استفسار عن الجامعيين للكليات العسكرية !

[ولد آلبلد]

السلام عليكم ..


ياخوان اعتبروني اخوكم الصغير ، انا منلبش الحين وعندي استفسار وابغى رايكم فيه ..

انا الأن على وشك التخرج من كلية التربية

وقريت في مواقع الكليات العسكرية ان شروط قبول الجامعيين ان لايكون قد تعين في اي منشئة حكومية !

هل فعلاً لم يجيني تعيين من وزارة التعليم (على مدرسة حكومية) يروح علي حلم العسكرية ؟؟

وهل لما ادخل في مدرسة اهلية وادرس فيها يصير لي مجال اقدر اقدم على العسكرية ؟؟



لاني والله وبالله متندم اني دخلت كلية التعليم ، متندم لان التعليم كرف في كرف وماكنت متوقع هالشيء بيكون قدامي ، وفوقها يغيبون معلمين بالجمل ويمسكونك حصصهم انت والمعلمين الأخرين بالتساوي ! وفوقها انا شخص عصبي جداً واعصب على اتفه الأمور ولامن عصبت انسى نفسي (والله انها حقيقة) واحياناً اجيب العيد ، وانا الأن في التطبيق الميداني ووالله كذا مرة بغيت اجيب العيد بسبة الطلاب الي يستفزون الي مايجيب ادواته ومهمل بالمادة ..


بالعربي مجال التعليم ماهو من جوي ابداً ، وودي اتركه واهجره ، ووالله ان العسكرية اصرف لي من التعليم صحيح فيها كرف شوي لكن تنكرف على شين تحبه افضل من انك تنكرف على شين كارهه


وودي الأن اقدم على الكليات العسكرية ، لكن المشكلة ان وزني مرتفع (فوق الوزن المسموح) سمنت بشكل غير طبيعي


ومادري والله ودي اسحب على تعيين وزارة التعليم ، واقدم لي على اي مدرسة اهلية اصمل معهم ترم او ترمين (واسوي لي ربط معدة او غيرها او انحف بالرياضة ) عشان انحف واقدم على العسكرية السنة الجاية :/




والله اني في حيرة من امري ، فياليت تفيدوني ،..



واعتذر ان الموضوع ماهو مرتب بكشل جيد ، واعتذر اذا الموضوع مو هذا قسمه الصحيح..

[هندنبرغ]

ياخوي انصحك اذا جاك قبول نهائي بالتعليم تروح له
لان العسكرية دامك سمين بتتعب فيها
وانا اكلمك وانا بالكلية الامنية
العسكرية زينة لكن اذا جاك قبول نهائي بالتعليم روح لا تنتظر فرصه ممكن تجيك ولا ماتجيك
لو انك مقدم على عسكرية وتعليم وجاك القبول في اثنينهم ممكن لكن الحين قدامك خيار واحد ما انصحك تفرط فيه على حساب شيء ممكن ما يجيك
بالتوفيق

[يارب ملازم أول]

انصحك تجلس في المكان الي انت فيه

ياخي قول الحمدلله

معروف الوظايف المدنيه اكثر رغبه من العسكريه وهذا شي لا جدال فيه
انت لو جربت العسكريه بتندم على الي كنت فيه
العسكريه فيها استفزازات اكثر من الطلاب ،، يجيك واحد يصلبك ولا يجازيك او يعطيك كلمه ولا تقدر تفك فمك

قسم بالله ان عندنا اثنين ملازمين خايفين من واحد مقدم ولا يخشون الحمام الي قدام مكتبه هههههههههههههه
وانا ادخل واطلع والحمدلله مدني ،، لكن لولا الحاجه كان ما قدمت عسكريه ، لاني على نظام العقود السنويه وعقدي قرب ينتهي والوظايف المدنيه مجمده

التعليم راتبها مقبول ،، ويرتفع سريع سريع والحين فيه تطوير للتعليم وراتب العسكري تراه قليل ولكن الي يرفعه بدلات
وعندك زي الآن من شهر ٩ الى شهر ١٢ ( حول ٥ شهور اجازه ! )

التنقل في التعليم سهل جداً وفيه حركة نقل سنويه
العسكريه كل ترقيه في وادي

فكر بالامر بجدية واستخر ربك
ولكن انصحك لا تفكر بالموضوع ابداً لانك راح تسوي مغامره غير مضمونه وقد تخسر الثنتين

[سمارتك]

كلمتان خفيفتان على اللسان، ثقيلتان في الميزان، حبيبتان إلى الرحمن: سبحان الله وبحمده، سبحان الله العظيم)

[ولد آلبلد]

الله يعطيكم العافية لكل شخص رد ..

ياخوان المشكلة الرغبة وحب المجال ، انت لو لك مالك رغبة في شي وماحبيته من سابع المستحيلات بتحبه لو راتبه كثير !

لكن عندي سؤال اخر اتمنى اني ما ازعجتكم ..


الحين لو كملت في التعليم ، واخذت الماجستير ، وقدمت على الحرس في أي رتبة اصير ؟؟

[ايه والله]

خلك في التعليم أفضل لك , واذا انت تكره التدريس حول للإدارة أو مكتب التوجيه .

[لا اله الا ربي]

المشاركة الأصلية كتبت بواسطة ولد آلبلد

الله يعطيكم العافية لكل شخص رد ..

ياخوان المشكلة الرغبة وحب المجال ، انت لو لك مالك رغبة في شي وماحبيته من سابع المستحيلات بتحبه لو راتبه كثير !

