تعبت من مشروعي وحلم حياتي صار كابوس

[afm112]

الله ييسرها لك

[معمل خياطة]

المشاركة الأصلية كتبت بواسطة مشروع ناشيء

هل قدّمتي على صندوق هدف ؟
دعم المنشآت الصغيرة؟
عشان تقدري توظفي عندك سعودية تمسك الإدارة وإلا الاستقبال و إلا رسائل الواتس
براتب شهري 3000ريال مدة سنتين
وإنتي تفرغي للخياطة واشرفي عليها وتأكدي من شغلها
طالما عندك طلبات و شغلك ماشي ولله الحمد
إنتي محتاجة وحدة معاك عشان تركزين بس
لكن لو دخلتي شريك حالياً احتمال تدخلي في مشاكل زيادة إنتي في غنى عنها
هاذي وجهة نظري
وزيادة على كذا تقدرين تعلنين مابين معارفك إنك تقدمين دروس عملي في الخياطة برسوم رمزية جداً بحدود 200إلى300ريال
تجي البنت تدخل عندك وتتعلم منك الصنعة عياناً بياناً وممكن تحب الشغلة وتمسك معاك الشغل وتوظيفها بدعم من الموارد وهكذا ..
لاتخلي الضغط يضعف أحلامك و إلا تاخذي بسببه قرارات تضرك
مشروعك الحمدلله ماشي
بس فكري في طريقة مناسبة تحلي فيها الضغط عليك بس
ويارب ييسر أمورك ويفتح لك أبواب الرزق

للسعوديه غير راتبها ادفع كمان 860 لتامينات الاحتماعيه مره مكلف مادري ليه ياخذوها

وظفت وحده بنفاس وفصلتها بعدين راحت تاخذ حقوقها من التامينات ماعطوها غير 300 ريال عن كل شهر

وانا كنت ادفع لها عن كل شهر تامين فوق 860

الان الوضع مره مايساعد اوظف وحده لانه تقرييبا لي سنه مافي اي ربح او زياده حتى سيوله مامعي الحمدلله شهر بهشر

انا مضغوطه لاني اشتغل مجانا ماقدر اخذ 500 ريال اخر الشهر والله

[البتول الحربي]

الله يوفقك ويفتح عليك
سوي حساب لك بالانستقرام والسناب وحاولي تحطي فيه بعض من اعمالك

[حروووف]

انا اشوف المناسب جيبي عاملة غير جنسية اللي عندك وخلي كل وحده بغرفه

وابدعي بالتصاميم وشاركي بالبازارات واعرضي شغلك بالانستقرام

وشوفي المواسم وروحي للمدارس واعرضي عليهم خدمات-
تصميم فساتين وشعبيات للحفلات
تصميم عبايات تخرج
خياطة مراييل بالجملة للمدارس وخياطة ملابس العاملات

اول شي نفذي مجموعه وجيبي مصوره تصورها لك وتضيط لك البوم واعرضيها عليهم
وسوي عروض مثلا اللي تخيط فستانين الثالث بنص القيمة وهكذا
حاولي تطورين

[طالب جامعي-1]

بسم الله الرحمن الرحيم
(الاستشارة بالعادة غير مجانية )

أولاً غيري النشاط اللي تشتغلين فيه
عندك خيارين :-
الخيار الاول: تبيعين المشروع وتفتحين مشروع اخر
الخيار الثاني: تغيرين اتجاه خياطتك بالكامل ، مثلا لو تفصلين فساتين غيري فصلي بجامات وفي حال مانجحت فصلي شنط وهكذا.

ثانياً بعد القيام بالخطوة الاولى ومتابعتك للمشروع واستقرار ربحه وظفي عاملة إدارية متميزة

ثالثا اسالي هالسؤال ماذا بعد ذلك

رابعاً نصيحة لاتركزين عالفشل وركزي عالنجاح والخيال والطموح كويس لكن احلام اليقضة مميتة!!

داخل المشروع

اولاً وفري الكمية ، اهم عناصر قيمك بالسوق الكمية ثم الكمية ثم الكمية وبما في ذلك الجودة

ثانياً حددي مين الفئة المستهدفة

ثالثاً ابني لك علاقات

صحيح المعرفة مهمة في كل تجارة لكن المهم تعرف كيف تكون تاجر..

[فوزززز]

انت باي مدينة عزيزتي

[معمل خياطة]

جزاكم الله خير قررت ابيع المشروع اذا جاب لي فوق 100 الف لاني تعبت من الادارة ومقابله الزبايين واسدد التسليف وافتح مشروع من البيت طبخ او اكمل بيع منتجات خياطة

[shahd-fahd]

نصيحة لك لاتبيعيه المشروع كويس بس يبي لك صبر
ارسلي ايميلك للتواصل؟؟

[سلمان9]

الصراحه انا مالي بهذي الاشياء لكن قرأت مشروعك وفكرتك على احد قريباتي لها بمجال الخياطه وعندها افكار وحلول غريبه .
المشروع ناجح ولاتفرطين فيه والصعوبات لا بد منها

هذا حساب الانستقرام اذا تحبي تتواصلي من خلاله وتفيدك بافكار عسى الله ينفع بها
babyhome1234

[هاوي للبزنس]

اصبري وحاولي تبدعين اكثر واكثر وصبر جميل وبتضبط الامور ان شاء اللله
و سوي دعايه للمحل الله يوفقك لكل خير