الخطا مني ولا من الحرس الوطني ؟؟؟ افيدوني !

[احمد مقبل شليان]

السلام عليكم ياشباب
انا عندي مشكله والى هي كل ما اقدم على الحرس الوطني مايقبلني !! في اخد زيي ؟
لان طولي 175 ووزني 76 ونسبتي 81.88 والقدرات 77 والتحصيلي 54
وانا محتار من هالشي قدمة مع التقديمات شهر 8 الى بجده وماقبلوني وشكيت في نفسي اني دخلت معلومات غلط وقدمة على المنطقة الشرقيه عن واحد حق تسجيلات حكوميه وسجلني وللحين ماقبلوني !! في ناس اعرفهم اقصر مني قبلوهم

العذر والسموحه على الاطاله بس بحيره من امري

[نااصر الحربي]

هههههههههههههههههه حرف الواو ي حبيبي

[الهلالي ريان]

لا حرف واو ولا شي كل واحد ياخذ رزقه انا مخلص ثانويه 1430 وكل تقديمات الحرس قدمت عليها وماانقبلت ولا مره مع ان الوالد عسكري بالحرس وهالمره تقديم الدبلومات والجامعات قدمت عليه وقبلوني بدون واسطه وبدون شي والحمد لله خلصت كل اوراقي وبانتظار الدوره

المهم حبيبي اذا عندك دبلوم او بكالوريوس روح لهم التجنيد بالرياض مبنى 21 فورا يقبلوك
اما اذا عندك ثانويه فاانتظر رزقك لين يجيك قبول مبدئي
والله يوفقك

[الهلالي ريان]

بس انا شايف طولك مره كويس ماشاء الله نصيحه اتجه للامن العام

ومحد ياخذ الا نصيبه

[الوحده افضل]

المشاركة الأصلية كتبت بواسطة احمد مقبل شليان

السلام عليكم ياشباب
انا عندي مشكله والى هي كل ما اقدم على الحرس الوطني مايقبلني !! في اخد زيي ؟
لان طولي 175 ووزني 76 ونسبتي 81.88 والقدرات 77 والتحصيلي 54
وانا محتار من هالشي قدمة مع التقديمات شهر 8 الى بجده وماقبلوني وشكيت في نفسي اني دخلت معلومات غلط وقدمة على المنطقة الشرقيه عن واحد حق تسجيلات حكوميه وسجلني وللحين ماقبلوني !! في ناس اعرفهم اقصر مني قبلوهم

العذر والسموحه على الاطاله بس بحيره من امري

وعليكم السلام

والله ونا اخوك الحرس الوطني وسطه واللي يقول بدون واسطة وهو يعرف كيف طلع نهائي
اعرف ناس نسبهم في 97 علمي وطول أجسام عسكرية صح ولا طلعوا حتى مبدئي

اذا تبي قطاعات بدون واسطه كل القطاعات ماعدا الحرس الوطني

والله يوفقك ويسعدك ♥♥

[الهلالي ريان]

هذي حجة ضعيف الايمان وش تبغى من العباد اذا كان رب العباد معاك

[نااصر الحربي]

المشاركة الأصلية كتبت بواسطة الهلالي ريان

لا حرف واو ولا شي كل واحد ياخذ رزقه انا مخلص ثانويه 1430 وكل تقديمات الحرس قدمت عليها وماانقبلت ولا مره مع ان الوالد عسكري بالحرس وهالمره تقديم الدبلومات والجامعات قدمت عليه وقبلوني بدون واسطه وبدون شي والحمد لله خلصت كل اوراقي وبانتظار الدوره

المهم حبيبي اذا عندك دبلوم او بكالوريوس روح لهم التجنيد بالرياض مبنى 21 فورا يقبلوك
اما اذا عندك ثانويه فاانتظر رزقك لين يجيك قبول مبدئي
والله يوفقك

الثانويه معروفة ماتمشي الا بالواسطة .

[تعنيننا]

نصيحه اخ لاخوه
انا كنت زيك كل ما اقدم مافي قبول جلست سنتين وعرفت ان ما بينفعني الا شهادتي
ودرست حاسب 6 شهور والحمد لله يعني اقدر اقلك من بين كل 5 تقديمات انقبل مرتين وفكرت ادخل عسكريه لاكن شفتها حرام اني ادخل جندي اول ماهو بتقليل بحقهم لا والله لاكن قلت سنتين وتعلق وكيل رقيب ولااقعد سنتين حتى يمكن ما اعلق عريف حسب الارقام يعني السالفه اختصار الرتبه بالدراسه قلت اكمل دبلوم وبعدها اقدم والحمد لله الحين باقي لي 6 اشهر واتخرج من الكليه
نصيحتي لك الثانويه الحين ما عادت تاكل عيش ادعمها باي شهاده ثاني
وبالتوفيق لك ولكل من شاف ردي

[تفااح]

السلام عليكم يأخذك انا مثلك بس اول مره أقدم ونسبتي 96 وطويل ١٦٨ وزني ٧٠ والحمد لله كل شيء عندي تمام لا كن نقول الله يرزقنا. أحسن منها وبالتوفيق للجميع

[فََهد الشمري]

أتفق مع ناصر الحربي والوحده أفضل..الحرس الوطني متى يكون واسطة!!!
يكون واسطة إذا كان التقديم عبر الأنترنت..الواسطة فيها تكون 99% موجودة..
تقديم الملفات تقبل بدون واسطة بس متى يكون تقديم الملفات واسطة!!!
يكون واسطة إذا حبيت تستعجل بالدورة..يعني عندك واسطة راح تدخل أقرب دورة موجودة..
ما عندك واسطة في تقديم الملفات..يعني لازم تنتظر وتمسك سرا لين يجي دورك وتدخل دورتك..

الحرس الوطني المركز الأول في الواسطااات وأنا شخصياً ويشهد ربي علي إني ما أرغب فيها أبداً
رغم إني أحمل شهادة الثانوية علمي بمعدل ممتاز وطول 173 بس قدمت مرتين عبر النت في الحرس الوطني
من باب الطقطقة قلت ب أشوف يقبلوني بالنت وطلعت مرتين غير مقبول مبدئي..

أعرف واحد يعرف ضابط في الحرس الوطني يحمل رتبة كبيرة وقالي أنه مستعد يدخلني وبالتخصص اللي أبيه!!
ههههههههههههه شفتوا الواسطة وش تسوي بالحرس الوطني!!!
علشان كذا يا أخ أحمد مقبل جرب تروح لهم وتقدم ملفات وحاول معهم وإن شاء الله بتمشي..
تقديم النت ما راح يقبلونك مبدئي وأكبر مثال أنا ههههههههههههه..

فاالك التوفيق..آآآمين