خريج قسم علوم حاسب .. تكفون فزعتكم بخصوص جدارة

[آبوعابد]

السلام عليكم ورحمة الله ..

ي جماعه مساكم ربي بكل خير ..

انا خريج قسم علوم حاسب هالسنه .. ولكن ولله الحمد متوظف من سنتين .. وماكنت أدور مثل البقيه ورا جدارة أو شروطه وطريقته وغيره ..
وتخرجت والله رزقني بوظيفة بشركه وراتب لاباس .. لكن الواحد وده بالحكومي أمان وظيفي اعلى ..

سؤالي لكم .. انا كخريج قسم علوم حاسب وش وضعي بالوظايف الحكوميه .. ؟
وبالنسبة لجدارة اش شروطهم لي كخريج حاسب اش فيه من اختبارات لازم ادخلها ..
ومتى موعد التقديم ..

تكففففففون احتاج فزعتكم أخوكم عليمي وماكنت أقرا بهالاشياء ..

ربي يسعدكم ويوفقكم بدنياكم واخرتكم ..

[الكل]

وعليكم السلام

الوضع صعب
اخر شخص توظف نقاطه تقريبا 76 .
40 نقطة على المعدل
20 نقطة على الاقدمية
20 نقطة على اختبار تقييم 1
20 نقطة على اختبار التخصص

يعتمد على معدلك ودرجات اختبار تقييم 1 والتخصص
ما عليك الا تنتظر على الأقل خمس سنوات .
بالتوفيق

[هاجر الهاجر]

تختبر اختبار تقييم 1 لازم

[ليلى الحكم]

طيب تقيم 1 للوظايف الادارية صح ؟
لويقدم مدرس حاسب مو افضله ولا انت انتساب ؟!

[إتحادي عاشق]

المشاركة الأصلية كتبت بواسطة ليلى الحكم

طيب تقيم 1 للوظايف الادارية صح ؟
لويقدم مدرس حاسب مو افضله ولا انت انتساب ؟!

الحاسب في التعليم مايطلبون الا 300 او 400 واحد فقط ،، ان شاء الله يكون لنا وللمسلمين فيها نصيب
الوظايف الادارية بالنسبه للحاسب لازم من اختبار تقييم 1 وتقييم 2 حق التخصص
ورراح تتوظف على حسب نقااطك

الله يرزقنا من واسع فضله

[امريكان كوفي]

المشاركة الأصلية كتبت بواسطة الكل

وعليكم السلام

الوضع صعب
اخر شخص توظف نقاطه تقريبا 76 .
40 نقطة على المعدل
20 نقطة على الاقدمية
20 نقطة على اختبار تقييم 1
20 نقطة على اختبار التخصص

يعتمد على معدلك ودرجات اختبار تقييم 1 والتخصص
ما عليك الا تنتظر على الأقل خمس سنوات .
بالتوفيق

طيب بالنسبة للبنات ايش يختبرون لازم اختبار تخصص؟ مع العلم اني مو تعليمي

[اسدددد]

بالنسبة للحاسب تم الالغاء اختبار التخصص..

اخر مفاضلة كان مكتوب عندي في نتائج المفاضلة 40% معدل و 40% اختبار الخدمة المعرفيه تقييم 1 و 20% الاقدميه

ما عاد فيه اختبار التخصص مهو داخل في المفاضله

[اسدددد]

هذا رابط الخبر حبيت اتاكد... هم اجلوه ما الغوه بس ماكان داخل في اخر مفاضله وانا اختبرته قبل سنتين ويارب يغلوووونه كان جدا معقد...

http://www.mcs.gov.sa/InformationCen...4360828-3.aspx

[آبوعابد]

المشاركة الأصلية كتبت بواسطة اسدددد

بالنسبة للحاسب تم الالغاء اختبار التخصص..

اخر مفاضلة كان مكتوب عندي في نتائج المفاضلة 40% معدل و 40% اختبار الخدمة المعرفيه تقييم 1 و 20% الاقدميه

ما عاد فيه اختبار التخصص مهو داخل في المفاضله

الله جابك ي غالي ..
طيب انت كيف دخلت وسجلت ؟
هل فيه وقت معين الواحد يسجل فيه ؟
أو أقدر أسجل الحين .. ؟
ومتى مواعيد إختبار تقييم 1 أوقاته ؟


تكفى فيدنا ي غالي ..

[اسدددد]

المشاركة الأصلية كتبت بواسطة آبوعابد

الله جابك ي غالي ..
طيب انت كيف دخلت وسجلت ؟
هل فيه وقت معين الواحد يسجل فيه ؟
أو أقدر أسجل الحين .. ؟
ومتى مواعيد إختبار تقييم 1 أوقاته ؟


تكفى فيدنا ي غالي ..

تدخل على موقع الخدمة المدنيه وبعدين تدخل على ايقونة التوظيف (جداره)

اذا اول مره تسوي تسجيل جديد وتسجل بياناتك وايميلك وترفع الشهاده على صيغة pdf وبعدها تنتظر يومين الين يردونك عليك انه تم توثيق البيانات طبعا تجيك رساله على جوالك وايميلك ولو فيه مشكله في تحميل الشهاده ولا غلط في البيانات تجيك رساله...

بعد ما يجيك التوثيق خلاص تقدر تسجل في اختبار الخدمة المعرفيه تقييم 1 عن طريق موقع قياس
طبعا بالنسبه لمواعيد الاختبار تابع في موقع الوزارة او في موقع قياس كل سنه يغيرون ويحطون قرارات جديده