24-12-2012, 09:28 AM
|
عضو موثوق به
|
|
تاريخ التسجيل: Dec 2011
المشاركات: 5,877
معدل تقييم المستوى: 4901988
|
|
شكرا لصاحبة الموضوع الله يجزاك كل خير على هذا المجهود اللي تشكرين عليه ....
قريت بعض الردود بسرعه وبرد على اللي اعرفه
اللي يقول ادخل لطاقات ويرجعني لنفس الصفحة (( هو ما يرجعك لنفس الصفحة انت كذا سجلت دخول للموقع بس ما يبين معاك بمجرد إنه يرجعك لنفس الصفحة رح على طول لبياناتك الشخصية أو البحث عن وظيفة وبعد كذا قدم على الوظائف وراح يقبل معاك عادي ( لا تناظر لإسمك إنه مهب موجود يمكن راح تلاقي مكتوب مرحبا بالضيف مثل كل مره أدخل فيها للموقع )
............................................
الاخوات اللي يقولوا ما لقينا مسميات مدرسة أو معلمة ( أكتب في البحث مسمى تخصصك ــ دين ــ فيزياء ــ إنجليزي ..... ) اختار المدينة لكن قطاع الشركة ( تعليم خله فاضي لا افضلية ) لأن بعض الاحيان الموقع يلخبط
انا من فتره كتبت بالبحث ( دين ) فقط وجتني وظيفتين لمدرسة اجنبيه ( في الخبر ) معلمة دين
ومره كتبت ( إسلامية فقط ) وجتني كذا وظيفة ( مدرس ثقافة إسلامية )
في بعض الاحيان لا تكتب مسمى الوظيفة بالنص مثال ( دراسات إسلامية أو ثقافة إسلامية ) يمكن ما يضبط البحث معاك يكفي تكتب ( دراسات أو ثقافة أو إسلامية ) راح يعرض لك كل المسميات الوظيفية اللي بهذا الاسم وبعض الاحيان ياخذ البحث 3 حروف ويجيب لك مسميات وظيفية غير شكل ..
وبعض الاحيان لا تحدد مكان المدينة ( لأنه في بعض الاحيان هاذي المدينة ما فيها وظيفة بهذا المسمى خلي المدينة فاضية
وبعض الاحيان لا تحدد قطاع الشركة وراح يضبط الوضع ....
................................................
كمان فيه بعض الاعضاء يقول ما وصلتنا رسائل على الايميل
حتى لو ما وصلك شيء قدم على وظائف طاقات وتأكد من ايميلك اللي موجود في حافز ايميل يكون شغال ..
كل اللي في حافز من بيانات لك تلاقيها صورة طبق الاصل في موقع طاقات
اذا تبي فرصك تكون اكثر ادخل على حافز وعدل على بياناتك في ( مجالات الوظيفة ) أنا مختار حوالي 17 مسمى وظيفي أو أكثر .
بالتوفيق للجميع
|