المضاربه في السوق السعودي

[ابيك لي عون]

بكل تقدير واحترام لرأيك سوق الاسهم عباره عن شفط لسيولة المتداولين
وصغار المستثمرين فيه ويرمي لهم كم هلله بربح مية ريال ثم يسحب السهم للاسفل
للحصول على مزيد من السيوله بحجه انه بيرتفع والعالم خسرانه سوق فاشل بكل المقاييس كلهم هوامير حراميه ومحللين نصابين مافيه فرق بينهم وبين الحرامي اللي بالشارع اي فرق هايتين لا حمايه لصغار المستثمرين ولا شي سوق لا يعتمد على تحليل يتحكم فيه هوامير السوق السعودي اشتغلت فيه فتره وسحبت فلوسي منه والخساره اكبر من الربح وكنت مع قروب بعض توصياتهم تنجح واغلبها تفشل وحدث ولا حرج عن التعليق في السوق ومسك السيوله ايام واسابيع وشهور المحللين لهم ناسهم في البنوك عن تحركات بعض الاسهم اذكر واحد قال ادخلو في شركه مامداه يخلص كلمته طمر السهم نص ريال ثم ريال ثم ريالين شوي قفل نسبه فوق ؟؟؟ وين التحليل الفني اللي يعتمد على دراسه وعلم قبل طلوع السهم لو بفتره بسيطه اما يخلص كلامه ويطمر السهم مايمديك تشتري اصلا يمكن انت تقدر تطقطق في السوق بعلمك البسيط فيه والله يوفقك ويرزقك الرزق الطيب الحلال الربح الحقيقي هو الاتجاة للمشاريع اللي تعتمد على همتك وعزيمتك في النجاح ومشروع تديره انت بنفسك محد يتحكم فيك ويسحب فلوسك ولك مني كل التقدير والاحترام

[حلم الثراء]

السلام عليكم ورحمة الله ..

الموضوع قديم أعتذر للمداخله .. لكن شدّني الموضوع لأني من المتورطين في الأسهم من عام 2006

وأشكر الأخ محمد الرويلي وجزاك الله خير لحبك مساعدة الناس ولك الأجر إن شاءالله

دخلت بوقت النكسه ولا لي في الأسهم ولا اعرف اتعامل معاها ولا حتى بأبسط ابجدياتها وبهذا الوقت لوتشتري أكثر الأسهم خسارة

راح تكسب لأن كل الأسهم أخضر والكل ربحان لآمحاله بأمر الله .. وقدّر الله وخسرنا اللي كسبناه وصار الأخضر أحمر دم وراحت

رؤؤس أموال الشعب والله يعوّض كل خسران

بعدها حاولت كم مره أدخل علشان أعدّل وإلآ أبدّل لكن جاء الصدق اللي يعرف معطياتها بتوفيق الله بيعرف يتخارج واللي مايعرف

معلومة ولاتحليل مالي ولا تحليل أساسي بيكون صعب يتخارج وكانت لي محاولات كلها فشلت .. وبوقتها ماكنت محتاج لهذي الأموال

وقلت أخليها بلاش ابيع بخسارة كبيرة .. وعندي لله الحمد مايشغلني عنها

وأما الآن جاء وقتها لأني أدوّر على بيت وبتسوي لي شي إن شاءالله وخصوصا العقار مهدد بالنزول والله كريم وزاد حماسي لأني متفرغ

ماعندي شي يعني عاطل باطل هههههه قلت الله كريم تكون لي عمل وأستفيد منها ..

أدري قصتي طويله لكن الفضاوة وماتسوي !!

ياليتك أخوي محمد الرويلي لو تقدر تساعدني بشي وترسل جوالك للتواصل أكون شاكر ومقدر