انقبلت رقيب كاتب بالقوات البرية استفسار لو تكرمتم يااخواني

[لهفة شمالي]

السلام عليكم ورحمة الله وبركاته يااخوان انا قدمت على القوات البرية وانقبلت كاتب برتبة رقيب وخلصت جميع اوراقي من اوراق عمدة وكشف طبي والحمدلله اجتزته وسلمت ملفي الاثنين الماضي اللي له خبرة وش يتبقى اجراءات هل اباشر قبل الدورة ويلحقوني بدورة او اجلس الين ماتجي الدورة وكيف الرواتب طيبة وزينة وكيف عمل الكاتب والف شكر للجميع وبالتوفيق يارب

[حمايه جهازك]

الله يوفقك خلاص كذا تنتظر قرار المباشره لجهه العمل بس تابع التجنيد كل اسبوع مره لو مره واذا وصل قرارك تأخذه وتروح مقر عملك وتباشر هناك ومن مقر عملك هو يرفعون لك اوراق الدوره وكل شي تصير تابع للسريه حقتك الرواتب زينه رقيب يوصل الى 9 واكثر بعد لان جندي اول يوصل ست ونص بدون دوره التخصص مع دوره التخصص يوصل سبع ونص يعني رقيب يوصل 9 والله اعلم

[e3wedl]

ولد عمي جندي بقسم المدخرارت يستلم بحدود 7500

له تقريبا سنه موظف بدون دوره
دورته تبدا بشهر 8 الجاي

والله يوفقك ياخلفهم

[لهفة شمالي]

الله يعطيكم العافية ماقصرتم ومجملين يارجال بس خوي لي يقول لي ماراح تباشر قبل الدورة الا على رقم ولو ماكان فيه رقم تنتظر لين ماتجي الدورة ويدرجونك فيها وانا ماادري مابين هذي وهذي مدري وش العلم الصحيح وسلامتكم

[عسكري فاصل]

المشاركة الأصلية كتبت بواسطة لهفة شمالي

الله يعطيكم العافية ماقصرتم ومجملين يارجال بس خوي لي يقول لي ماراح تباشر قبل الدورة الا على رقم ولو ماكان فيه رقم تنتظر لين ماتجي الدورة ويدرجونك فيها وانا ماادري مابين هذي وهذي مدري وش العلم الصحيح وسلامتكم

الف مبروك.

صحيح اذا كان في رقم شاغر راح يعينوك عليه لين تجي النشرة السنوية للدورات وبعد ذالك يرشحونك لدورة
اتمنى لك التوفيق.
العمل المكتب جميع معاملات العسكرمن رفع معاملات واستلام معاملات والرد على الخطابات ومتابعة المعاملات
اهم شي الافادات لانها راح تاثر على ملف العسكري في الترقة وغيره.
وفقك الله لمايحبه ويرضاه.
والله ينصر جنودنا .

[mohammad2070]

انا كنت سلاح مدفعية وحولت لي كاتب .. وقالولي تعال راجعنا في نص رمضان ..

عشان اوراقك بتتحول للرياض وقتها نشوف هل بقبلوك او لا ادا انقلبت في رمضان بنقلك موعد الدورة ..

يوم كم بالضبط لكن شهر 10 تحديداً دورتها ..

وانا مثلك معطيني رتبت رقيب والله يسهلها .. ويفرجها

[لهفة شمالي]

طيب يااخوان بخصوص الكشف الطبي انكتب لي لائق للمستوى الثالث وش وضعه بالضبط فيه احتمالية ان دخول الدورة يكون ضعيف او وش ياليت اللي عنده خبرة يدلي بدلوه علي ولكم جزيل الشكر

[ضويض]

انا كاتب كعمل يوميا تداوم ومعك جمعه وسبت وتلحقك خفاره بالشهر مرتين والرواتب طيبه وبالنسبه لي ماداومت دخلت دوره وبعدها تعينت وباشرت العمل الدوام من الساعه 7 الين الساعه 12 الظهر

[لهفة شمالي]

يعطيك الف عافية ياضويض بس ياشباب لاهنتم بخصوص انه انكتب لي لائق للمستوى الثالث هذي فيها مشكلة علي او اموري طيبة لاني سمعت انه دخول الدورة يكون صعب للي لائق للمستوى الثالث لان فوقه مستويين والله ييسر الامور

[ضويض]

مادري يس اعتقد يخلونك احتياط للدوره اللي بعدها اذا صار به نقص ولا محد حضر من المقبولين يقبلونك للدوره وانت دور بالقطاعات الداخليه افضل لك انا بالجيش وما انصحك بالجيش رح الامن العام او الجوازات واذا عندك مشاكل كطول و و .. الخ خش الجيش وحبيبي تراك جامعي حرام تدخل فرد خش ضابط اعرف ضباط دخلو بشهادة ثانويه العام قدم على الكليه الحربيه وحط النجمه ع كتفك منها هيبه بداومك وهيبه عند جماعتك ابرك من فرد ماغير جزاوات وتدق تحايا للورعان ههههه ترا صحيح