ابشركم توظفت

[متشائم للابد]

السلام عليكم ورحمه الله وبركاته .. اللهم صل وسلم على سيدنا محمد وعلى اله وصحبه اجمعين ..اخواني اخواتي ابشركم بعد معاناة مع المقابلات الشخصيه ..في وزاره الاسكان .. ديوان الماظلم .. الدخل والزكاة .. مدينه الملك عبدالعزيز للعلوم والتقنية .. البريد السعودي .. وزارة المياة والكهرباء .. جميع المقابلات نجحت بها ولكن الواسطة كانت عائقا امامي . والحمد لله على كل حال .. استاجر اخي بقالة ..ووظفتي بها مشكورا على راتب 2500 ريال .. جزاه الله كل خير .. دعواتكم له اخواني اخواتي ارجوكم ان تدعون له ..
عمري تعدى 35 سنه . ادب انجليزي ..اعزب طبعا ..سياره مافي ولله الحمد . حلم الزواج او شراء بيت او سيارة نسيته والنسيان ايضا نعمه . وحسبنا الله ونعم الوكيل

[الحرةاليتيمة]

ماشاء الله تبارك الله

الله يبارك لك بهذي الوظيفة وتكون وجه السعد والخير عليك وعلى اخوك جزاه الله خير

توكل على الله ثم اجتهد وان شاء الله الراتب يزيد واحلامك تتحقق بإذن الله

[فرج قريب_]

وعليكم السلام
هذا حال أغلب العاطلين والعاطلات والله المستعان وحسبي الله على من تسبب في تعطيلنا ونعم الوكيل.
_
أخوي بما إنك ماشاءالله أدب إنجليزي ....ايش رايك تجمع لك مبلغ يساعدك على السفر لـ أي دولة عربية قريبة منا مثل قطر أو الإمارات يوفرون وظائف وبرواتب ماشاءالله تبارك الله مجرد إقتراح ولو إني ولد من زمان سويت هالحل وتوظفت لكن الله كريم. ولاتندم على إللي فات و إن شاءالله ربي يوفقك بسعيك. و عمرك 35 عادي ايش يعني إنت رجل و مايهم العمر في أي وقت تقدر تتزوج وخصوصاً إن البنات في هذا البلد يعانوا نفس الحال فما يهمك موضوع الزواج إن شاءالله . ماتدري يمكن في سنه بقدرة الله وقوته تلقى وظيفة براتب يعينك على الحياة و تقدرتشتري لك بيت وتتزوج وتسوي اللي تبي . مابغى أقول تفائل لان هذي الكلمة مزعجة وأكرهها حتى انا ... لكن أقول لك فكر تجمع فلوس وسافر ابحث عن رزقك في مكان ثاني وتوكل على الله من توكل عليه مع العمل فهو حسبه. الله يوفقك.

[حبيبة نفسها]

ادب انجليزي ومالقيت وظيفه حسبي الله بس😰
ليش ماتدور في القطاع الخاص بيكون رواتبها ازين فوق6 الاف رغم الكرف والقرف لكن تحمل وزود خلك مع البقاله كذا تتوظف وظيفتين وتتحقق احلامك شوي شوي والله يوفقك

[صالح المهدي]

ليش ما تفكر تقدم على مطاعم الوجبات السريعة ماك هرفي هارديز وووو او مثلا بنده كارفور العثيم وووو
رواتبهم اقل شي 5000 وتختار الفرع القريب من بيتكم وممكن بعد توفيق الله وجدك واجتهادك ولغتك الانجليزية تترقى وتحصل على وظيفة افضل

اتمنى لك التوفيق والنجاح لك ولأخوك ...

[احلامي مختلفة]

السلام عليكم ورحمة الله وبركاته ،،
مسائك سعادة يارب وفرحة تجعلك تسجد لله باكيا ..
أخي الفاضل اتفق مع جميع الاخوة بأن لا تياس وتبحث عن وظيفة تناسب شهادتك ، ماشاء الله لا قوة الا بالله تخصصك ادب انجليزي مطلوب وبقوة ،،
ابدا لا تياس ولا تنسى قول الله تعالى {إِنَّهُ لَا يَيأَسُ مِن رَّوْحِ اللَّهِ إِلَّا الْقَوْمُ الْكَافِرُونَ }سورة يوسف،
وتذكر حديث المصطفى عليه الصلاة والسلام يقول الله تعالى :" أَنَا عِنْدَ ظَنِّ عَبْدِي بِي فَلْيَظُنَّ بِي مَا شَاءَ " .

اكيد ربنا مخبي لك شيئ جميل يسر الخاطر ويبكي العين ، ولكن يحتاج منك صبر وتوكل على الله

ولا تتشائم خليك متفائل ومتوكل على الله

[سلوووووم 2016]

الحمدلله، مبروك يالغالي

[نيكولة بنت صعفق“]

الظاهر كل خرييج ادب انجليزي مظلوووم
مبروك اخي عقبال بالي يسر قلبك وقلبي وقلب من يتمنى


انا خريجة ادب انجليزي للاسف مالقيت وووظيفه
ولا ولاحد ب 100
الله كريم

[شمسك غايبة]

الله يفرج همك
عليك بالدعاء بين الاذان و الاقامة و تكون فعلا فعلا تشعر أن الله قريب منك سبحانه و أنه يسمعك و أنت محسن الظن بالله سيجيب دعائك ...

و كذلك طبقها في السجود.
اقرا عن عظمة الله و قدرته واسمائه الحسنى .
تصدق بالريال

[فوفو2]

الله يباركلك يارب ويوسع لك في رزقك تفااااائل لعله خير كل تاخيره فيها خيره الزم المسجد والدعاااء جرب حظك في القطاع الخاص فنادق وسياحه رواتبها جيدة وربي يوفقك ويحقق مناك