القوات البرية تستقبل طلبات الراغبين في الالتحاق بالخدمة العسكرية

[أحمد الحبي]

أحمد يوسف العمري ، حتى أنا وأنا أخوكـ كتبت الطائف بالورقه !

وأتقد والله أعلم أن حقين الطاف مو مثل أهل الخرج !

يعني أهل الخرج شكلهم متخرجين من زمان وعشان كذا يقبلون

اللي أختاروا الخرج وتبوكـ على طول ، بس اللي أختار الطائف مثلي ومثلكـ

حنا قعدنا بها ! يعني لو أخترنا الخرج أو تبوكـ كان دقوا علينا من زمان !

بس وش نسوي ؟؟ إن شاء الله يخلصون حقين الطائف قريب !

لو كنت أعرف إنهم بيأخرون حقين الطائف كنت أخترت الخرج !

[احمد يوسف العمري]

طيب اخووي احنا اخترنا مكان المراجعه تفرق يعني اتمنا الي يروووح يسال متا النتايج ولا متا تدقوون علي الي قدموا فيدونا ياخوان الله يوفقكم

[مع مكافآت شهرية]

السلام عليكم ورحمة الله وبركاته ،،،،

تمت مراجعتهم بالأمس بالخرج واسمي بالجهاز عندهم من تاريخ 25/12

واخذت اوراق البصمات والكشف واوراق اسجل فيها البيانات من اسم وكذا

وورقة الأحوال وبكرة إن شاءالله موعد الكشف الطبي ولاتنسون تجيبون

صور مكشوف الرأس عدد 6 مقاس 4*6 الي يكون قريب من الطائف يراجع

ويشوف وش يقولون له اذا كان مكانه قريب من الطائف ،،، بالتوفيق لكم

اي استفسار سؤال الله يحييكم

[متقاعد من حافز]

انا رحت لهم قبل سبوعين ودقو علي بعدها بيوم قالو بعد اسبوع او اسبوعين راجع الفرع الي عندكم بالشرقيه المهم ورحت لهم بعد سبوع قالو ماجاني شي الاوراق ماوصلت من رياض وقالو تعال بعد سبوع قلت طيب

والحين بروح لهم بعد شوي
وتو قبل ساعه جاني قبول مبدئي على الجوال في البحرية الملكية وش تنصحوني فيه والله كنت ناوي عسكريه بس كلام ناس خوفني الي يقول ابعد وخلك ع شركات والي يقول ماعليك من كلام الحساد الواحد صار يتلخبط ومو قادر يتخذ قراره طبعا انا مقدم ع وكيل رقيب بشهادة كليه محاسبة واكيد بيحطوني اداري

وانا المشكله انتظر رد من واحد انه بيضبطني بشركه قويه وراتب حلو عشان لو ضبطت اموري فيها تركت العسكرية وتسجيلاتها

نصايحكم يا اخوان ! !

[متقاعد من حافز]

راجعتهم اليوم وقالو وصلتنا الاوراق بس جاني امر اننا مانقبلها

يقولون لازم تراجع الادارة الي برياض ويرسلونك ع معهد عشان تاخذ دوره عسكريه ويصير عندك رقم عسكري وبعدين تجينا

سلامات؟ طيب والدورة حقت الفرد الي باخذها عندكم 4 شهور هذي وش؟
يعني والله الموضوع فيه لف ودوارن والظاهر مخلين الوضايف حق الي يبون هم

مابي اسيء الظن فيهم لكن اذا الادارة الرئيسيه حقتهم مكلمه الاداره الفرعية وراسلين اوراقي كيف يقولون الادارة الفرعية لازم يكون عندك دوره ورقم عسكري !!!!!!

ان شاء الله تكون خيره لي هالموضوع