لزيادة عدد المقبولين في البرنامج