اكتب احلى بيت شعر مر عليك...

[ندى الخالدي]

كل ما لديت وجهي .. للحياة / آربه
ينتهي وقت الغرام و يستخير إحساسي
.
مرني حب الذي ما خاف فيني ربه
واستعذت من التغير في رجا المتناسي!!

[ندى الخالدي]

كبريائي فـ الغلا ماهو .. تسلي
ندرة الأشياء .. اعشقها وابيها

ما أداني امتلاك الحاجه اللي
كل واحد يقدر .. يحصل عليها

[ندى الخالدي]

ااوووووص يا قلبي ما هي حزة حنين
العيون الليّ تبيھا يمكن نايمه
لا تظن ان المواصِل ، كل حين !
جمعه الاحباب ما هي دايمه

[ندى الخالدي]

ياكثر من راحو مع الوقت غيّاب
وياقل من باقي على الارض طاريه

سجل ياتاريخ الشرف صفحة اعجاب
للي يعيش الحاضر بخير ماضيه !

[ندى الخالدي]

يقولون الطيب ياخذه الزمن و يموت
........... وانا اقول يبقى كان نسله على ظنه ⠀

اليا مر له طاري ترد العرب بالصوت
......... يامال الوسع فـ القبر والعفو والجنهّ ..!​

[ندى الخالدي]

من باعني زعلان بعته إليا رقت
ماني معلق في سواحل ؛ عيونه !

عندي قناعه : ماتغير مع الوقت
ان الغلا / يستأهله من يصونه !

[ندى الخالدي]

يارب .. وصيتك بنفسي وانا اقول
أنا ( ضعيف ) وما معي غير شكرك !

ان شفتني في لذة العمر مشغول
يارب ، ( لا تشغلني ) .. الا بذكرك !

[ندى الخالدي]

لاقلت أحبگ موت ماهـو خافيگ
سجلت حبي لگ وصدق أعترافي

قرب حبيبي جعلني حي ماأبگيگ
نم في عيوني والهـدب لگ لحافي

[ندى الخالدي]

اخترتك مابين سبعه وعشرين
سبعه وعشرين مليون سعودي

الحب مايرحم قلوب العاشقين
الحب كافر وانتِ قلبك يهودي

[ديرتي الجبيل]

لا تزعلين تضيق فيني الوسيعـه
لا تزعلين اظـن مافيـه داعـي

بيني وبينك ماتصيـر القطيعـه
خلي الزعل للي هواهم صناعـي

لك بالوفا يانور عينـي طبيعـه
مير ادمحى الزلات وروفي وراعي

نشري رضاك وخاطرك مانبيعـه
حبك هوى نفسي وشوفك متاعي

اشواق قلبي تندفع لـك سريعـه
وانا على شانك سريع اندفاعـي

امرك يلبيـه الخفـوق ويطيعـه
لو في حلاة النوم فزيـت واعـي

حب البشر لو تجمعينه جميعـه
حبى لك اكبر والوفـا من طباعـي