تجمع طلاب التجسير المجمعه هنا " أي معلومة عن القبول " تُكتب هُنـــا

[برادا]

مو مشكلة حتى لو كان شخص واحد يمثل المجموعة المتضررة ..الهدف هو ايصال الرساله (بغض النظر عن العدد)
لكن حبيت انوه ع شغله (أظن لابد تاخذون موعد مع الشبيح وتنسقون مع الوزاره )
لازم تتأكدون عشان ماتفشل المهمه

شكرا لسعيكم ولو كان اعتصام لاقالة الشبيح كنت أول المتقدمين

[للّوش]

يوم الأثنين غير مناسب بالنسبة لي يوم الخميس افضل

شوفوا يا جماعة الخير
جبت لكم خبرين فـ خذوا نفس
اولاً جامعة المجمعة نصااااااااااابة بكل ماتعنية كلمة نصابة من معنى
ليه نصابة ؟
هذا الله يسلمكم في عقد ( تعليم و عمل ) هذا صار بين الوزارة و الجامعات من ضمنهم جامعة المجمعة
اللي حصل يا طويلين العمر اني شفت عميد الجامعة تبع المجمعة مجتمع مع وزير التعليم
فهمتو ؟
يعني سالفة ( الوزارة متجاهلتنا ) ماهي إلا مقلب و تصريفة محترمة الجامعة جالسة تطبقها علينا
بدليل اني تواصلت مع اداري < ما منها فكة
قلت له اشوف عميدكم اليوم مع الوزير ... ليه تقولو ان الوزارة تجاهلونا وهم ماشاء الله لهم ايام معكم مقابلات و عقود
طيب و حنا ., تتوقعوا ايش رد الإداري علي !!
سكت و سحب علي .... اي نعم يا سادة سحب بعد ماحجرت له و عقبال ما احجر للعزام عساه لعزيمة السم ( معليش طلعت خارج النص شوي )
اللي مو متأكد من كلامي اكتبوا بقوقل ( تعليم و عمل ) و شوفوا عميد جامعة المجمعة مع الوزير
ولهم بتويتر فيديو إذا حابين تتأكدو صدقوني ما اكتب كلمة هنا إلا و انا سألت و بحثت و تناقشت و تهاوشت عليها

طيب نجي لـ ثانياً لأن اولا خلصت < يا خفة دمي


يا جماعة شوفوا رد الوزارة علي بعد ما كلمتهم
طبعاً كلامي كان انه ( ليه قفلتوا التجسير بعد قبولنا و ان حنا طلاب لنا حق نكمل تعليمنا مثلنا مثل غيرنا )
طبعاً كتبتها بصيغة ثانية
المهم هذا الرد ( ملاحظة : ترا بنسخ لكم الرسالة بالحرف بدون ما اكتبها بأسلوبي )

الرد :
بخصوص معاملة التواصل مع معالي الوزير
تعمل الوزارة على اعادة دراسة برامج التعليم الجامعي لتقويم مخرجاتها وتحسين الجودة بما يتناسب
مع حاجة سوق العمل



هذا و شكراً
ما أقول إلا الله يظلم اللي ظلمنا

[برادا]

^^
الرساله اللي ارسلتها لك الوزاره مبهمه كيف اعاده الدراسه؟
مو هم قالوا قررنا الايقاف بعد دراسه الموضوع..صراحه الموضوع صاير لعب اطفال اذا مافي امل يواجهونا زي الناس ويتكلمون لاجل نزبط امورنا حتى لو بالخارج ولاتضيع علينا السنه ننتظر حضرته يوافق نستمر
عبدالرحمن المقبل لما قابل الوزير يقول انه مصمم على الايقاف ويجي الحين رد من الوزاره اعاده الدراسه؟
هذا مايوقفه عن حده والاعيبه الا اعتصام وديوان مظالم ان شالله

[الهدف واحد]

اخ برادا يد وحده ما تصفق لازم الجميع يحضر اللي بالرياض خصوصاً


شخص واحد مارح يعيره اي انتباه


اخت للوش لو قبل الخميس افضل

[الهدف واحد]

اليوم جامعة الحدود الشماليه فتحت التجسير مره ثانيه بس للتخصصات الهندسيه

وجامعة المجمعه حساب عمادة التعليم المستمر غرد واعلن انه سيتم مع الطلاب اللي قدمو عالتخصصات الهندسيه فقط والكليات الصحيه


