العمر راح وأنا من همّ إلى همّ ساعدوني

[اااالعااااطل]

السلام عليكم ورحمة الله وبركاته وبعد :

إخواني أنا اللحين باقي لي 4 شهور ونص وأتمم 29 سنة ومن بعدها دخلت بدوامة في محيط لأني موظف بقطاع خاص براتب 2800 وحالتي المادية صعبة ودخلت إنتساب عن بعد وأرهقني الرسوم وتركتها ودخلت جامعة إنتظام صباحي وأرهقني هم الدراسة وهم الدوام مع ظغوط يمارسها المدير بشكل يومي علي التأخير بالخمس دقايق وتركتها وبعد ذلك قدمت على الدفاع المدني وجاني قبول نهائي خارج المنطقة لكنت ظروف والدي الطاعن بالسن لم تجبرني على الذهاب وقبلت بالأمن العام وجائني صدمة وفاة أبي والإنشغال بإخواني القصر ومراعاتهم وأمور الورثة وخلافه وتركتها وتكالبت علي الديون بنكية وشخصية على الراتب الضئيل وآخر شيء قدمت على قوات الأمن الخاصة وطردوني بسبب وزني وأريد الآن فقط وظيفة حكومية مدنية كانت أم عسكرية وجزاكم الله خيرا ووفقكم ورزقكم من واسع فضله

[اااالعااااطل]

للـــــــــــــرفــــــــــع

[وحيد ياقلبي]

ابشر بالخير وناخوك والله يرزقنا ويرزقك بالوظيفة الطيبة

اذا تبي الجيش قدم على التجنيد فالخرج ملفات ويقبلونك ان شاء الله

[خذلني التعب]

الله يوفقك

[هبوب الشتاء]

الله يفرج همي وهمك وأ نا عنك لست ببعيد ..

[بنتن لقحطان]

لا حول ولاقوة الا بالله

الله يسهلها ويسرها

عليك بالاستغفار
ودايم ردد " لا إله إلا أنت سبحانك إني كنت من الظالمين "
قولها ورددها بيقين
وبإذن الله تنحل الامور
وتلاقي وظيفه مناسبه وراتبها كويس
وتتسهل امورك وتتيسر

رب العالمين هو العالم بحالك وحال العباد
ماخاب من دعاه ورجاه
والله يكتب لك الخير والرزق من اوسع ابوابه

وكل ما انت فيه ماجور عليه وعساه رفعه لك ي رب

[ماتيا]

هلا اخوي لعلها خيرة انك ماتوظفت أنصحك تشتغل بالتجارة مثل الخضار والفواكه لو اشتغلت تبي تلقى خير تدخل بالشهر ثلاثين الف وأنصح جميع اخواني وأخواتي ان يفكرو بالأعمال الحرة ويتركون الوظائف الضعيفة يأناس تسع أعشار الرزق بالتجارة وعشر واحد فقط بالوظيفة وترا الراتب اسمه معاش يعني ما عاش تكفون الأجانب جو من بلادهم واشتغلو وصار فنانين بجميع الاعمال عندنا يدخلون بالهبل شهريا يمكن ما تصدقون لو أقول كم يدخلون من خمس آلاف الى مئات الآلاف تكفون إبداؤا من الان هذي بلدكم وأنتم أولى فيها تحياتي للجميع وأتمنى لي ولكم السعادة والتوفيق بالدنيا والآخرة

[مخبأه]

الله يفرج همك اذا كان عندك سياره اشتغل كداد وذحين احنا في موسم الشتاء اشتغل بالحطب بالخضاره زي ماقالوا كمان المحلات الهرفي كودو العربيه للعود الخ رواتبهم فوق 3000 وكمان المصانع او موظف استقبال بمستشفى على ماتجمع لك قريشن حاول انك تخفف من وزنك وقدم على العسكريه من جديد وان شاء الله يقبلوك وبما ان دايما الوظائف العسكريه مفتوحه قدم بعد شهر او شهرين بالتــــــــــــــــــوفيق

[قطرة غيث]

أسأل الله لك التوفيق والتيسير

[ريم مسلم]

اسآل الله العظيم رب العرش العظيم ان يفرجها عليك و يوسع رزقك