لكن عندي سؤال اخر اتمنى اني ما ازعجتكم ..


الحين لو كملت في التعليم ، واخذت الماجستير ، وقدمت على الحرس في أي رتبة اصير ؟؟

سوال اخوي هل انت معلم حكومي او معلم اهليه !

[ولد آلبلد]

المشاركة الأصلية كتبت بواسطة لا اله الا ربي

سوال اخوي هل انت معلم حكومي او معلم اهليه !

والله لحتى الحين مازلت طالب لم اخذ إخلاء طرف من الجامعة والوثيقة ، كلها شهر بالكثير واخذها ..

[د ، صاعقة]

أنا متخرج من كلية الملك خالد 1422 هـ ( ثانوي )
و الآن رائد في الحرس الوطني و لله الحمد
خلصت الجامعة 1436 هـ و قدمت على الخدمة المدنية
و الآن أنتظر المفاضلات بإذن الله
بتكلم عن نفسي شخصياً
و الله لو يطلع لي اسم في أي مفاضلة للوظائف المدنية لأترك العسكرية بدون أي تفكير
خدمتي تجاوزت 15 سنة و الله ما قد شفت الراحة اللي الشخص يتمناها
الضابط بشكل عام أموره ماشيه ما يبغى لها تفكير
لكن بالنهاية تبقى تحت امرة اللي أكبر منك
رائد تحت امرة مقدم ، مقدم تحت امرة عقيد ، عقيد تحت امرة عميد ، عميد تحت امرة لواء ، لواء تحت امرة فريق ، فريق تحت امرة فريق أول
يعني حتى و انت في رتبة فريق اللي ما توصلها الا بعد ما يوصل عمرك 50 أو 60 سنة باقي فريق أول فوقك يبقى مرجعك و يامرك على كل أمر تحاول تصدره

إذا انت تفكر تدخل الكليات العسكرية لأي قطاع
تفصل من عملك بطريقة نظامية و تتوكل على الله
و الكليات فعلاً ما يقبلون من كان موظف حكومي و فصل لأسباب انضباطية
يعني إذا تجاوزت المدة المحددة في الغياب و فصلوك هنا ما يقبلك أي قطاع عسكري أو أي كلية عسكرية الا بعد مرور 3 سنوات
و للمعلومية الكليات العسكرية مدققين بشكل لا يوصف في أصغر الأمور من ناحية الطول و الوزن و العمليات الجراحية ... إلخ
أقولها لك من ذلحين أمورك معقدة ، خلك في عملك و اشكر ربك ، و تراك في نعمة يتمناها أي شخص

[الله كريم2]

المشاركة الأصلية كتبت بواسطة د ، صاعقة

أنا متخرج من كلية الملك خالد 1422 هـ ( ثانوي )
و الآن رائد في الحرس الوطني و لله الحمد
خلصت الجامعة 1436 هـ و قدمت على الخدمة المدنية
و الآن أنتظر المفاضلات بإذن الله
بتكلم عن نفسي شخصياً
و الله لو يطلع لي اسم في أي مفاضلة للوظائف المدنية لأترك العسكرية بدون أي تفكير
خدمتي تجاوزت 15 سنة و الله ما قد شفت الراحة اللي الشخص يتمناها
الضابط بشكل عام أموره ماشيه ما يبغى لها تفكير
لكن بالنهاية تبقى تحت امرة اللي أكبر منك
رائد تحت امرة مقدم ، مقدم تحت امرة عقيد ، عقيد تحت امرة عميد ، عميد تحت امرة لواء ، لواء تحت امرة فريق ، فريق تحت امرة فريق أول
يعني حتى و انت في رتبة فريق اللي ما توصلها الا بعد ما يوصل عمرك 50 أو 60 سنة باقي فريق أول فوقك يبقى مرجعك و يامرك على كل أمر تحاول تصدره

إذا انت تفكر تدخل الكليات العسكرية لأي قطاع
تفصل من عملك بطريقة نظامية و تتوكل على الله
و الكليات فعلاً ما يقبلون من كان موظف حكومي و فصل لأسباب انضباطية
يعني إذا تجاوزت المدة المحددة في الغياب و فصلوك هنا ما يقبلك أي قطاع عسكري أو أي كلية عسكرية الا بعد مرور 3 سنوات
و للمعلومية الكليات العسكرية مدققين بشكل لا يوصف في أصغر الأمور من ناحية الطول و الوزن و العمليات الجراحية ... إلخ
أقولها لك من ذلحين أمورك معقدة ، خلك في عملك و اشكر ربك ، و تراك في نعمة يتمناها أي شخص

ههههههههههه ضحكتني والجو حار

اجل الملازم اول يتأمر على الملازم
والفريق يجلس تحت رحمة الفريق اول

والله لو انًك بكوريا الشماليه يالحبيب، يارجال الملازم اول والمقدم وبوقتدالدوام يمونون على بعض كأنهم بأستراحه

يمكن من مقدم وتحت اذا مر لواء او عميد يعطونه احترامه ويكون له هيبته ولو تقيسها على المدنيه نفس الشي لو يجي وكيل وزارة ويقابل مدير إداره تلقى له احترامه


اللي فهمته من كلامك يا انك بتقدم السنه هذي وتبغى تكرًه الناس بالعسكريه

او انك مدني ولا تعرف شي بالعسكريه

واقول الله يعطيك على قد نيتك