يا اخوان انا انفصلت من عملي غياب عطوني الحل الله يفرج همك!

[مفصول عسكري]

السلام عليكم ورحمة الله وبركاته

انا عسكري فالامن العام وانفصلت بسبب غياب ويعلم الله انها بضروف صعبة مدة الغياب 30 يوم كلمني مرجعي مرتين بس يبلغني انهم يسجلون علي محاضر غياب وكملت مدة الفصل ويشهد علي ربي اني وقتها في ضروف حرجه وصعبه وبعدها بشهرين نزل قرار فصلي وتوهقت قلت ابي ارجع لهم وحاولت وخصوصا علي مطالبات ماليه من بنك الاهلي وما اقدر اعدل مهنتي الا لين اسددهم وانا ماعندي والله والي سنتين اراجع ورا رجوعي ومافي فايده قدمت برقيات لصاحب السمو ولي العهد ومافادت واغلبها تضيع مدري وين تروح كلمت حاولت اتوسط مالقيت اي فايدة وانا اللحين معلق لا رجعت لوضيفتي ولا رحت ادور وضيفة بسسب دين البنك والي امر وادهاء البنك مشتكيني اللحين ويبغون اسدد دينهم ويشهد الله ماقدر كيف اسوي ي اخوان الي يعرف وش اسوي وش الحل يفزع لي الله يفرج همه ويسر امره والي عنده واسطه تكفون لاتبخلون علي الله يسر اموركم ويفرج كروبكم

[بنتن طموحة]

الله يكون بعونك الدنيا ماهي منصفه اعرف شخص بقطاع الداخليه غيابه بالشهور ويمكن مداوم 14 يوم بالسنه فقط او اقل وياخذ اجازاته كامله ويسافر برااا ويستانس وراتب كامل ينزله اواه نصفه الله يعلم لانه عنده واسطه بااداراته ومحد يرفع فيه خطاب ولا محضر غياب وكله عشان عنده الدسك برقبه تعبان فيها بس هذا لايعيق عمله حسبي الله ونعم الوكيل

[فارس اليوبي]

مالك غير الله وثم مكتب حقوق الانسان الله يفرج همك

[نايف بن فيصل]

المشاركة الأصلية كتبت بواسطة فارس اليوبي

مالك غير الله وثم مكتب حقوق الانسان الله يفرج همك

وش دخل مكتب حقوق الانسان الرجال غايب عن عمله وخالف الانظمة والله لو يروح عند بان كي مون ماينفعه

يالحبيب ماعندك الا انك تحاول في الضباط اللي مكان عملك ولا روح بنفسك لوزارة الداخليه وترى معاهم حق لو ماقبلوا يرجعونك انت خالفت النظام والنظام مايعرف ظروف وهالكلام عندك عذر رسمي مثلا مرض لا سمح الله قدمه وبيرجعونك بالراحه اما انك تغيب وتقول ظروف بدون دليل من اللحين اقلك لاتعب نفسك وترجع

ومثل ما قلت لك حاول بالضابط اللي مرجعك عنده هو الحل الاول عنده ويمكن اسهل والله يوفقك يارب لما فيه خير لك


ويرزقنا بالوظيفه عاجلا غير اجل لو اني بمكانك قسم بالله لو ايش ما صار ما اغيب هذي وظيفه ياخوك اللحين صعب الواحد يحصل وظيفه لكن حيل الله اقوى

[مفصول عسكري]

المشاركة الأصلية كتبت بواسطة نايف بن فيصل

وش دخل مكتب حقوق الانسان الرجال غايب عن عمله وخالف الانظمة والله لو يروح عند بان كي مون ماينفعه

يالحبيب ماعندك الا انك تحاول في الضباط اللي مكان عملك ولا روح بنفسك لوزارة الداخليه وترى معاهم حق لو ماقبلوا يرجعونك انت خالفت النظام والنظام مايعرف ظروف وهالكلام عندك عذر رسمي مثلا مرض لا سمح الله قدمه وبيرجعونك بالراحه اما انك تغيب وتقول ظروف بدون دليل من اللحين اقلك لاتعب نفسك وترجع

ومثل ما قلت لك حاول بالضابط اللي مرجعك عنده هو الحل الاول عنده ويمكن اسهل والله يوفقك يارب لما فيه خير لك


ويرزقنا بالوظيفه عاجلا غير اجل لو اني بمكانك قسم بالله لو ايش ما صار ما اغيب هذي وظيفه ياخوك اللحين صعب الواحد يحصل وظيفه لكن حيل الله اقوى

اخوي مديري السابق يقول ماعندي اصلاحيه وشرطة المنطقة نفس الكلام تقول ماعندنا صلاحية والله العظيم جاي من عندهم الاسبوع الي طاف والامن العام فالرياض رحت لهم وقالو رح ارفع من مقر عملك كل واحد يدفها للثاني وبالنسبة للغياب الناس وانا اخوك لها ضروف وقل اللهم لك الحمد والله لايحطك في محلي وانا اخوك احيان يصير للواحد شي ما كان متوقعه لاكن الشكوى لله

مشكورين الاخوان الي تفاعلو والله يسر لنا ولكم كل خير ويريح قلوب من انهكها التمني تحياتي لكم

[xغفوة حلمx]

المشاركة الأصلية كتبت بواسطة مفصول عسكري

اخوي مديري السابق يقول ماعندي اصلاحيه وشرطة المنطقة نفس الكلام تقول ماعندنا صلاحية والله العظيم جاي من عندهم الاسبوع الي طاف والامن العام فالرياض رحت لهم وقالو رح ارفع من مقر عملك كل واحد يدفها للثاني وبالنسبة للغياب الناس وانا اخوك لها ضروف وقل اللهم لك الحمد والله لايحطك في محلي وانا اخوك احيان يصير للواحد شي ما كان متوقعه لاكن الشكوى لله

مشكورين الاخوان الي تفاعلو والله يسر لنا ولكم كل خير ويريح قلوب من انهكها التمني تحياتي لكم

آسأل الله ان يفك كربتك ..والله ياليت بيدي شي لاكن لاحيل ولاقوه ..")

