متى تنزل الفلوس؟

[ام جمله]

السلام عليكم كيف حالكم جميعا؟

اخواني بسال عن حافز انا قدمت وطلع لي في حالة الاهليه سيتم اعلان الاهليه قريبا*
الان تغيرت وصارت مرحلة تقيم نشاط المتقدم أو شي كذا*
و في الجدول في خانة
المخصص المالي معلق لدراسة الطلب*

مع العلم انا هالشهر عندي تدريبات 2 ماحليتها
و2 حليتها و ماعندي مخالفات

الزبده متى تنزل الفلوس؟!

[نسمات الرياض]

ان شالله سته من شهر ذا

[الياسمييين]

عشان تنصرف الفلوس لازم بالاول يطلع لك في ( حالة الاهلية : مؤهل )

[صالحة الصلوحة]

5 من الشهر باذن الله

[ام جمله]

الله يسعدكم يعني الحين أفرح بينززل لي هالشهر ولا لا

[هن هن]

متى قدمتي؟؟
وحالتك معلق لدراسة الطلب توها تجيك؟؟
اذ هالشهر تغيرت وصارت معلق لدراسة الطلب تستمر شهرين والشهر الثالث تصيرين مؤهله

[ام جمله]

قدمة عليهم من قبل 3 شهور*
وطلع لي غير مؤهل بسبب سجلات الجامعه اني حديثة تخرج*
وبعدها سويت اعادة تقديم عشان خلصت فترة 6 شهور من يوم تخرجت من الجامعه
والشهر ذا اول ما سويت اعادة تقديم قبل أسبوعين*
تغيرت الحاله الى*
سيتم اعلان حالة الاهليه قريبا*
بعدين تغيرت الحاله الاسبوع ذا وصارت*
تقيم نشاط المتقدم البحث عن العمل*
وش السواه بينززل ولا لا*
ولا وش السالفه؟

[زورق الايمان]

لا ماراح ينزل له شي هذا الشهر
انتي الان في مرحله تقييم نشاط المتقدم للبحث عن عمل
اذا طلع لك مؤهل للصرف المخصص المالي راح تنزلك في ٥ من الشهر

[خريج كلية معلمين]

اهم شي التحديث وحل التمارين اسبوعيا عشان الشهر الجاي او اللي بعده تتاهلي للمخصص المالي

[عاطل خميد]

يا اختي
في مرحلة التقييم لابد من المواضبه في التحديث وعدم التغيب عن الدورات التدريبية ولمدة ثلاثه اشهر. في حال تغيبت عن تدريب او فات عليك اسبوع ما حدثت يحسبون ثلاثه شهور من جديد من اخر مخالفه. مثلا جلست شهرين تحدثين وزحلق عليك اسبوع ماحدثت لازم تجلسين ثلاثه شهور ثاني. انشبي لهم في الموقع تحديث لايفوتك شي.