كلية الظباط

[الغامدييي]

السلا عليكم


كيف الالتحاق بكلية الظباط

و طموحي ملازم بمكافحة المخدرات

[عبااادي الغامدي]

اولا خريج...من اي جامعه بمعدل مرتفع
والتقديم مره في العام من موقع كليه الملك فهد الامنيه
خلال فتره الاعلانات

او التحق بالكليه الحربيه التابعه لوزارة الدفاع

[الشيخ نيوتن]

وعليكم السلام ورحمة الله وبركاته "

اهنيك على الطموح وبداية التخطيط السليم ..

التقديم يفتح دائما بنهاية كل ترم دراسي ثاني في السنة ..


لكن : حط في بالك ان نصيبك يصيبك وماتاخذ إلا الي كتبه الله عز وجل لك

انا احد المقبولين في كلية الملك فهد الأمنية هذه السنة قبول مبدئي واجتزت جميع الإجراءات
وقبلت للقبول الثاني واجتزت جميع الإجراءات لكن مع الأسف لم اقبل في القبول النهائي لا انا
ولا اصدقائي العدد تقريبا (8) أشخاص

الكلية تقبل عدد اكثر من المطلوب ب 10 اضعاف ويتعبون خلق الله وفي الاخير ياخذون اهل الواسطات
والي يطلع حظه حلو

عدد المتقدمين هالسنة 15000 الكلية اخذت 1000 فقط

لكن الحمدلله على كل حال لاعليهم شرهه ولا حسافه .. الآن ولله الحمد مدني ومتوظف بأحد المستشفيات
الحكومية براتب ممتاز .. وبلا نجمة بلا قمر


التقديم عن طريق موقع وزارة الداخلية ... اتمنى لك التوفيق ياغامدي .

[بو مرام]

عليكم السلام

الله يوفقنا واياك يارب ويحقق لنا الي نرغبه
القبول يكون في السنه مره واحده نهاية العام الدراسي بعد الفصل الثاني

ويقبلون اعداد كبيره في البدايه ويسوون تصفيه ويختارون على كيفهم

طبعاً القبول يتم على معايير خاصة فيهم
من أهم المعايير
تخصصك الجامعي ،، اذا لهم رغبه فيه او لا
قد يكون تخصصك مرغوب ومعدلك ( جيد ) بينما صاحبك تخصصه غير مرغوب او اعداد المتقدمين من التخصص هذا كثير ومعدله قد يكون جيدجداً مرتفع وما ينقبل وانت تنقبل

والامر الاخر ،، قياسات الطول والوزن الاقرب لتوافق الطول مع الوزن له نقاط اكثر

هي نقاط تجمعها

المقابله عليها مثلاً ١٠ نقاط وانت اخذت ٨
خويك اخذ ٨
الطول والوزن انت اخذت ١٠ وخويك ٨
المعدل اذا كان جيد ياخذ ٨ وخويك جيدجداً ٩
الان انت ٢٦ نقطه
خويك ٢٥ نقطه

على كذا يتم القبول والله اعلم

ومن ناحية واسطه !
ما اقدر افتيك علم في ذا الشي لان اعرف ناس انقبلوا بدون واسطات
والشباب المتجمعين هنا بالمنتدى انقبلوا بدون واسطات
لو عندهم واسطات كان ما تجمعوا هنا بالمنتدى وتناقشوا وهم على أحر من الجمر
انا اطلعت على مواضيع الدفعات السابقه وانت برضه طالع فيها وبتعرف اشياء حلوه

واما تخصيصك مكافحة مخدارت هذي ترجع لتخصصك وترجع لرغبة مكافحة المخدرات وهذي ما تتخصص فيها الا قبل التخرج باسبوع من الدوره العسكريه

بس العام الماضي فيه اعداد كان لها نصيب كويس في مكافحة المخدرات و أمن المنشئات والامن العام

[الغامدييي]

الله يعطيكم العافيه

طيب ايش التخصصات المطلوبه

وهل يستحسن يكون عندي لغه مثل الفارسيه

[موسيقار اسيا]

ياغامدي كليات الضباط الملك خالد وفيه الجويه و الامنيه و الحربيه وكل كلية تخرج ضباط لقطاعات مختلفه
المهم
مكافحة المخدرات قطاع تمام وراتبه عالي لان فيه بدل خطر وبدل سمعه وبدلات كثيره
ويكفيك تداوم بثوبك
ومداهمات واكشن
وتقديمها يكون من كلية الملك فهد الامنيه
وعلى فكره اذكر واحد من العيال مقدم على رتبة وكيل رقيب ورجعوه عشان معدله طايح < يعني شد حيلك بالمعدل
اتمنى فدتك وفالك التووووفيق والنجمه