تكفون ثم تكفون ادخلو للضروره والله مابقي وقت والله خير حافظ

[جربعة والله يعين]

السلام عليكم ورحمة الله وبركاته اما بعد

انا مجتازة اختبار قياس ابتدائي ومتوسط وبقدم على الوظائف التعليمية المطروحة وفاتح معاي احتاج المتوسط والثانوي
هل اقدم على كل المرحلتين او اقدم على المتوسط فقط او اقدم على الثانوي فقط

تكفون افيدووووني بعد الله سبحانه منتظركم الله يحفظكم

[أبي الإسلام]

أختي اللي أعرفه إن كل اللي يفتح معاك متاح ومسموح لك التقديم عليه
توكلي على الله وقدمي على الإثنين إذا ما كنت حابة مرحلة معينة

[مستني بأشواء]

مثل ماقالت الاخت أبي الاسلام .. كل اللي بنفتح لك قدمي عليه والله يوفقك ..

[الحلم بيتحقق]

دامك ما اختبرتي ثانوي ماتقدمين عليه
هذا كلام المنيف
وبالتوفيق

[الحلم بيتحقق]

حتى لو فتح معك الثانوي وترشحتي
راح يستبعدونك بحجة انك ما اختبرتي ثانوي مثل ماحصل مع المرشحات السابقات

[في صمتي احزان]

لاعلم لي بقراراتهم المتخبطة ولكن حبيت اقول الله يرزقك الوظيفة

[البرنسيسه ليمونه]

قدمي على المتوسط فقط

[جربعة والله يعين]

ما قصرتم وشكراً على ردودكم والله يحفظكم ويوفقك الجميع لما يحب ويرضى

[سمايلنق]

اول رغباتك خليها متوسط
وبعدين ادخلي الثانوي

لأن ذي السنة حالة خاصة يمكن تترشحين

[مستني بأشواء]

أختي للتوضيح بس بالشروط بموقع الوزارة التقديم على حسب الكفايات اللي مختبرة
والمنيف بعد جاه سؤال نفس سؤالك وقال نفس الشي ..

لكن الحقيقه شي والواقع شي آخر ..

يازين فلسفتي وأنا اتكلم بالحقيقه والواقع .. والفرق بينهم 😁

الحقيقه : الوزارة بشروطها والمتحدث الرسمي بتغريداته .. يؤكدون عدم فعالية التقديم لمرحلة ما أختربت كفاياتها ..

الواقع : أن طلاب وطالبات تم قبولهم على مراحل لم ما اختبروا كفاياتها .. بالاضافه الى ذلك موظفي الخدمه المدنية يقولون قدم على كل شي ..