احتياج الوظائف التعليميه لاحس ولا خبر

[امبراطوره]

بدون مقدمات الامور ماتبشر بخير
وعلى الاغلب ماراح ينزلون وظائف تعليميه هذا العام
ولو نزلت بتكون شحيحه جدا ومقتصره على بعض التخصصات ومن مبدا الحقوق تنتزع يلا هجوووم على حسابات وزير التعليم العيسى ومتحدث وزارته مبارك العصيمي في تويتر وراهم وراهم لين ينزلون لنا خبر
وهذا هو الهاشتاق بسم الله
#الاحتياج_التعليمي_1437

[امبراطوره]

الطريقه هي التغريد على هذا الهاشتاق على منشن وزير التعليم ومتحدث التعليم شدو حيلكم

[ليلى الحكم]

مابيده شيء العيسى ,,, المالية هي لي تحدد مخصصات كل وزارة ,, وعليها يتمم تحديد الاحتياج

[فووزية]

تفاءلوا بالخير تجدوه وإن شاء الله فيه احتياج
الرزق بيد رب العالمين
ربي يوفقنا

[اعزه بكل مافيني]

ننتظر حركة النقل ونشوف
لعل وعسى
بس هذا مايمنع نكلم العيسى والعصيمي ع حساباتهم
حتى يعطون الامر اهميته

[خريجه بكل فخر]

من قال مافي الله يستر والله حاطه أملي بهالالوظيفه

[ليلى الحكم]

المشاركة الأصلية كتبت بواسطة خريجه بكل فخر

من قال مافي الله يستر والله حاطه أملي بهالالوظيفه

مستحيل مافي !! ولا كانوا ماوضعوا في الخطة الزمنية لتقديم على وظايف التعليمية في شهر 9 بس في ناس تحب التشاؤم بزيادة ! يمكن يكون قليل لكن مستحيل يكون صفر !

[بيلسان الشمال]

حتى أنا ما أتوقع فيه وظائف تعليميه وحتى اذا فيه متى راح تكون ومتى ان شاء الله اللي مكتوب لهم هذي الوظايف راح يباشروا فيها !

فكروا معي واحسبوها

اذا قريتوا اعلان الوظائف كانوا كاتبين ان الوظائف تتحدد بالاتفاق بين قياس ووزارة التعليم بالفترة بين 7_9
وحتى 8-11 فترة شهرين بس لتحديد عدد الوظائف وان قياس ترفع لهم درجات الخريجين طيب متى يتم التقديم لها نقول بالعادة نحتاج اسبوعين كذا خلص شهر 11

بعدها راح ينامون شهر وهذا أقل شي لحد ماتعلن النتائج وما أتوقع راح ننسى مواعيدهم العام وأول العام وكيف كانوا يسحبوا علينا قالوا مطلع الشهر ولا نزلت الا الشهر اللي بعده



ومتى تتم المطابقة والمقابله كل وحده تاخذ اسبوع ونص بيخلص شهر 12 ومتى راح يعلنون الأسماء النهائيه وأماكن التوجيه !!!!!

والمشكلة الأكبر حنا البنات دايم يسحبون فينا ويحطون عذر لحد ما يخلصوا من مفاضلة الأولاد عشان يلتفتون لنا

على كذا بيخلص عام 1437

أعوذ بالله من الشيطان والتشاؤم

[شفافة]

المشاركة الأصلية كتبت بواسطة بيلسان الشمال

حتى أنا ما أتوقع فيه وظائف تعليميه وحتى اذا فيه متى راح تكون ومتى ان شاء الله اللي مكتوب لهم هذي الوظايف راح يباشروا فيها !

والمشكلة الأكبر حنا البنات دايم يسحبون فينا ويحطون عذر لحد ما يخلصوا من مفاضلة الأولاد عشان يلتفتون لنا

على كذا بيخلص عام 1437

أعوذ بالله من الشيطان والتشاؤم

انا اتوقع التعيينات ما تتم الا بعد دخول شهر محرم 1438
مع ان بداية الدراسة راح تكون في منتصف شهر 12
لان لو نزل تعيينك قبلها في 1437 تكون الوزارة مطالبة بعلاوة سنوية
حتى لو تم التعيين في 30/12 يستحق الموظف العلاوة السنوية

[ليلى الحكم]

جاءت على علاوة بداية الخدمة الواحد بس يمسك وظيفة حكومية ويقول الحمدالله ,, المشكلة في الاحتياج لو قليل ملينا بطالة