كاتب وكيل رقيب بدفاع الجوي ولا موظف بند 105..؟

[دحدوح العتيبي]

.#



السلام عليكم


أخواني أنا الآن مخير بين هذين ..


أنا الان موظف في رئاسة الحرم بند 105 وراتبي 4300 ريال
وفي عهد الشيخ السديس محد يطول على بند 105 ألا وهو مترسم بأذن الله
وأذا ترسمت المرتبة المستحقة لي [ الخامسة ] لكن في رئاسة الحرم ما تضمنهم يعطونك الخامسة أحتمال الرابعه أو الثالثة..!!!
لكن بدا الخوف والقلق من هالبند ..أخاف بكرة النهار يقولون لي يله توكل ع الله
اليوم جاني أتصال من الدفاع الجوي بجدة ع رتبة وكيل رقيب كاتب..

فأنا في حيرة
المدني راحة ما بعدها راحة ولحد يفتح فمه عليك أثناء دوام لكن رواتب ضعيفة
العسكرية رواتب قوية لكن كلكم تعرفون العسكرية وغثاها وما أضمن نفسي أكون في جدة عالطول [ القرب من الوالده مهم بالنسبة لي ]

والله يوفقكم دنيآ وأخره سآعدوني رآسي بيتفجر ..

[مخااوي االذيب]

الكاتب العسكري نفس المدني في مكتب و لا عنده لاشغله و لا مشغله و دوام رسمي 6 ساعات و تطلع خميس وجمعه و فيها أمان وظيفي من بعد الله أما البند أنت تعرف وضعه

ودامك ما تقدر تترك أمك فمالك إلا تكمل في وظيفتك يمكن تترسم أما العسكرية بينطلونك في أي ديره يبونها و إذا تبي تنقل عند أهلك لازم تتدبر دقيش يداقشك

و قبل لا تقرر استخر ربك

[دحدوح العتيبي]

^

الشي الممتاز في صالحي أني اكون ع رتبة وكيل رقيب كاتب+ اداوم مع أخوي
بالاضافة الي أن أخوي يقول لي كلمت الملازم بخصوص النقل ف قال لي ما راح يكون نقل أجباري
ف النقل بيكون أختياري له...!!
لكن ع قولتك نصلي الاستخارة والله يكتب اللي فيه الخير لي