يااهل الخير ابغا مساعدتكم الله يجزاكم خير

[ام تركي]

السلام عليكم ورحمة الله

انا ارمله وعندي ثلاث اطفال ومحتاجه مساعدتكم الحمدلله استأجرت شقه ودفعت فلوسها بس ابغاكم تساعدوني في بعض الاثاث اللي عنده مقدره لايبخل علي كلمت الجمعيات الخيريه يومهم بسنه يرسلون لجنه ويقعدون شهريدرسون الموضوع ولايقولون لي حاولي تتسلفي من احد انا ياالله يااللله اقدر اسدد الديون اللي في رقبتي الله يجيرنا والله يعين الحمدلله قدرت اشتري غرف عيالي وقدرت اشتري مكيف صرنا وقت النوم كلنا ننام في غرفه واحده فاللي يعرف احد من اهل الخير يساعدني ويتبرع لي بأثاث اكون شاكره لكم وجزاكم الله خير الله يفرج كربكم وهمومكم يارب
انا ساكنه بالرياض

[abushog]

اسال الله ان يفرج همك وهم كل محتاج

[سهران لعيونك]

أسال الله رب العرش العظيم ان يفرج كربتك وكربت كل مهموووووم

[صالح المهدي]

الله يفرج همك ويرزقك يا ام تركي

ممكن تحددين الاغراض او الاثاث اللي ناقصك ممكن يكون فيه احد يقدر يساعدك فيه

[ايفوني خربان]

في جمعية بنيان يمدحونها
ورحي جمعية النهضه النسائيه
بس مدري اذا يساعدون بالاثاث
الله يرزقك

[ام تركي]

هلا وغلا معليش تأخرت بالرد مافي نت بالنسبه للجمعيات الخيريه يرسلون لجنه وينتظرون متبرع وجمعية بنيان قالولي حاولي تتسلفي
اللي ناقصني دولاب مطبخ مواعيني واغراضي في كراتين وفرش البيت كله بلاط

[مفكرر طفران]

الله يفرج همك يا ام تركي شلون نقدر نوصل لك الدولاب اللي تبينه؟؟

[جئنا لنشر الخير]

اللهم فرج هم المهمومين ونفس كرب المكروبين

[جئنا لنشر الخير]

السلام عليكم ورحمة الله وبركاته
الله يفرج همك ويرزقك من حيث لا تحتسبين

[ربوشي]

ام تركي ممكن تتواصلين على الخاص