شوركم و نصيحتكم تدرج ارامكو ام اكمال الدراسة

[آبو فهدد]

وعليكم السلام اخوي
انا كنت بيوم من الايام نفسك ووقعت عرض ارامكو خلصت كل شي
لاكن بعد مراجعتي لنفسي وتكلمت مع معارفي من موظفي ارامكو
وسحبت عليها وفضلت ادخل معهد نفس ارامكو لاكن يتيح لي الفرصه لاكمأل الدراسه والبعثات
وصح ان ارامكو احسن فالراتب لاكن ما تصلح لي انا شخص الزم ما علي راحتي وانضباطي ماش

وموفق اخوي واذا تبي تكلمني راسلني عالخاص لاني اعرف وش شعوركـ الحين

[آبو فهدد]

<

المشاركة الأصلية كتبت بواسطة أدارة مالية

[align=center]
وعليكم السلام

أنا أنصحك ب أرمكوا :")

جميع الشركات فيها كرف , وميزة أرمكوا أنها تكرف وتعطيك على تعبك < 17 راتب بالسنه :")

الله يوفقكك ..
[/align]

وش اللي 17 راتب !!!!!!!!!!!!!!!
انا موقع العقد معهم 12 راتب + راتب رمضان
قبل كانت 14 بس زادوا الراتب الاساسي وكنسلوا راتب <للموظفين الجدد بس

[عاطل بالمستقبل]

لا اله الا الله محمد رسول الله

[نظم معلومات ن]

الله يكتب لك اللي فيه الخير


نصيحتي لك عصفور باليد ولا عشره بالشجره

واذا على ضغوط العمل اغلب الدوامات الحين صارت تضغط حكومي وخاص حتى المدرسين حشروهم بالبصمه وكرف ومزاعق على الطلاب

والمعروف عن ارامكو انها تبعث وتعطي منح وتخيل تطلع بعثتك بدعم منهم وراتب يمشي لك وانت متكي وتدرس بأحسن الجامعات

بعدين التخصص اللي انت هاويه ناس واجد تخرجو ولا لقو لهم وظايف بتجلس تبحث سنه اقل شي < مثلي


وانا لو مكانك اخترت ارامكو واتكلت على ربي .. وانت اسألهم وتأكد اذا راح يكون لك فرصة ابتعاث وتكميل دراسه ؟

واكثر شي يتعب الحيره والتفكير الزايد .. اعزم على اختيار ولا تطول وانت محتار نصيحه

والله ييسر امرك وامرنا اجمعين

[عاطل بالمستقبل]

الله يدلنا لما فيه صلاح لديننا و لدنيانا ..الان وقعت عقد بالعثيم نطقطق اذا قبلونا ارامكو يمكن اروح ارامكو و اترك العثيم بما انها فترة تجربة و اذا ماقبلونا او مابغيتها جمعت بين الدراسة و العمل و الله يعين ....

[عاطل بالمستقبل]

لا اله الا الل محمد رسول الله

[كومدور]

نصيحه اخوي رح ارامكو احسن لك واضمن وظيفه لك

لانه انا كملت دراسه جامعه واشتغلت بعدها بشركة راتبها ضعيف ودوام متعب وبعدها طلعت منهم وانا جالس عاطل واللي راحو ارامكو ضمنو مستقبلهم وراتبهم صارت ممتازه ...

[أدارة مالية]

المشاركة الأصلية كتبت بواسطة آبو فهدد

<

وش اللي 17 راتب !!!!!!!!!!!!!!!
انا موقع العقد معهم 12 راتب + راتب رمضان
قبل كانت 14 بس زادوا الراتب الاساسي وكنسلوا راتب <للموظفين الجدد بس

12 راتب اساسي +راتب رمضان+ ثلاث بدل سكن + البونص( يعتمد على تقييمك قد تاخذ راتبين او اكثر او اقل او لا شي ) + بدل المواصلات