اللي عنده خبره في التمر يجي لا هنتو

[المستوي الثالث]

السلام عليكم ورحمه الله وبركاته

انا جامعي وعاطل عن العمل والعمر فوق الثلاثين وزي منتم عارفين الوظايف بالقطاره يعني الواحد مستحيل ينتظر طول عمره وظيفه ..

المهم ياشباب انا عندي مبلغ بسيط ووجدي اشتري كراتين تمر وابيع بس خبرتي في التمور صفرررر ...


بس الوالد الله يرحمه كان يشتري تمر بالكراتين ويبيعها عند المساجد ويكسب فيها فلوس ..


وانا ودي اشتغل فيها بس متخوف اني ادفع فلوس واخر شي تجي البلديه وتقشش كل شي ..


اتمني ان اجد من يفيدني وشكرا لكم

[Alcady]

الله ييسر لك يارب اتجه للقصيم اتوقع افضل خياار

[آبوجووري]

لا تشتري أي بضاعة قبل تعرف بكم تشتري وبكم تبيع عشان ماتتوهق بالبضاعة
واذا قررت تشتغل في نوع معين لازم تعرف مزاياه وعيوب عشان تشتري الأفضل وتعرف تقنع الزبون أن بضاعتك ممتازه ويعرف انك فاهم ويشتري منك وهو مقتنع ومتاح.

وفي الأخير إعلم أن موسم التمر باقي عليه حوالي شهر ونص إلى شهرين. والأفضل تنتظر.. والله أعلم

وفقنا الله وإياك