لاكن فعلن النظآم انك ..غآيب هنآ المصيبه ومرفوع فيك لاكن لا تكل ولا تمل وادعي ربك يفرج عليك

قالوها الاولين الظروف احكام ..أنشهد انها احكام ...وطبعا مااحد يعرف الظرف غير راعيه ...

صح لو مهما كان ا مافي احد بيترك عمله ويغيب عبآطه

لظروف .تجبرك تترك عملك لن ظرفك قوي ...آعرف واحد كان ..ابوه تعبان ..وعسكري وفصل عشآن ابوه وجآء

عند ابوه والحمدلله الله عوضه خير فتح محل ومآشي زي الالف ...والله يقضي دينكك ...ويسهل آمرك مابيدي غير ادعيلك

[مفصول عسكري]

المشاركة الأصلية كتبت بواسطة xغفوة حلمx

آسأل الله ان يفك كربتك ..والله ياليت بيدي شي لاكن لاحيل ولاقوه ..")

لاكن فعلن النظآم انك ..غآيب هنآ المصيبه ومرفوع فيك لاكن لا تكل ولا تمل وادعي ربك يفرج عليك

قالوها الاولين الظروف احكام ..أنشهد انها احكام ...وطبعا مااحد يعرف الظرف غير راعيه ...

صح لو مهما كان ا مافي احد بيترك عمله ويغيب عبآطه

لظروف .تجبرك تترك عملك لن ظرفك قوي ...آعرف واحد كان ..ابوه تعبان ..وعسكري وفصل عشآن ابوه وجآء

عند ابوه والحمدلله الله عوضه خير فتح محل ومآشي زي الالف ...والله يقضي دينكك ...ويسهل آمرك مابيدي غير ادعيلك

الله يسعدك مثل ما اسعتدني بدعواتك سعادة فالدنيا والاخره والله يسر امري وامور المسلمين اجمعين

[شايب للقهوة]

اخوي انا اقدر ظروفك ومن كتابتك واضح انك صادق ونادم الله يفرجها عليك ولكن انت خالفت النظام والنظام وضع للجميع

ولا اتوقع ترجع لوظيفتك الا بأمر رفيع المستوى او واسطه والضباط معروفين دائم يمرمطون الي يبغى يرجع لوظيفته لين يطفش ولا يراجعهم يعني مسألة تطفيش

ولكن اهم نقطه هي نفسيتك لاتخسرها
نفسيتك تسوى الأمن العام وتسوى جميع الوظائف
وترا الحياة ماتوقف على وظيفة ...


الحل اجباري عليك من الأن تتجه للعمل الحر او القطاع الخاص لأن عليك مطالبات مالية وحق للناس سنتين من عمرك راحت بالهوا والسنة الثالثة لاتروح زي الي قبل !!


اسأل الله يرزقك من حيث لاتحتسب

[مفصول عسكري]

المشاركة الأصلية كتبت بواسطة شايب للقهوة

اخوي انا اقدر ظروفك ومن كتابتك واضح انك صادق ونادم الله يفرجها عليك ولكن انت خالفت النظام والنظام وضع للجميع

ولا اتوقع ترجع لوظيفتك الا بأمر رفيع المستوى او واسطه والضباط معروفين دائم يمرمطون الي يبغى يرجع لوظيفته لين يطفش ولا يراجعهم يعني مسألة تطفيش

ولكن اهم نقطه هي نفسيتك لاتخسرها
نفسيتك تسوى الأمن العام وتسوى جميع الوظائف
وترا الحياة ماتوقف على وظيفة ...


الحل اجباري عليك من الأن تتجه للعمل الحر او القطاع الخاص لأن عليك مطالبات مالية وحق للناس سنتين من عمرك راحت بالهوا والسنة الثالثة لاتروح زي الي قبل !!


اسأل الله يرزقك من حيث لاتحتسب

الله يسعدك ويوفقك كلامك محفز والله يرحم والديك اما العمل فالقطاع الخاص مايوضفوني وانا مهنتي ماعدلته للحين عسكري بس ربك كريم


ادعي لي ان الله يفرج همي وكل من يقرا ادعو لي في ظهر الغيب والله اني محتاج لدعاكم ربي يسعدكم ويبارك فيكم

[مخااوي االذيب]

الله يعينك اخوي نفس وضعك بالجوازات مفصول له 8 سنوات حاول و حاول يرجع ما قدر قال ما يرجعك الا وزير الداخليه بس مهنته عدلها الزبده توظف قبل 6 أشهر و بنك الراجحي وقف خدماته لأن عليه مديونية حتى راتبه ما يقدر يسحبه مالك الا تدخل على الوزير أو تعرف أحد من أخويا الأمير محمد بن نايف هذا أخوي يحاول و الله ييسر أمره و أمرك