احتاج شركة لانشاء حراج الكتروني وتطبيقات جوال

[غرااام]

السلام عليكم ورحمة الله وبركاته


الله يعافيكم اللي عنده خبرة في الشركات اللي تقدم خدمة انشاء المواقع الالكترونية يا ليت يفيدني

حابة اصمم موقع الكتروني للبيع مثل حراج وامازون ومستعمل، وتطبيق جوال للايفوت والاندرويد
وش الشركات المعروفة بهالمجال وكم أسعارها تقريباً

[فاعل خير8]

وعليكم السلام ورحمة الله وبركاتة

من ناحية تكلفة تطبيق الجوال قد طلبت من شركة برنامج قالو لي 17000 مع الدعم والدعاية في مواقع التواصل الاجتماعية

وفكرتك يبي لها دراسه جدوى . واهم شي التمييز عن باقي المواقع



بتوفيق

[غرااام]

المشاركة الأصلية كتبت بواسطة فاعل خير8

وعليكم السلام ورحمة الله وبركاتة
من ناحية تكلفة تطبيق الجوال قد طلبت من شركة برنامج قالو لي 17000 مع الدعم والدعاية في مواقع التواصل الاجتماعية
وفكرتك يبي لها دراسه جدوى . واهم شي التمييز عن باقي المواقع


بتوفيق

الله يجزاك خير.. ممكن اسم الشركة اللي كلمتهم

ونسيت أسأل عن الاجراءات الحكومية.. هل أحتاج سجل تجاري؟ وايش هي باقي الشروط والاجراءات؟

[دراسة مشاريع]

فيه قبل كذا مرت عليا تبيع برامج جاهزه للويب للمتاجر زي حراج .. بالنسبه للتطبيقات اغلب المصممين العرب ضعاف فيها مادري وين الخلل.

[معهد رياده]

هذا موقع جدا ممتاز لي صاحب عمل موقع

مميزات الموقع

صيانه التطبيق او الموقع بشكل علئ حسب العقد

نشر التطبيق ايضا حسب العقد المتفق


هذا الموقع والله يوفقك ويرزقك من خيره بالبركة

http://www.awan.net.sa

[نايوفيتش]

المشاركة الأصلية كتبت بواسطة غرااام

السلام عليكم ورحمة الله وبركاته


الله يعافيكم اللي عنده خبرة في الشركات اللي تقدم خدمة انشاء المواقع الالكترونية يا ليت يفيدني

حابة اصمم موقع الكتروني للبيع مثل حراج وامازون ومستعمل، وتطبيق جوال للايفوت والاندرويد
وش الشركات المعروفة بهالمجال وكم أسعارها تقريباً

انا من رايي انك تدرس الموضوع اكثر ، لكن على حسب ما اشوف ان الفكرة مكررة ،

المكرر دايماً يفشل ، ولكن لازم دراسة المشروع اكثر من حيث الايجابيات والمميزات والاشياء التقنية


عالم الانترنت مكلف لكن فيه مكسب ، لكن خطورته عالية جداً

[كوزمس]

دائما في مثل هذه المشاريع .. يحتاج لها دراسة مسبقة ومعرفة لدى الشخص ..

فقد تجد شركات للتصميم ولكن لن يصممو إلا بما تطلب وما لديك من أفكار يمكن ترجمتها برمجيا ..
بكل الأحوال .. مهم جداً تكوين رسم تخطيطي أو تحليل للنظام عما تريد من المصمم والمبرمج عمله ..
حتى لو أردت تقليد لموقع مميز فجيد لكن يلزم يكون لك الخدمات الخاصة بك والميزات لموقعك ..

نعرف كثيرا من المواقع الناشئة لهذا المجال وفرص النجاح القليل مع أنها تحتاج لصبر سنين وعمل دائب لهدف النجاح ..


بسؤالك عن الشركات .. كثيرة ولكن هناك من لهم صيت وتجارب للكثير شركة توب لاين ..
http://www.tl4s.com.sa/services/

بالرغم من عدم تجربتي الشخصية معهم .. لكن لا يمنع من التواصل معهم وطرح فكرتك وسماع ما لديهم ..


وكل التوفيق ..

[دراسة مشاريع]

انا صاحب منتدى شهير جدا عام ظ¢ظ*ظ*ظ¥ الى ظ¢ظ*ظ،ظ، تقريبا تم اغلاقه وتم التعامل مع شركات كثيره سعوديه ومنها المربع نت وتوب لاين وغيرهم ،، والله ثم والله انهم يتعبون الواحد ويستغلونه بشكل فضيع .. الاجانب اصدق واضمن لانهم يحترموا مهنتهم (مو كلهم لكن الشركات الكبيره) ويحترموا العقد والعميل ..

نصيحتي دور لك اي طريقه غير التعامل مع الناس الي عندنا للاسف الي تستغل الناس .

[demoa05]

قبل لا تدخلين هذا المجال جربي في المواقع المجانيه

الغالبية الساحقه من المواقع الآن تعتمد على ما يسمى (الصفحة الفلاشية الواحده يعني الموقع كله عباره عن فضاء فلاشي انيق و جميل مثل هذا هنا )

النمط هذا (الصفحات الفلاشيه) هي الدارجه حاليا بحكم انها جميله و انيقه و فيه مواقع كثييييييييييره جدا تصمم لك موقع و أرخص و احسن و ازين و غير كذا بعضها بلاش و اذا جاز لك تحولين للنسخه المدفوعه و تكون مدعومه وحركات

مثال على كلامي جربي موقع :- وكس دوت كوم (دبليو -اي -اكس) بدون الشرطات

مجاني و ينافس غالبيه المواقع اللي تشوفينها بالنت و يوفر لك قوالب على حسب المجال اللي ترغبينه بلاش و بفلوس

لكن قبل هذا كله

شوفي نفسك هل انتي عندك القدره على المتابعه و الشغف و الرغبه ..!!

ان كانك مصممه على دخول هالمجال ادخلي على الموقع اللي تبين تنافسينه و انزلي إلى أخر الصفحه و شوفي كلمة

powered by أو تطوير .....

هذي باختصار هي الشركات المطوره و الداعمه للموقع و بكذا تختصرين على نفسك مشوار طويل و توصلين للزبده مباشره و تتواصلين معهم

مثال : موقع بطاله الشركه المصممه و المطوره اسمها توب لاين ... انزلي لآخر الصفحة و شوفي الشعار يسار


ان كانك تبين تصممين برنامج ممتاز و يفي بالغرض فيه موقع اسمه fivver وفكرته ان فيه ناس تبيع لكي خدماتهم و اللي تبدأ من 5 دولار و يرتفع السقف بحسب الخدمه

فيه ناس تطور و تبرمج لكي برامج للجوال و تبدا من 7 دولار و انتي طالعه و تشترطين عليهم بعد.


دوام التوفيق

[بالله بالتوفيق]

حياك الله انا سبق وان صممت تطبيق جوال بمساعدة مبرمج محترف تحتاج لغة انجليزية للتواصل وهذا رابط الموضوع

https://www.btalah.com/t659857.html