معي مبلغ 400الف لكن تجهلني الافكار

[امل في الغد]

السلام عليكم
جميع البنوك انفصلت خدماتها البنكيه عن خدمات الاستثمار واصبح لكل بنك مايسمى ب كابيتال(واسم البنك)
ومن خلال مواقع البنوك الالكترونيه او من خلال موظف خدمات العملاء يمكن لهم توجيهك لموظف بمسمى موظف ادارة الثروات بحيث يكون لديه الصلاحيه من البنك والخبره الكافيه بسوق المال والاسهم ويستطيع ان يساعدك ع اتخاذ قرارات الاستثمار الامثل لمبلغك .
بالنسبه لموقف هذي الاستثمارات طبعا منها واغلبها ماهو موقع من قبل الهيئه الشرعيه بكل بنك وتستطيع السؤال عن الشرعي منها وغير الشرعي.
تنبيه: قبل الموافقه ع أي نوع من انواع الاستثمار واعتماده في أي بنك اسأل عن نسبة البنك من مبلغك عند الاشتراك .
ولك بعدها حرية الموافقه من عدمها اذا رضيت بالنسبه.

[امل في الغد]

المشاركة الأصلية كتبت بواسطة الله يسرامري

ممكن توضحلنا هذا الفكره اكثرررررر واي بنك تتعامل معه وهل هي اسلاميه والا

لست من اصحاب رؤوس المال انما لي خبره بنكيه واحببت افادتكم

[عاطل بآمتيآز]

وين اهل البزنس والتجار
ولد ديرتكم منكم وفيكم

[هارب من الديون]

اولا نسأل الله أن يبارك لك في مالك
ثانيا التجارة تحتاج الى تفرغ تام ومعرفة تامة بالمشروع الذي ترغب فيه والا قد تتعرض للخسارة لا قدر الله
مثل ما حدث معي تحملت خسائر تجاوزت مليون ونصف
ثالثا المشروع الممتاز بعد مشيئة الله وسوف تدعيلي بعدها باذن الله وهو تقسيط السيارات
تقسيط السيارات شوف اي معرض سيارات تثق فيه وضع فلوسك عنده يشغلها لك وله نسبة
والله هذا المشروع الذي ندمت عليه كثيرا ولكن كل انسان يأخذ المكتوب له في الدنيا
حيث قبل اربع او خمس سنوات اتاني احد الزملاء وطلب مني المشاركة بمبلغ خمسين الف ريال ووضعها في احد معارض السيارات وكنت انا العاشر في المجموعة حيث كان السهم بمبلغ خمسين الف ريال وكان المبلغ متوفر لدي ولكن للاسف رفضت الفكرة
ما شاء الله الان لديه معرض سيارات
وبصدد انشاء معرض آخر في احدى المحافظات القريبة من المدينة
تنمياتي لك بالتوفيق والسداد

[أعمال عبدالله]

اخوي لك رسالة ع الخاص

[سلوم ميلانو]

ماشاء الله لاقوة الا بالله

[ثلث الطموح عناد]

الله يوفقك

[الجنرالز]

المزرعه .. اذا كنت تبغاها بيع تمر صراحه لها مكسب غير طبيعي .. احد الاخوان الله يسهل له ويرزقه ..

اشترا له مزرعه .. المهم حط فيها 3000 نخله .. طبعا كان 2200 نخله كانت فروخ .. وتعب فيها واعتنى فيها .. انا صراحه مالي خبره في هالمجال بس كنت اجي المزرعه بأستمرار .. خلال كم سنه ماشالله بدت تنتج الانتاج الاول باعه ب 400 الف والسنه الثانيه كان الدبل ..

ف انصحك اذا رجل تبي تشتري مزرعه اشتر مزرعه كبيره .. وخذ قرض او زد راس المال خلوه مليون وصدقني ماراح تندم .. بأذن الله

خصوصا راح تكون مكان الراحه ومنتزه لكم .. بس ترا يبي لها عمال .. يعني راح تتعب فيهااا ويبي لها مراقبه .. ممكن تحط وكيل او مشرف عليها .. يتابع المحاصيل .. ويتابع العمال وطلبات المزرعه ..

واخيرا اهتم في الارض يكون فيها بير ومويته مويه للزراعه .. علشان ترتاح ولا تحتاج تحفر بمبالغ طائله ..وانتبه ان تكون موية البير هماج لايدمر المزرعه ..


... واي سؤال انا بالخدمه .. لاتنساني من دعائك

[المصمم عبدالله]

أخوي انصحك انك تستشير احد يعرف بهالأمور يعني لو تعرف احد دخل بتجارة
أسأله وشوف , وانا اشوف ان ان شاء الله فيه اشياء كثيرة ناجحة مثلا مثل ماقلت تخفيضات اللي هي محل
كماليات اعتققد انه غير مكلف ومربح ان شاء الله بنفس الوقت , بس أهم شي الموقع

[عاطل بآمتيآز]

لاهنتم وانتظر معلومات منكم اكثر