يعني احنا مالنا نصيب بالدراسه 😁 لان ماطالبنا

[للّوش]

انا ماعندي وقت متاح الا الخميس
إذا كنتم يالطلاب كثار خلاص يمديكم تروحوا
المهم ان صوتنا يوصل


و يا جماعة هذا بإختصار وزير يدور الشهرة
انا ابغى افهم ليه التخصصات الصحية ماشاء الله ماخذين حقهم وزيادة
ابتعاث و تجسير و منح داخلية بكل لهم .... طيب و حنا ؟

و الأخ فتح هندسة ع اساس بنات الهندسة قد شعر راسي
الله ياخذه اخذ عزيز مقتدر هو و جامعة المجمعة
مسخرة والله

و لما حس ان في كثير معترضين ع قراراته فتح فصول تحفيظ القران
وكأن البلد مافيها اصلا تحفيظ و يدرسوا بالترم الواحد لكل سنة 4 مواد دين غير القران نفسه
خلونا واقعيين في امور اهم من خباله هذا .... يبغى يكسب الشعب من الناحية الدينية لكن للأسف كثير يجهل هالشي و يصفق له
المهم لاحد فيكم ينسى خدمة تواصل ارسلو لهم كثير عشان يحسوا ان فيه امور لازم يردوا لنا فيها
و علمونا ايش يردوا لكم .. مع العلم ان الرد يوصل ثاني يوم او ياخذ يومين بالكثير
كل واحد يرسل ويعلمنا

اكتبوا ( تواصل وزارة التعليم ) و تطلع لكم الخدمة

[الهدف واحد]

ماعتقد فيه عدد بس ننتظر ونشوف الوقت اللي يناسب الباقين

[برادا]

تبون عدد كبير مالكم الا تويتر هنا مافي تفاعل اطلاقا

حقين الماستر للحين ماجاهم رد من الوزير (شقد هالادمي مستهتر)
اللي اتوقعه لو سمحوا لنا بالاكمال راح يكون بمقابل مادي..لأن تفكير عزام (مادي) ومكوش ع ميزانيه التعليم كل قراراته توفير ميزانيه التعليم

[__شعاع]

المشاركة الأصلية كتبت بواسطة الهدف واحد

انا قريت تغريدات عبدالرحمن المقبل الشخص هذا يبحث عن مصلحته فقط هو ماجستير موازي ويراجع الوزاره بخصوص استثناء الماستر الموازي ..


واحنا مو مهتمين ننتظر قرار يجي من دون مطالبات

انا بروح الوزاره ونحاول نكلم المسؤولين فيها

بس انا لوحدي مارح اسوي شي ، هل فيه احد بيروح معي يعني ثنين ثلاثه ماينفع نبي مجموعه عشان يعرفون ان احنا نمثل جزء كبير متضرر من هذا القرار

ياليت اللي يبي يروح يتكلم هنا عشان ننسق

ع اساس انتم ما تدورن ماصلحتكم ساكتين تنتظرون قبولكم فقط ولا وقفتو مع الادبي اتوقع في جامعة المجمعه كنتم صنم تنتظرون الجامعه ترد ولااحد استنكرقال خلونا ندافع عن اللى مثلنا دبلوم متابعه الموضوع ...
امـــــــــــــا عبدالرحمن واغلب الماستر يد وحده في كل الاقساام مع بعض بدون تحديد ماعلينا من الاقسام ولا المناطق لن هدفنا هو دراسة الماستر ....

[للّوش]

طلاب الماستر يد وحده
مو مثل التجسير للبكالوريوس ناس تتعب و ناس تنام
وكأن التعليم لنا لحالنا

صراحة شي مستفز بتخلص الإجازة و حنا للحين على حطة اليد
يعني ونعم بالله لكن ليه يصير معنا كذه مايكفي مرمطة التقنية يا رب ؟ <

لو يطلع اثنين للوزارة كفاية حنا نحتاج إجابة نهائية من ابو سيلفي عزام
جد محتاجين بس كلمة من الوزير نفسه

إذا الوضع فعلاً تحت الدراسة طيب نبغى نعرف متى الدراسة هذي
ماودنا يضيع كثر اللي ضاع انا لو مادرست هالسنة بيجيني شي صراحة

جد نحتاج لو ع الأقل اثنين يروحوا و يستفسروا من الوزارة بخصوص موضوعنا
و في حال مالقينا نتيجة هنا نطلع كلنا و هذا الصح